Podolyak: “Kütləvi şəkildə qadınları zorlayan, uşaqları öldürən vəhşi sivilizasiya ilə müharibədəyik”

Xəbər lenti

00:39 / 29-10-2025

Türkiyə Cümhuriyyətinin qurulmasının 102 illiyidir

23:58 / 28-10-2025

İsrail Qəzzanı yenidən bombalayıb

23:13 / 28-10-2025

Saleh Səmədovun üçüncü oğlu da vəzifədən uzaqlaşdırılıb

21:34 / 28-10-2025

“Kontakt Home” milyonlarla manat borca düşüb

20:08 / 28-10-2025

İnsan beyninin prinsipləri ilə işləyən superkompüter hazırlanıb

19:52 / 28-10-2025

İlham Əliyev iki kəndin sakinləri ilə görüşüb - Fotolar

19:06 / 28-10-2025

İlham Əliyev Horovlu kəndində sakinlərlə görüşüb - (Yenilənib) - Fotolar

18:09 / 28-10-2025

İlham Əliyev Ərdoğana məktub göndərib

17:59 / 28-10-2025

Bakıda taxtalar yığılan ərazi yanır

17:48 / 28-10-2025

Ruben Vardanyana yeni vəkil təyin olunub

17:36 / 28-10-2025

İlon Mask "Vikipediya"ya rəqib ensiklopediya yaradıb - Foto

17:30 / 28-10-2025

Cəbrayıl şəhər məscidinin təməli qoyulub

17:25 / 28-10-2025

Ayda şüşə şəhərlər tikəcəklər - Fotolar

17:11 / 28-10-2025

Daha bir ölkə Çindən üz döndərib

17:09 / 28-10-2025

"Qarabağ"-"Çelsi" oyununun biletləri satışa çıxarılıb

16:57 / 28-10-2025

Prezident iki stansiyanın təməlini qoyub - Fotolar

16:29 / 28-10-2025

Deputatlar 11 məsələni müzakirəyə çıxaracaq - Siyahı

16:19 / 28-10-2025

Ruslar iki yaşayış məntəqəsində məğlub olub

16:08 / 28-10-2025

Hindistan şirkətləri Rusiya neftindən imtina edir

15:54 / 28-10-2025

Neftin qiymətində enmələr başlayıb

15:48 / 28-10-2025

Prezident avtomobil yolunun açılışında iştirak edib

15:42 / 28-10-2025

Cəbrayılda ikinci və üçüncü yaşayış komplekslərinin təməli qoyulub - Fotolar

15:29 / 28-10-2025

İrandan Azərbaycana narkotik keçirmək istəyiblər

15:12 / 28-10-2025

Növbəti köç karvanı Xocalıya çatıb - (Yenilənib) - Fotolar

14:38 / 28-10-2025

İlham Əliyev Cəbrayılda - Horovlu kəndinin açılışı olub - Fotolar

14:30 / 28-10-2025

"Şagird-məzun" elektron sistemi üçün "Təqvim planı" təsdiqlənib

14:24 / 28-10-2025

2200 rus hərbçisini əsir götürüblər

14:18 / 28-10-2025

Bir neçə ölkə risk altına düşüb

14:07 / 28-10-2025

Azərbaycanla Belarus arasında Birgə Protokol imzalanıb

13:46 / 28-10-2025

Ən böyük dairəvi əl xalçasını toxuyurlar - Fotolar

Xəbər lentinin davamı

Ən çox oxunanlar

11:29 / 24-10-2025

Paşinyan Erməni Apostol Kilsəsini Azərbaycanla sülhə təhlükə görür

14:48 / 25-10-2025

Sədr postu uğrunda mübarizə ata-oğul qarşıdurmasına səbəb olub

12:35 / 24-10-2025

Sülh savaşı - Zahid Oruc yazır

17:14 / 24-10-2025

Dövlət Agentliyinin rəisi vəzifədən azad olunub - Yeni təyinat - (Yenilənib)

20:19 / 27-10-2025

Nazir Emin Əmrullayevə bir neçə sual

18:00 / 25-10-2025

Anar Əsədlidən 4 şikayətçi var

23:17 / 25-10-2025

Vəkil Zabil Qəhrəmanov həbs olunub

16:17 / 27-10-2025

Ramiz Mehdiyevin Rusiyaya yazdığı gizli məktub üzə çıxıb - Fotofakt

16:57 / 27-10-2025

1500 illik qızıl sikkə xəzinəsi tapılıb

16:37 / 27-10-2025

Prezident səfirləri geri çağırıb - Yeni təyinatlar - (Yenilənib)

12:22 / 27-10-2025

Azərbaycanın Yaxın Şərq həmləsi: Vaşinqtondan dəstək var

18:09 / 26-10-2025

"Neftçi" qələbə qazanıb

Podolyak: “Kütləvi şəkildə qadınları zorlayan, uşaqları öldürən vəhşi sivilizasiya ilə müharibədəyik” - Müsahibə
Tarix: 20-04-2022 15:33 | Bölmə: Müsahibə

Şirift ölçüsü:

Ukrayna PA-nın nümayəndəsi: “Qadınlarımıza və uşaqlarımıza qarşı kütləvi zorakılıqlar Qərbdə müvafiq ictimai reaksiya doğurur”

Rusiya Donbass uğrunda döyüşün yeni məhələsinə başlayır. Bildirilir ki, Donbassda əldə ediləcək nəticə Rusiya-Ukrayna danışıqlarına ciddi təsir göstərəcək.

Ukrayna Prezident Aparatı rəhbərinin müşaviri Mixail Podolyak ölkəsinin mətbuatına həm Donbassla bağlı məsələ, həm də Rusiya ilə danışıqlarla yanaşı Abramoviçin Kiyevdə peyda olmasından danışıb.

Reyting.az müsahibəni qısa ixtisarla təqdim edir:

- Medvedçuk prezidentlər - Volodimir Zelenskiyə və Vladimir Putinə onun Mariupolla dəyişdirilməsi təklifi ilə müraciət edib. Bu kimin təşəbbüsü idi?

- Birincisi, Medvedçuk müharibənin elementidir, yəni Rusiya Federasiyasının ölkəmizə qarşı təcavüzünə səbəb olan adamdır.

İkincisi, Medvedçukun tutulduğunu göstərəndən sonra, təbii ki, prezidentdən təklif oldu. Biz bu şəxsi məyyən sayda hərbi əsirlərimizlə dəyişməyə hazırıq, çünki xalqımız bizim üçün daha vacibdir.

Üçüncüsü, Medvedçukun özü vəziyyətdən çıxış yolu tapmaq istəyir. O, başa düşdü ki, heç kim onu sadəcə olaraq dəyişdirməyəcək, böyük problemlər yaşayacaq, çünki 2014-cü ildən Ukraynada etdiklərinə dair ifadə verməli olacaq ki, niyə onun fəaliyyəti Rusiya Federasiyasının ərazimizə belə genişmiqyaslı müdaxiləsinə səbəb oldu. Mariupol sakinləri və müdafiəçiləri müqabilində özünü təklif etmək onun təşəbbüsü idi.

Məncə, bu, yeganə düstur idi ki, Rusiyanın müharibə apardığını nəzərə alsaq, Medvedçuku vermək və bütün xalqımızı Mariupoldan götürmək mümkün görünə bilərdi. Ancaq Rusiya tərəfdən reaksiya gözlənilən idi.

- Medvedçukun ifadəsi bəlkə də onu Ukrayna vətəndaşları ilə dəyişməkdən daha dəyərlidir?

- Mənim üçün Mariupoldakı qəhrəmanların həyatı daha qiymətlidir. Onsuz da hər şeyi quracağıq və amma həyat qiymətsizdir. Üstəlik, bu gün Mariupolu müdafiə edən insanlar Ukraynanın simvollarıdır, onları çıxarmaq hər şeyə dəyər.

Hesab edirəm ki, Medvedçuk bu gün çox intensiv ifadə verir.

Medvedçuk 2015-ci ildən 2018-ci ilə qədər ən güclü media oliqarxına çevrildi. Ümid edirəm ki, onun Ukraynada həm media, həm də enerji sektorunda oliqarxa çevrilməsinə kimin kömək etməsi ilə bağlı suallara cavab ala biləcəyik. Yardım olmadan (və təkcə Rusiyanın deyil) bu, mümkün deyildi.

Yaşamaq istəyir, üstəlik çox qorxaq insandır. Bu gün biz onun simasında sağ qalmaq istəyən, nə Rusiyaya, nə də Ukraynaya lazım olmadığını anlayan bir insan görürük.

- Medvedçukun nüfuzlu şəxs olmasına kömək edə biləcək ukraynalılardan danışarkən beşinci prezident Pyotr Poroşenkonu nəzərdə tutursunuz, yoxsa başqasını?

- Mən deyirəm ki, bu gün biz Medvedçukun Ukraynada oliqarxa çevrilməsini niyə, necə və kimin sayəsində əldə etdiyi barədə konkret hüquqi qeydə alınmış ifadəni almalıyıq. Hansı adları çəkəcəyini sonra sizinlə müzakirə edərik.

- Rusiya Medvedçukun Mariupoldan olan mülki şəxslərə və hərbçilərə dəyişdirilməsinə razılıq versəydi, bu, Mariupolu rus işğalçılarının nəzarəti altında tərk etməyimiz mənasına gələrmi?

- Orada artıq şəhər yoxdur, infrastrukturun 90-95 faizini dağıdıblar. Biz gedə bilmərik - bu, Ukrayna şəhəridir. Bu gün işğal altında olan bütün şəhərlər, xüsusən də Ukraynanın cənubunda - Xerson, Heniçesk, Nova Kaxovka - bizim şəhərlərimizdir, xalqımızın 90 faizi oradadır. Rusiya müvəqqəti olaraq orada ola bilər. Düşünmürük ki, bu şəhərləri onlara verdik. Biz onları geri alacağıq. Mariupolu də eyni ilə.

İnsanların sağ qalması üçün onları götürmək lazımdırsa, bunu etməliyik. Bunun üçün onları Mariupoldan çıxarmaq lazımdırsa, çıxaraq. Bu o demək deyil ki, ruslar Mariupolu nəzarətdə saxlayacaqlar. Ukraynanın şərqində və cənubunda belə, onlara son dərəcə mənfi münasibətin olduğunu nəzərə alsaq, bu ordunun nəyi nəzarətdə saxlayacağını bilmirəm.

- Rusiyanın Medvedçukun dəyişdirilməsi çağırışına cavab verməməsini necə izah edirsiniz? Putinin mətbuat katibi Dmitri Peskov onun Ukrayna vətəndaşı olduğunu bildirib. Bu, Kremlə Medvedçukun lazım olmadığı anlamına gələ bilərmi?

- İstəyirəm hamımız özümüzə hörmət etməyə o baxımdan başlayaq ki, biz böyük ölkəyik. Biz Rusiyanın böyük ölkə olduğunu düşünməməliyik. Medvedçuku isə nəyəsə təsir edən, kiminsə xaç atası kimi qəbul etmək olmaz. Əslində o, Rusiyanın pulu ilə Ukraynada olmuş bir fəhlədir. “Özü üçün nəsə götürdü, burada nüfuz sahibidir, ona daha çox pul verin, burada çevriliş təşkil edəcək, parlamentə nəzarət edəcək və s.”, - bunların hamısı nağıldır.

Medvedçuk heç kimə lazım deyildi, nə burada, nə də orada. O, 2015-2018-ci illərdə Ukraynadakı əlaqələrinə görə, Rusiyaya sübut etdi ki, burada nəyəsə təsir edə bilər. Çünki gördülər ki, onun media, siyasi və biznes fəaliyyəti artmaqdadır.

Bu gün ruslar Medvedçuk kimi onları azdıranlardan yaxa qurtarmaq istəyir. Rusiya Medvedçukdan istifadə edərək, Ukrayna əhalisinin 80 faizinin rusiyapərəst olduğunu düşünürdü. Artıq bunlar çox kiçik insanlardır və ruslara lazım deyil. Onlarla müəyyən hesablaşmaq lazım gələ bilər.

- Putin Aİ-nin yüksək rütbəli rəsmilərinə danışıqların vaxtı olmadığını deyib. Bu o deməkdirmi ki, onlar çıxılmaz vəziyyətdədirlər? Donbass uğrunda döyüş bu danışıqların gedişatını müəyyən edəcəkmi?

- Bu gün əsas Donbassdır və ruslar artıq ikinci mərhələyə başladıqlarını elan ediblər. Ümumiyyətlə, onlara baxmaq mənim üçün çox maraqlıdır: yalan danışan, uyduran adamlardır. Əvvəllər Ukraynanı üç günə, maksimum isə beş günə alacaqlarını deyirdilər. Amma təəssüf ki, bizim hələ də ölkənin şərqində, təkcə Donbassda deyil, Xarkovda və Xarkov istiqamətində çox güclü döyüşlərimiz olacaq və bundan sonra hər birimizin hara getdiyini anlayacağıq.

Danışıqlar prosesinə gəldikdə, təəssüf ki, Rusiya Federasiyası adlı çox aqressiv bir imperiya ilə üz-üzə qaldığımız zaman vəziyyətin təkrarlanmaması üçün müharibədən necə çıxmaq və Ukrayna üçün təhlükəsizlik təminatlarını necə almaq barədə çox yaxşı formal qərarımız var idi. Halbuki bizim İstanbul görüşümüz oldu və orada müəyyən dövlətlərin daimi olaraq Ukraynanın yanında olacağına dair az-çox aydın düstur qoyuldu. Bundan sonra Kiyev bölgəsində danışıqların fonunu əhəmiyyətli dərəcədə dəyişdirən olduqca fantastik bir olay baş verdi. Buçadan sonra danışıqları quru qəbul etmək artıq mümkün deyil. Bundan sonra Kramatorsk oldu - stansiyada insanların öldürülməsi, sonra bizdə bu gün məhv edilən Mariupol var. Danışıqları emosiyasız qavramaq artıq mümkünsüzdür.

Lakin işləyən hüquqi alt qruplar Ukraynanın beynəlxalq hüquq normalarına uyğunluğu baxımından onun təhlükəsizliyinə zəmanətlər haqqında sazişi yekunlaşdırır. Siyasi məsləhətləşmələr potensial qarant dövlətlərin siyasi müşavirləri səviyyəsində aparılır.

- Xarici KİV-lər Roman Abramoviçin yenidən Kiyevə səfər etdiyini yazıb. Niyə gəldi, indi bu danışıqlarda hansı rolu oynayır?

- Nə üçün gəlməsi barədə heç bir məlumatım yoxdur. Amma o, ilk növbədə Rusiya nümayəndə heyətinin üzvüdür, vasitəçi kimi çıxış edir. Bizim Rusiya nümayəndə heyətinə çox mənfi münasibətimizi nəzərə alaraq dialoqun baş tutacağına əmin olmalıdır.

- Məlumat var ki, rus işğalçıları Mariupol və Xerson vilayətindən kişiləri səfərbər etmək istəyirlər. Əgər doğrudursa, bunun qarşısını necə ala bilərik?

- Belə məlumatlar var, amma dezinformasiyalar da çoxdur. Məncə, Xerson və ya Zaporojya vilayətlərində səfərbərlik təşkil etmək mümkün deyil, çünki ruslara loyallıq yoxdur. İnsanların silaha sarılaraq Ukrayna qoşunlarının tərəfinə keçəcəyi göz qabağındadır. Və mən bunda bir məna görmürəm, çünki onlarda hələ də çoxlu buryatlar var, onları gətirmək olar. Onları Rusiyada adam saymırlar. Mənə daha real görünür ki, onlar “DPR”, “LPR” adlı kriminal anklavların bütün “genofondunu” praktiki olaraq məhv edəcəklər. Beləliklə, kriminal anklavlar yox olacaq, çünki insanlar artıq orada olmayacaqlar - müharibədə onların hamısını məğlub edəcəklər. Krımda “genofondu” məhv edəcəklər. Ruslar avropalı deyillər, insan həyatının qədrini bilmirlər.

- Rusiya işğal etdiyi ərazilərdəki ukraynalıları Rusiya Federasiyasının ərazisinə və ya işğal olunmuş Donbassa deportasiya edir. Niyə belə edirlər və bu insanlardan necə istifadə edə bilərlər?

- Belə bir məlumat var ki, bütün Ukrayna vətəndaşları filtrasiya düşərgələrinə aparılaraq Rusiyanın bəzi ucqar guşələrinə göndərilib. Bu, onların 1940-cı illərdə Sovet İttifaqına sadiq olmayan xalqları qismən köçürdükləri zaman etdiklərinə çox bənzəyir.

Bu, belə bir ənənədir, texnologiyadır - milləti qaralamaq. Yəni onları başqa cür, nifrətlə rəftar ediləcəyi yerə göndərin ki, bu insanları aşağılasınlar. Təbii ki, Rusiyaya apardıqları insanların 90 faizi Ukraynaya humanitar dəhlizlər olmadığı üçün getməyə məcbur olub. İnsanlar atəşə tutulan yerdən qaçıblar, sonra geri qayıtmağa imkan tapmayıblar. Biz bütün vətəndaşlarımızla maraqlanırıq, bizimkilərin hamısı Ukraynaya qayıdacaq.

- Avropada və dünyada aclıq təhlükəsi, ərzaq böhranı, hərbi təhlükəsizlik, Avropanın Rusiya enerjisindən asılılığından yazılır. İndi hansı arqumentlər Qərb tərəfdaşlarımız üçün daha yaxşı işləyir?

- Qadınlarımıza və uşaqlarımıza qarşı kütləvi zorakılıqlar nə qədər dəhşətli səslənsə də, bu, emosional olaraq çox ağır qəbul edilir. Bu, Qərbdə müvafiq ictimai reaksiya doğurur. Onlar görürlər ki, biz, 21-ci əsrdə kütləvi şəkildə qadınları zorlayan, uşaqları öldürən vəhşi sivilizasiya ilə müharibədəyik. Bu, Avropada ictimai rəyini hərəkətə gətirdi. Digər tərəfdən, onlar iddia edirlər ki, Rusiya enerjisinə birbaşa və ya dolayı embarqo tətbiq etməmək, gecikdirmək müharibəni gecikdirəcək və genişləndirəcək. Onlar müharibənin genişlənməsindən qorxurlar. Ruslar şəhərlərimizə getdikcə daha çox raket atırlar və heç bir müharibə qaydalarına məhəl qoymadan mülki infrastruktura zərbələr endirirlər. Yəni münaqişə genişlənməkdə davam edir. Bu, avropalılar üçün çox qorxuludur. Onlar başa düşürlər ki, ruslar münaqişəni hətta bizim qonşu dövlətlərin ərazisinə də genişləndirə bilərlər. Avropanın hələ də sərt sanksiya siyasətinin olmasının iki əsas səbəbi bunlardır və altıncı paketdə artıq enerji sanksiyaları və məhdudiyyətlər var.

- Rusiyanın sanksiyaları gözləmək qabiliyyətini necə qiymətləndirirsiniz?

- Onların heç bir şeyi olmayacaq - nə rahatlıq, nə pul, nə də texnologiya. Az sayda insan rahatlığa öyrəşmişdir (Moskva və Sankt-Peterburq), qalanların hamısı qazıntılarda yaşaya bilər. Mənə elə gəlir ki, işsizliyin artması, ərzaq məhsullarının bahalaşması (bu artıq mövcuddur), ərzaq çatışmazlığı, çox yüksək inflyasiya, rublun devalvasiyası - bütün bunlar Rusiyada daxili qarşıdurma yaradacaq.

Ana səhifəyə dön