Beynəlxalq ekspert: “Ruslar Ukrayna ilə uzunmüddətli hərbi qarşıdurmaya ümid edirlər” - Müsahibə
Tarix: 23-08-2023 18:14 | Bölmə: Müsahibə / Slayd
Beynəlxalq ekspert: “Ruslar Ukrayna ilə uzunmüddətli hərbi qarşıdurmaya ümid edirlər”

Taras Jovtenko deyir ki, Rusiyanın hərbi-siyasi rəhbərliyi uzunmüddətli qarşıdurmanı özünün geosiyasi planlarına daxil edib

“Demokratik Təşəbbüslər” Fondunun beynəlxalq təhlükəsizlik üzrə eksperti Taras Jovtenko Rusiya-Ukrayna müharibəsindən, xüsusilə Moskvanın real hədəflərindən danışıb.

Reyting.az müsahibəni oxucularına təqdim edir:

- Rusiya Federasiyasının müdafiə naziri Sergey Şoyqu bildirib ki, Ukraynada əsir götürülmüş rus əsgərlərinin azad edilməsi qondarma xüsusi hərbi əməliyyatın prioritetinə çevrilir. Bu bəyanat nəyi göstərir?

- Ukrayna Silahlı Qüvvələri tərəfindən kameraya düşən rus zabitləri demək olar ki, canlı yayımda rus qoşunlarının yeri və hazırkı vəziyyəti ilə bağlı ən son məlumatları paylaşırlar. Düşünürəm ki, Şoyqunun əsirlərin mübadiləsini prioritet məsələlərdən biri kimi vurğulaması hazırda Ukrayna əsirliyində olan rus zabitlərinə ilk növbədə onların dəyişdiriləcəyinə dair siqnaldır ki, Ukrayna hərbi kəşfiyyatı ilə daha az məlumat paylaşsınlar.

Digər tərəfdən, bu, hazırda ön cəbhədə olan (və əsir düşə biləcək) rus zabitlərinə də bir siqnaldır ki, tərk olunacaqlarından narahat olmasınlar.

Belə bir bəyanat Rusiya hərbçilərinin zabitlərinə müraciət etmək cəhdidir ki, komandanlıq onların taleyindən narahatdır, əsir düşərsə, komandanlıq onların dəyişdirilməsinə çalışacaq. Və aydındır ki, rus zabitinin mühüm əməliyyat məlumatlarını Ukrayna Silahlı Qüvvələrinə təhvil verdiyi üzə çıxarsa, vətənə qayıtmaq onun üçün çox da xoş olmayacaq.

- Rusiya müharibədə itkilərini niyə açıqlamır? Burada məlumatların gizlədilməsi tendensiyası varmı, varsa, səbəb nədir?

- Rusiyanın hərbi-siyasi rəhbərliyi itkilər barədə yalnız rus əhalisi çoxlu suallar verməyə başlasa, cavab haqda düşünəcək. Rusiya elə dövlət tipi deyil ki, cəbhədə ölən əsgərlərin sayı kimi məsələlər çox kəskin əks-reaksiyaya səbəb olsun.

Tarixə nəzər salsanız, görərsiniz ki, rus ordusu həmişə sayca üstün vəziyyətdə döyüşüb. Onlar hələ də sovet hərbi doktrinalarından istifadə edirlər. Və həmin doktrinalarda yazılıb ki, itkilərin yol verilən səviyyəsi kadr və texnikanın 30 faizini təşkil edir.

Hərbi-siyasi rəhbərliyin birbaşa motivatoru yoxdur, hər hansı real itki sayının adını çəkməyə real əsas görmürlər. Çünki onlar üçün bu itkilər hərbi doktrinalarında yazılanları aşmır. Hərbi-siyasi rəhbərlik - yüz minlərlə hərbçi öldürülsə də, hər şeyin plan üzrə getdiyini deyir. Amma Rusiyanın hərbi-siyasi rəhbərliyini az-çox real rəqəmləri deməyə məcbur edə biləcək bir neçə səbəb var:

Birincisi, bunlar cəbhədəki sistemli problemlərdir.

İkincisi, açıq və ya gizli səfərbərlik zamanı - onları cəbhəyə getməyə həvəsləndirmək niyyəti.

- Əgər Kreml artıq məhbuslar haqqında danışmağa başlayıbsa, Rusiya hansı şərtlər altında “hamı üçün” mübadiləsinə razılaşa bilər?

- Rusiyanın hərbi-siyasi rəhbərliyi müharibənin başa çatmasına və bu müharibədə Rusiya Federasiyasının məğlubiyyətinə daha yaxın “hamı üçün” mübadilə ilə razılaşa bilər. Hazırda onlara belə bir mübadilə sərfəli deyil. Axı onlar bu hibrid aləti itirəcəklər. Çünki, onun köməyi ilə Qərb ölkələrində və Ukraynada müəyyən məqamlara təsir edə bilərlər. Rusiya Ukrayna cəmiyyətinə və Qərb ölkələrinin rəhbərliyinə hibrid təsir elementi kimi bu cür mümkün mübadilələrlə bağlı elanların müəyyən elementlərindən istifadə edir. Və təbii ki, onlar yüksək ixtisaslı hərbi personalı əsirlikdən tez qaytarmaq istəyirlər.

- Şoyqunun məhbuslarla bağlı açıqlaması Rusiya Federasiyasının münaqişəni dondurmağa ümid etdiyini göstərə bilərmi? Onların sona qədər mübarizə aparmaq əzmi varmı?

- Bu mərhələdə ruslar çətin ki, müharibəni donduracaqlar. Görünən odur ki, onlar Qərbdə və Şərqi Avropanın bir sıra ölkələrində seçki tsikllərinin bitməsini gözləyirlər. Onlar ilk növbədə 2024-cü ildə ABŞ-da keçiriləcək prezident seçkilərinin nəticələrinə diqqət yetirirlər.

Rusiya rəhbərliyi açıq-aydın mərc edir ki, Rusiya xüsusi xidmət orqanlarının seçkilərin gedişinə ehtimal olunan hibrid təsiri altında, ondan sonra Qərb ölkələri Ukraynaya hərbi yardımı ya dayandıracaq, ya da onu azaldacaq. Bu, son nəticədə Rusiya Federasiyasına bu müharibədə hansısa ehtimal olunan qələbəyə iddialı olmağa imkan verəcək. Əgər bu mümkün olmazsa, o zaman Rusiyanın hərbi-siyasi rəhbərliyi istənilən yolla münaqişəni müvəqqəti də olsa dondurmağa çalışacaq. Təbii ki, hərbi, texnoloji, insan resurslarını (mümkün qədər) bərpa etmək üçün özünə vaxt vermək məqsədilə. Və yeni şərtlər altında, bir neçə ildən sonra bu müharibəni davam etdirməyə və irəliləməyə, Ukrayna ərazilərini ələ keçirməyə cəhd ediləcək. Ona görə də strateji baxımdan ruslar Ukrayna ilə uzunmüddətli hərbi qarşıdurmaya ümid edirlər. Onlar bunu öz geosiyasi planlarına - NATO-ya üzv ölkələrlə və ABŞ-la geosiyasi qarşıdurmanı daxil edirlər. Onlar belə bir strategiyadan əl çəkməyi planlaşdırmırlar.

E. KAMAL
Reyting.az




Bölməyə aid digər xəbərlər
18-07-2024, 14:03 Tramp Avropanı qorxudur

{sape_links}{sape_article}