General Sırski: “Düşmən ciddi itkilər verir, lakin onlar...” - Müsahibə
Tarix: 23-10-2023 18:22 | Bölmə: Müsahibə / Slayd
General Sırski: “Düşmən ciddi itkilər verir, lakin onlar...”

Ukrayna Quru Qoşunları komandanı deyir ki, ruslar birbaşa Kupyanska çatmaq istəyir

Ukrayna Silahlı Qüvvələrinin Quru Qoşunları komandanı, paytaxt Kiyevə hücum zamanı onun müdafiəsinə rəhbərlik etmiş general-polkovnik Aleksandr Sırski unian.net saytına müsahibə verib. Reyting.az müsahibənin maraqlı olduğunu nəzərə alaraq təqdim edir:

- Cənab general, Şərq cəbhəsində vəziyyət necədir?

- Şərq cəbhəsində vəziyyət kifayət qədər ağır olaraq qalır. Düşmən Kupyanski və Baxmutski istiqamətlərində cəmləşərək faktiki olaraq bütün zolaqda hücum əməliyyatları aparmağa davam edir. Düşmən ilk növbədə şəxsi heyətdə ciddi itkilər verir, lakin ehtiyatları, o cümlədən Rusiya Federasiyasının ərazisindən köçürməklə onları daim bərpa edir.

Təcavüzkar Kupyanski meşəsi ərazisində və Orlyanskoye-Petropavlovka magistralında müdafiəmizi yarmağa çalışır, sonradan onu bloklamaq və mühasirəyə almaqla birbaşa Kupyanska çatmaq istəyir.

- Ruslar “ət hücumlarını” dayandırmırlar?

- Bəzi ərazilərdə düşmən artilleriya atəşinin və hava zərbələrinin intensivliyini saxlamaqla öz piyadalarının hərəkətlərini dəstəkləmək üçün zirehli texnikadan, ilk növbədə tanklardan fəal şəkildə istifadə edir.

- Ukrayna Müdafiə Qüvvələri buna necə cavab verir?

- Biz aktiv müdafiəni davam etdiririk. Məqsədimiz düşmənə maksimum itki verdirmək, işğal altında olan xətləri və mövqeləri saxlamaq, bərpa etmək, müəyyən istiqamətlərdə hücum hərəkətlərini həyata keçirməkdir. İşimiz Kupyanski və Limanski istiqamətlərindəki döyüş briqadalarında döyüş effektivliyini qorumaq, əməliyyatların səmərəliliyini artırmaq, həmçinin birləşmə və bölmə komandirlərinə döyüşün təşkilində kömək etməkdir.

Briqada komandirləri, əməliyyat-taktiki qrupların rəhbərliyi və onların qərargahının zabitləri ilə görüşdə aktual məsələlərin əksəriyyətini, xüsusilə də düşmənin atəşlə məhv edilməsinin effektivliyinin artırılması, qrupun gücləndirilməsini yerindəcə həll etdik. Ehtiyatlar, logistika dəstəyi və bir çox başqa məsələlər də müzakirə olunub.

- Cəbhədə olan əsgərlərin əhval-ruhiyyəsi necədir? Onlarla görüşüb, danışmısınız?

- Təbii ki, rus işğalçıları ilə döyüşlərdə fərqlənmiş hərbi qulluqçularımızla görüşdüm, onlara göstərdikləri qəhrəmanlıq, mətanət və şücaətə görə təşəkkür etdim, mükafatlar, qiymətli hədiyyələr təqdim etdim. Qarşıdan gələn qış dövrünü nəzərə alaraq, gələcək fəaliyyətlərin perspektivlərindən danışdıq.

Əsgərlərimizlə, onların dözüm və cəsarəti ilə, düşmənin sayca üstünlüyü şəraitində, hər gün torpaqlarımızı işğalçılardan azad edən hücum hərəkətləri etmək bacarığı ilə fəxr edirəm!

Müharibə mürəkkəb və çətin yoldur, lakin biz bu yoldan övladlarımızın, onların xoşbəxt gələcəyinin, dövlətimizin qorunub saxlanması və çiçəklənməsi naminə keçməliyik.

Ukraynaya eşq olsun!





Bölməyə aid digər xəbərlər
18-07-2024, 14:03 Tramp Avropanı qorxudur

{sape_links}{sape_article}