16:18 / 01-03-2024
Navalnı dəfn olunub
Kosovonun NATO komandanlığı Türkiyəyə verilib
Tarix: 11-10-2023 12:09 | Bölmə: Dünya
Kosovonun NATO komandanlığı Türkiyəyə verilib

Türkiyə bir il müddətinə NATO-nun Kosovodakı Sülh Qüvvələrinin (KFOR) komandanlığını öz üzərinə götürüb.

Reyting.az
-ın xəbərinə görə, KFOR-un komanda məntəqəsi italiyalı general-mayor Angelo Mixele Ristukiadan general-mayor Özkan Ulutaşa verilib.

Türkiyə NATO-nun Kosovodakı Sülh Qüvvələrinin komandanlığını mərasimlə təhvil alıb. Kosovonun paytaxtı Priştinadakı baş qərargahda keçirilən təhvil-təslim mərasimində Türkiyə Milli müdafiə nazirinin müavini Bilal Durdalı, Baş Qərargah rəisinin müavini, ordu generalı İrfan Özsert, NATO-nun Neapoldakı Müttəfiq Qüvvələr Komandanı admiral Stuart Benjamin Munş, Türkiyənin Priştinadakı səfiri Sabri Tunç Anqılı ilə yanaşı çoxlu qonaqlar da iştirak ediblər. Türkiyə və İtaliyanın dövlət himnlərinin oxunması ilə başlayan mərasimdə KFOR komandanlığı türk general-mayor Özkan Ulutaşa verilib.

KFOR-un yeni komandiri Özkan Ulutaş bu missiyanın ilk türk komandiri olaraq üzərinə götürdüyü məsuliyyətin əhəmiyyətinin fərqində olduğunu bildirib. Ö. Ulutaş Kosovonun keçdiyi həssas dövrdə KFOR-un uğurla fəaliyyət göstərməsi üçün bütün səy və təcrübəsini ortaya qoyacağını deyib:

“Son hadisələr regionda hər an pozula bilən təhlükəsizlik və sabitlik mühitinin gözlənilməz və dəyişkən xarakterini ortaya qoydu. Bu vəziyyət KFOR-un varlığını və yerinə yetirdiyi missiyaları daha da vacib edir. Buna görə də, KFOR-un situasiya ilə bağlı məlumatlılığını qoruyub saxlaması, öz missiyasını səmərəli şəkildə yerinə yetirməyə davam etməsi və təhlükəsizlik mühitinə mənfi təsir göstərə biləcək mümkün hadisələrə ayıq və hazır olması mütləqdir”.

Xatırladaq ki, BMT Təhlükəsizlik Şurasının təhlükəsizlik və sabitliyin təmin edilməsi ilə bağlı qərarına uyğun olaraq 12 iyun 1999-cu ildə Kosovoda xidmətə başlayan KFOR-un tərkibinə 21 NATO üzvü və 6 qeyri-dövlət olmaqla 27 ölkədən təxminən 4500-dən çox beynəlxalq hərbi qulluqçu daxildir. 1999-cu ildən bəri ilk dəfə Kosovoda xidmət edən sülhməramlı qüvvələrin komandanlığını öz üzərinə götürən Türkiyə, öhdəsinə düşən kadr töhfəsinə görə 27 ölkə arasında ikinci yerdədir.

Onu da qeyd edək ki, KFOR-un 28-ci komandiri general-mayor Özkan Ulutaş 10 oktyabr 2024-cü il tarixinədək xidmət göstərəcəkdir.

E. KAMAL




Bölməyə aid digər xəbərlər
Dünən, 16:18 Navalnı dəfn olunub
28-02-2024, 14:50 Lavrov Türkiyəyə gedir
27-02-2024, 10:15 Patruşev Kubaya gedib

{sape_links}{sape_article}