15:06 / 16-10-2019
İkibaşlı oyun
Ruhun rahatlığı
Tarix: 28-10-2017 14:21 | Bölmə: Mətanət ƏLİYEVA
Ruhun rahatlığı

Ölkəmizə neft pulları gələndə 5-10 il kef elədik. Qazın da pulları gəlsəydi, 3-4 il də kef edərdik.

Mənim bu sözlərimi eşidənlər gülüb dedilər ki, qazın pulu gəlməyəcək.

Dedim, necə gəlməyəcək, axı biz Avropaya bir neçə milyard dollar dəyərində olan iki qaz kəməri çəkirik.

Dedilər, bu, reklamdır, bizim o kəmərlərlə satılacaq qədər qazımız yoxdur.

Sovet quruluşu dağılanda vətəndaşlara sahibkarlıqla məşğul olmaq hüququ verildi. Bu hüquqdan istifadə edən bəzi vətəndaşlar firma açıb möhür düzəltdirdi və özünü sahibkar hesab etdi. Amma onların 99 faizinin fəaliyyəti bundan uzağa getmədi.

Qəzetçilik sahəsində də sahibkarlıq fəaliyyəti kütləvi hal aldı. Qeydiyyatdan keçən qəzet və jurnalların sayı 5 mini keçdi.

Qəzeti çap etdirmək üçün ilk növbədə maliyyə lazımdır. Hələ o vaxt bizə dedilər ki, dünya təcrübəsinə əsasən, qəzetlərin satışından gələn pul öz xərcini ödəmir, qəzetlər reklamdan gələn gəlir hesabına işıq üzü görür. Reklamlar var, amma onlardan əksər qəzetlərə bir qəpik də çatmır, reklam pulları telekanallara axır.

Dünya təcrübəsinə əsasən, sahibkarlar gəlirlərinin böyük hissəsini reklama sərf edir. İndi görürük ki, doğrudan da, reklamsız bazara girmək, gəlir əldə etmək mümkün deyil. Telekanallarda efir vaxtı əsasən həkim və yemək verilişlərinə ayrılır, çünki hər gün ölkədə təzə bir klinika, təzə bir restoran-kafe açılır. Bir saatlıq verilişdə yarım saat mənzillərin, şadlıq evlərinin, mağazaların, qadın salonlarının, ərzaqların, müğənnilərin reklamı gedir. Serialları da sponsorların pulu ilə çəkib onları reklam edirlər. Hansı veriliş çox reklam əldə etsə, onun reytinqi ən yüksək sayılır.

Telekanalda veriliş açmaq üçün ilk növbədə sponsor tapmaq lazımdır. Savadlı, istedadlı jurnalistlər adətən qapıları döyüb pul xahiş edə bilmirlər. Bəzi aparıcıların “mavi” olması da, görünür, sponsor tapmaq məsələsi ilə bağlıdır.

Reklamı olmadan təzə açılan obyekt pul qazana bilmir. Reklam isə çox bahadır. Mən də 25 ildən artıq jurnalistlik fəaliyyətimdən istifadə edərək ilk dəfə reklam yazısı yazmaq istəyirəm. Qızım psixologiya mərkəzi açıb. Təvəzökarlıqdan uzaq olsa da, qızımı tərifləyəcəyəm.

Hazırda ölkəmizdə psixologiya mərkəzlərinin sayı-hesabı yoxdur. Yaxşı da reklamları gedir, müştəri sarıdan problemləri yoxdur, qiymətlər də baha.

Səhiyyə Nazirliyində işləyən bir tanışım dedi ki, ən çox reklam olunan bir psixoloq var, hər gün ondan şikayətə gəlirlər. İlk dəfə mən ad açıqlayacam, bu “Narınc” Psixologiya Mərkəzinin psixoloqu Elnur Rüstəmovdur.

Qızım deyir ki, “əksər psixoloqlar elmi psixologiya ilə deyil, populyar psixologiya ilə məşğuldur, bu da “reket jurnalistika” kimi bir şeydir. Belə psixoloqlar bu peşəni hörmətdən salır, insanlarda inamı öldürürlər”.

Psixoloq ruhun həkimidir. Elmin bu sahəsi hələ az öyrənilib. Bu sahədə elmi axtarışlar davam edir, tədqiqatlar aparılır.

Psixoloq olmasam da, mənim ruh haqqında şəxsi fikirlərim var, bunlar əsasən, müdrik qocalardan eşitdiklərimə və şəxsi müşahidələrimə əsaslanır.

Xalq təbabətində “filankəsi ruh tutub”,- deyimi var. Yaxın bir qohumum dedi ki, müxtəlif vaxtlarda iki əl onun boğazından tutub boğurmuş. Amma o, bu haqda heç kimə demirmiş ki, onu dəli hesab edərlər. Bir dəfə qohum evində bu hal təkrar olunanda halına baxıb deyiblər ki, səni ruh tutub.

Mən uşaqlıqda görmüşdüm ki, ruh tutan adamı müalicə etmək üçün onun vəfat etmiş qohumlarının adını çəkib divara un atırlar. Hansı ölünün adını çəkəndə un divara yapışsa, demək, həmin ölünün ruhu bu adamı tutub. Həmin ölünün adına ehsan süfrəsi açılır, yaxud halva çalınıb paylanır və xəstə sağalır. Bu qadını da bu yolla müalicə edib sağaldırlar. Məlum olub ki, qadını anasının ruhu tutub.

Qadına dedim, yəqin nəsə bəd əməl etmisən ki, ananın ruhu səni boğurmuş.

Qadın dedi ki, həmin vaxt qardaşı ilə konfliktdə olub.

Qadının qardaşı 10 yaşında olanda anası vəfat edib. Görünür, ana övladını vaxtsız tərk etsə də, ruhu onu daim qoruyur. Əbəs yerə demirlər ki, ananın ruhu daim övladını qoruyur.

Başqa bir qohumum danışdı ki, qardaşının həyat yoldaşı ilə eyni evdə yatıbmış, birdən eşidib ki, gəlin dəhşətli xırıltılı səslər çıxarır, sanki onu boğurlar. Gəlini oyadıb, gəlin deyib ki, yuxuda onu boğurdular. Gəlinin boğazına baxanda görüblər ki, orada barmaq izləri var. Bunlar lap serial mövzularıdır.

Rəhmətlik nənəm deyərdi ki, qatili, oğrunu, ilanı, canavarı Allah göndərir, onlar buyruqla gedirlər. Dostoyevski belə psixoloji anları öz əsərlərində gözəl təsvir edib. “Cinayət və cəza” əsərində Raskolnikov sələmçi qarını öldürmək istəmir, amma bir səs ona rahatlıq vermir, onu təhrik edir ki, get qarını öldür. Psixiatorlar buna halusinasiya deyirlər. Bunlar insanın ruhu ilə bağlı məsələlərdir.

Bu səpkidə eşitdiyim çox şeyləri yaza bilərəm, oxucu üçün maraqlı olar. Əlbəttə, mənim dediklərim elmə əsaslanmır. Elm bu sahədə çalışır, çox sirləri açmağa cəhd edir. Hərçənd, İslam dini ruh haqqında ilahi sirrin açılmayacağını deyir, amma alimlər ilahinin izin verdiyi həddə qədər bu elmi inkişaf etdirirlər.

Qızımın Nigar adlı rəfiqəsi var, ali məktəbi bir yerdə oxuyublar, bir yerdə işləyirlər. Nigar qəbul vaxtı topladığı yüksək balla Tibb Universitetinin istənilən fakültəsini seçə bilərdi, amma o, Psixologiya fakültəsini seçdi. Səbəbini soruşanda dedi ki, tibb elminin sərhədləri məhduddur. Xəstənin hansısa orqanı ağrıyırsa, dərman yazmaqla işin bitir, psixologiya elminin sərhəddi yoxdur, çox dərinliklərə baş vurmaq mümkündür.

Hazırda elə bir dövrdə yaşayırıq ki, varlı-kasıb olmasına baxmayaraq hamının ruhu narahatdır. Bu narahatlıq özünü depressiyalarla, aqressiyalarla hər addımda göstərir. Bunun bir elmi izahı var, amma heç bir psixoloq mətbuatda bunu ətraflı izah edə bilmir. Mənim elmi olmasa da, öz mülahizələrim var. Zaman-zaman Allah insanları imtahana çəkir, çünki haqsızlıq hər sahədə önə keçir. Kim bu dövrdə insanlığını qoruyub saxlayırsa, növbəti mərhələdə Allah onu mükafatlandırır.

Siz ruhunuzdakı narahatlıqların elmi izahını bilmək istəyirsinizsə, “Kür” Psixologiya Mərkəzinə müraciət edin. Mərkəz “Gənclik” metrostansiyasının çıxışında: Həsən Əliyev küçəsi, 82Q ünvanında yerləşir (Tel.(012)564-54-62).

Müraciət edin ki, psixoloqların elmi bilikləri əsasında ruhunuz rahatlıq tapsın. Xidmətlər bir ay pulsuzdur.
скачать dle 10.5фильмы бесплатно




Bölməyə aid digər xəbərlər
13-05-2019, 21:02 Mətanət ƏLİYEVA - Yoxsulun süfrəsi... - M. Əliyeva yazır
31-03-2019, 11:49 Mətanət ƏLİYEVA - Qarşıdakı faciə və üçüncü qüvvə... - M. Əliyeva yazır
16-03-2019, 13:13 Mətanət ƏLİYEVA - Batan gəminin kapitanı - M. Əliyeva
31-12-2018, 13:54 Mətanət ƏLİYEVA - Xoşbəxtlik modeli - M. Əliyeva yazır
16-12-2018, 21:22 Mətanət ƏLİYEVA - Solçu düşüncə, nostalji hisslər... - M. Əliyeva yazır
20-11-2018, 16:52 Mətanət ƏLİYEVA - Talanan sərvət ... - M.Əliyeva yazır
19-10-2018, 23:00 Mətanət ƏLİYEVA - Qadın həbsxanası və pişiyin evi
10-05-2018, 10:37 Mətanət ƏLİYEVA - Allahşükür Paşazadə və Skarlet Oxara
23-04-2018, 09:56 Mətanət ƏLİYEVA - İkinci Hitler peyda olacaq
31-03-2018, 07:11 Mətanət ƏLİYEVA - Əlinin bayramı
17-03-2018, 16:04 Mətanət ƏLİYEVA - Bir günlük sevgi
3-03-2018, 08:26 Mətanət ƏLİYEVA - Nazirin ölüm kanalı
6-02-2018, 13:51 Mətanət ƏLİYEVA - Süpürgə pulu
20-01-2018, 11:56 Mətanət ƏLİYEVA - Şeytanın nökərləri
13-01-2018, 14:45 Mətanət ƏLİYEVA - Rasim Musabəyov və məkri-zənən
6-01-2018, 15:44 Mətanət ƏLİYEVA - Ümid qaloşa qalıb
23-12-2017, 11:40 Mətanət ƏLİYEVA - Putin variantı və miskin qullar
14-12-2017, 13:55 Mətanət ƏLİYEVA - Məhkəmə və oğru qanunları
7-12-2017, 13:54 Mətanət ƏLİYEVA - Kralların biabırçılığı
30-11-2017, 12:28 Mətanət ƏLİYEVA - Vacib əməl
20-11-2017, 13:08 Mətanət ƏLİYEVA - Qəriblər ağası və gömrük münasibətləri
5-11-2017, 14:52 Mətanət ƏLİYEVA - Bakı və Cocuq Mərcanlı
28-10-2017, 14:21 Mətanət ƏLİYEVA - Ruhun rahatlığı
14-10-2017, 14:36 Mətanət ƏLİYEVA - Su, su, su!!!
12-10-2017, 16:30 Mətanət ƏLİYEVA - Biznesin süqutu
4-10-2017, 14:41 Mətanət ƏLİYEVA - Bizə pul lazımdır
19-09-2017, 14:59 Mətanət ƏLİYEVA - Böyük oğurluq
11-06-2017, 15:57 Mətanət ƏLİYEVA - Ölü karvanı
29-05-2017, 16:39 Mətanət ƏLİYEVA - Tutulmayan oğru...
11-05-2017, 14:27 Mətanət ƏLİYEVA - Göydən gələn daş
4-05-2017, 13:59 Mətanət ƏLİYEVA - Deputat və balıq mafiyası
22-04-2017, 12:22 Mətanət ƏLİYEVA - Pambıq və zibilqabı
11-04-2017, 16:07 Mətanət ƏLİYEVA - Qarabağ atı, Heydər Əsədov və üç qadın
24-03-2017, 16:43 Mətanət ƏLİYEVA - Bizim Venesiya
14-03-2017, 12:59 Mətanət ƏLİYEVA - Əsas hədəf
6-03-2017, 10:51 Mətanət ƏLİYEVA - Xoşbəxt şair
25-02-2017, 14:10 Mətanət ƏLİYEVA - Qorxulu nağılbazlar
19-02-2017, 14:20 Mətanət ƏLİYEVA - Ağıllı vəzir
30-01-2017, 13:33 Mətanət ƏLİYEVA - Asan işin çətin tərəfi
17-01-2017, 18:05 Mətanət ƏLİYEVA - YAP-çıların çömçəsi
5-01-2017, 14:21 Mətanət ƏLİYEVA - Ayaz Mütəllibovun haqqı
12-12-2016, 14:51 Mətanət ƏLİYEVA - Xoruz ili və “kotyol” mətbuatı
6-12-2016, 14:19 Mətanət ƏLİYEVA - Susmuş aclar
1-12-2016, 14:05 Mətanət ƏLİYEVA - Şirməmməd Hüseynov və oğru qanunları
22-11-2016, 15:51 Mətanət ƏLİYEVA - Yarımçıq demokratiya
8-11-2016, 14:38 Mətanət ƏLİYEVA - Oğruların sığınacağı
24-10-2016, 14:14 Mətanət ƏLİYEVA - Müstəqillik zəhəri
16-10-2016, 15:38 Mətanət ƏLİYEVA - Xoşqədəmin güzgüsü
11-10-2016, 14:20 Mətanət ƏLİYEVA - Dözülməz mühit
3-10-2016, 13:15 Mətanət ƏLİYEVA - Ögey Şamaxı

{sape_links}{sape_article}