12:54 / 24-05-2024
MEDİA müsabiqə elan edib
Tatarıstanın hava limanları bağlanıb - PUA hücumuna görə
Tarix: 15-05-2024 14:59 | Bölmə: Dünya
Tatarıstanın hava limanları bağlanıb - PUA hücumuna görə

Tatarıstanın hava limanları pilotsuz təyyarələrin hücumu səbəbindən fəaliyyətini dayandırıb.

Reyting.az
xəbər verir ki, bu barədə Rusiya Federal Hava Nəqliyyatı Agentliyi məlumat yayıb.

Müdafiə Nazirliyinin məlumatında isə bildirilir ki, mayın 15-də səhər saatlarında bölgə təyyarə tipli PUA-nın hücumuna məruz qalıb.

Məlumata görə, Kazan hava limanı Moskva vaxtı ilə saat 07:27-dən, Nijnekamsk hava limanı - Moskva vaxtı ilə saat 07:55-dən etibarən müvəqqəti olaraq təyyarələri qəbul etmir və göndərmir.

“Uçuşların təhlükəsizliyini təmin etmək üçün hava gəmilərinin ekipajları, dispetçerlər və hava limanının xidmətləri bütün lazımi tədbirləri görür”, - deyə Federal Hava Nəqliyyatı Agentliyinin məlumatda bildirilir.

Rusiya KİV-ləri isə yazır ki, mayın 15-də səhər saatlarında hücuma məruz qalan təkcə Tatarıstan deyil. Rostov vilayətinin Proletarski rayonundakı yanacaq anbarına da pilotsuz təyyarə zərbəsi endirilib. Bundan əlavə, Ukrayna Silahlı Qüvvələri 4-cü Qvardiya Hava Hücumundan Müdafiə Ordusunun 38-ci Qırıcı Aviasiya Alayının yerləşdiyi Sevastopol yaxınlığındakı Belbek Rusiya hərbi aerodromunu ATACMS raketləri ilə vurub, bundan sonra aerodromda yanğın başlayıb.

E. KAMAL




Bölməyə aid digər xəbərlər
{sape_links}{sape_article}