İKT böyük şirkətləri bir araya gətirib

Xəbər lenti

12:15 / 12-04-2025

Azərbaycan prezidenti Avropa Şurasının baş katibi ilə görüşüb

11:38 / 12-04-2025

Azərbaycan və Türkiyənin müdafiə nazirləri görüşüb - Video

11:24 / 12-04-2025

Abşeronda axtarışda olan 36 nəfər saxlanılıb

10:52 / 12-04-2025

Qobu və Masazırda silah-sursat aşkar edilib - Video

10:32 / 12-04-2025

Bakıda taksi ilə yük maşını toqquşub, xəsarət alan var

10:04 / 12-04-2025

Mövqelərimiz yenə atəşə tutulub

09:56 / 12-04-2025

Beş boksçumuz beynəlxalq turnirdə 1/4 finala yüksəlib

09:10 / 12-04-2025

Əhalini ən çox aldadan şirkətlər - “Kontakt Home”, “Baku Electronics” və...

00:14 / 12-04-2025

Putin Trampın xüsusi elçisi ilə dörd saatdan çox müzakirə aparıb

23:01 / 11-04-2025

Axtarışda olan 4 nəfər Azərbaycana təhvil verilib

19:24 / 11-04-2025

Maliyyə Nazirliyi depozit hərracı keçirib

18:48 / 11-04-2025

IV Antalya Diplomatik Forumunun açılışı olub - (Yenilənib) - Fotolar

18:31 / 11-04-2025

Tramp: Həftədə minlərlə insan mənasız müharibədə ölür

18:27 / 11-04-2025

“QHT işi” üzrə daha bir nəfər həbs edilib - Yenilənib

18:22 / 11-04-2025

Keçmiş xarici işlər naziri xarici agent elan olunub

17:49 / 11-04-2025

İlham Əliyev Əhməd Əl Şaraa ilə görüşüb - (Yenilənib) - Fotolar

17:13 / 11-04-2025

Leysan yağacaq, çaylardan sel keçəcək - Xəbərdarlıq

16:24 / 11-04-2025

Məşhur moda şirkətini 1,375 milyard dollara satıblar

15:05 / 11-04-2025

Deputat: Heç kim Azərbaycanla təzyiq dilində danışa bilməz

14:19 / 11-04-2025

Balıqlar Xəzərdən Volqa çayına miqrasiya edir

14:14 / 11-04-2025

Azərbaycan və Türkiyə prezidentləri görüşüb - (Yenilənib) - Foto

14:02 / 11-04-2025

Britaniya Aİ ilə müdafiə sazişi bağlamaq istəyir

13:50 / 11-04-2025

Cəlaloğlu: Türk Dövlətləri Təşkilatı məsələsində tələsmək lazımdır

13:24 / 11-04-2025

ABŞ Yaxın Şərqə ikinci hərbi gəmi göndərib

13:05 / 11-04-2025

Ağdərəyə növbəti köç karvanı yola salınıb - (Yenilənib)

13:03 / 11-04-2025

Sabahın hava proqnozu açıqlanıb

13:01 / 11-04-2025

Kursantlarla bağlı yeni qanun qəbul olunub

12:59 / 11-04-2025

ABŞ və Çin dünya bazarlarında şok yaradıb

12:42 / 11-04-2025

İldırım vurması nəticəsində 5 uşaq xəsarət alıb

12:31 / 11-04-2025

Moskvada Putin-Əliyev-Paşinyan görüşü nəzərdə tutulmayıb

Xəbər lentinin davamı

Ən çox oxunanlar

16:02 / 07-04-2025

Dövlət Agentliyinin əməkdaşı mina partlayışında ağır yaralanıb - (Yenilənib)

15:10 / 07-04-2025

İrandan Azərbaycana külli miqdarda narkotik keçirmək istəyən şəxslər tutulub - Fotolar

15:45 / 08-04-2025

Trampın qərarı zənginləri 500 milyard dollar zərərlə üzləşdirib

20:54 / 07-04-2025

David Babayan: "Erməni sakinlərin Azərbaycana inteqrasiyasının əleyhinə idik" - (Yenilənib) - Fotolar

15:20 / 08-04-2025

Toqquşma xətti: Ankara İsraillə razılığa gəlməyə çalışır

19:18 / 08-04-2025

Professor Vüsal Qasımlının 50 illik yubileyidir

08:12 / 10-04-2025

İlham Əliyev forumda mühüm mesajlar verib - (Yenilənib) - Video, Fotolar

20:36 / 08-04-2025

Xanlar Vəliyev təqaüdə göndərilib - Fotolar

23:36 / 10-04-2025

Mask Marsı işğal etməyə tələsir - Foto

20:56 / 09-04-2025

Ordumuzun mövqeləri yenə atəşə tutulub - (Yenilənib)

17:14 / 07-04-2025

"Neftçi" səfərdə "Şamaxı"ya qalib gəlib

11:14 / 08-04-2025

Cəlaloğlu: Ticarət müharibələri uzunmüddətli ola bilməz

İKT böyük şirkətləri bir araya gətirib
Tarix: 26-05-2018 21:57 | Bölmə: Layihə

Şirift ölçüsü:

“Asan İmza”, “Elektron hökumət” və Rəqəmsal Ticarət Qovşağı ilə bağlı görülən işlər ölkəmizə beynəlxalq marağı artırıb

Azərbaycanda informasiya və kommunikasiya texnologiyaları (İKT) inkişaf etdikcə həm beynəlxalq təcrübədən yararlanmaq, həm də öz təcrübəmizi beynəlxalq müstəviyə çıxarmaq imkanları artır. Bu səbəbdən istər dövlət qurumları, istərsə də ayrı-ayrı texnologiya şirkətləri bu istiqamətdə davamlı tədbirlər həyata keçirirlər.

Bir neçə gün öncə Nəqliyyat, Rabitə və Yüksək Texnologiyalar Nazirliyinin nəzdində fəaliyyət göstərən “AzInTelecom” MMC-nin nümayəndə heyəti “Hökumət buludu” (G-cloud) layihəsi çərçivəsində Belarusun “bulud”a inteqrasiya təcrübəsi ilə yaxından tanış olub.

Nazirlikdən “Reytinq”ə bildirilib ki, Minskdə keçirilən XXV “TIBO-2018” Beynəlxalq telekommunikasiya sərgi-forumu çərçivəsində çoxsaylı yerli şirkət və dövlət qurumları ilə ikitərəfli görüşlər keçirən “AzInTelecom” nümayəndə heyəti “bulud” həlləri, “bulud”a inteqrasiya, Belarus dövlət qurumlarının “bulud”dan istifadə tendensiyaları, eləcə də “Hökumət buludu”nun yaradılması və ona keçid perspektivlərini müzakirə ediblər.

Görüşlər zamanı qarşılıqlı fikir və təcrübə mübadiləsi aparılıb, iki ölkənin İKT sahəsi üzrə əlaqələrin inkişafı, xüsusilə “Hökumət buludu”nun yaradılması istiqamətində qarşılıqlı əməkdaşlıq imkanları haqqında təkliflər irəli sürülüb.

Məlumat üçün bildirilir ki, “Hökumət buludu”nun yaradılması “Azərbaycan Respublikasında telekommunikasiya və informasiya texnologiyalarının inkişafına dair Strateji Yol Xəritəsi”nin tərkib hissəsidir.

“Asan İmza” Avropa konfransında

Məlum olduğu kimi, artıq Azərbaycan yeni texnologiya və informasiyalı cəmiyyət sahəsində öz modelini yaradan dövlətlərdən sayılır. Artıq Azərbaycan modeli dünyaya inteqrasiya olunur.

Belə ki, bu günlərdə “Asan İmza” Almaniyada keçirilən ən böyük Avropa konfransında təmsil olunub. Münxen şəhərində identitet və bulud texnologiyası üzrə “European Identity & Cloud Conference 2018” Avropa konfransı keçirilib. Konfransda bu sahədə qabaqcıl Avropa təcrübəsi, yeni trendlər və texnologiyalar, təhlükəsizlik standartları təqdim edilib. Tədbir özündə identitet sahəsində lider şirkətlərin 800-dən çox aparıcı ekspertləri, vendorları, analitikləri və rəhbərləri birləşdirib.

Konfrans 160-dan çox sessiyadan ibarət olub. Bu il müzakirənin əsas mövzuları identifikasiya və əlyetərliliyin idarə edilməsi, blokçeyn vasitəsilə identifikasiya, konfidensiallıq və təhlükəsizlik, risklərin idarə edilməsi və yüngülləşdirilməsi, fərdi məlumatların qorunmasının təmin edilməsində dünya standartları və etibarlılığın peşəkar xidmətlərinin təqdim edilməsi, kibertəhlükəsizlik kimi mövzuları əhatə edib. Konfransda dünyanın müxtəlif ölkələrindən 200-dən çox məruzəçinin iştirak etdiyi bildirilir.

“B.EST Solutions” şirkətindən bildirilib ki, Azərbaycanı “Asan İmza” mobil elektron imzanın operatoru sayılan “B.EST Solutions” şirkətinin təsisçisi və direktoru Yana Krimpe təmsil edib. Yana Krimpe “Dünya standartlarına cavab verən mobil identitetin əsasları” və “Mobil proqramların təhlükəsizliyinin təmin edilməsində identifikasiya probleminin həll edilməsi” mövzularında çıxış edib.

Məlumata görə, mobil İdentitet və təhlükəsizlik üzrə paneldə, həmçinin GSMA-da proqramlar və servislərin rəhbəri Devid Pollinqton, “CA Technologies” şirkətinin kibertəhlükəsizlik üzrə direktoru Hordi Qaskon, “KuppingerCole” şirkətinin informasiya təhlükəsizliyinin idarə edilməsi üzrə məsləhətçisi və analitiki Mayk Smol da iştirak ediblər. Y. Krimpe konfrans iştirakçılarına 2017-ci ildə yaradılan və mobil identifikasiya xidmətlərini öz milli sxemlərinə uyğun təqdim edən ölkələrin işlərinin əlaqələndirilməsinə istiqamətlənən Milli Mobil İdentitetlərin Qlobal İttifaqının vəzifələrini təqdim edib.

Onu da qeyd edək ki, Azərbaycan bu ittifaqın həmsədridir və orada “Asan İmza” milli mobil identitet, eləcə də “Elektron hökumət” sahəsində Azərbaycanın son nailiyyətləri, Rəqəmsal Ticarət Qovşağı ilə təmsil olunur. Təqdim olunan innovasiyalar konfrans iştirakçıları tərəfindən maraqla qarşılanıb.

Konfrans çərçivəsində “İdentitetdə Qadınlar” (“Women in Identity”) Birliyinin üzvləri də görüşüblər. Əsas məqsəd texniki sahə və onun hüdudlarında qadınlar arasında yeni münasibətlərin və rəhbərlərin formalaşdırılmasından ibarətdir. Bu tədbirdə dünyanın bir çox aparıcı sənaye liderləri iştirak ediblər.

“Azərbaycanı belə nüfuzlu tədbirlərdə təmsil etmək mənim üçün böyük qürurdur. Mən fəxr edirəm ki, Azərbaycan artıq mobil identitet və “Elektron hökumət” sahəsində digər innovativ həllərin tanınmış avtoritetinə çevrilib. Təcrübəmiz ən yaxşı dünya təcrübəsi kimi daha çox ölkələri və beynəlxalq təşkilatları maraqlandırır. Mənim üçün Azərbaycan texnologiyalarının ixracı üzrə AZINNEX (Azerbaijan Innovation Export Consortium) qarşısında qoyulan vəzifələri təmsil etmək və yerinə yetirmək üçün çox yaxşı imkandır. Münhen konfransı “İdentitetdə qadınlar” nüfuzlu birliyinə qoşulmaq və bütün dünyadan rəqəmsal identitet sahəsində aparıcı lider qadınların təcrübələrinin mübadiləsinə dəstək əldə etmək və peşəkar meydança qazanmaq üçün gözəl imkan oldu”, - deyə Yana Krimpe bildirib.

Silikon Vadisinə mütəmadi səfər

Bundan əlavə, Nəqliyyat, Rabitə və Yüksək Texnologiyalar Nazirliyinin Yüksək Texnologiyalar Parkı və Amerika-Azərbaycan Ticarət Palatası arasında əməkdaşlığa dair memorandum imzalanıb.

Nazirliyin məlumatına görə, memoranduma əsasən, iki qurum arasında uzunmüddətli və strateji əməkdaşlıq üçün “Yol xəritəsi” tərtib olunacaq. Amerika-Azərbaycan Ticarət Palatası Yüksək Texnologiyalar Parkında fəaliyyət göstərən startap layihələrinə investisiyaların cəlb olunmasına, ABŞ-dakı vençur fondlar ilə əməkdaşlığa, Azərbaycanda fəaliyyət göstərən yerli İKT şirkətlərinin proqram təminatlarının, texnoloji həllərinin və xidmətlərinin ABŞ bazarına çıxarılmasına dəstək göstərəcək.
Yüksək Texnologiyalar Parkının direktoru Tural Kərimlinin rəhbərlik etdiyi Azərbaycan nümayəndə heyətinin Amerika Birləşmiş Ştatlarına işgüzar səfəri çərçivəsində “Google”, “Lenovo”, “Nutanix”, ABŞ Texnologiya və İnvestisiya Mərkəzi, ABŞ Dövlətinin İnvestisiya Şirkətinin rəhbərləri ilə görüşlər keçirilib. “Lenovo” şirkətinin vitse-prezidenti Roderik Lapin ilə görüşdə Yüksək Texnologiyalar Parkının nəzdində R&D laboratoriyasının yaradılması, inkubasiya proqramı və “Lenovo Vençur Proqramı”nın imkanlarının Azərbaycanda fəaliyyət göstərən startaplara təqdim olunmasına dair ilkin razılıq əldə olunub.

ABŞ-ın aparıcı “Nutanix” şirkətinin rəhbəri ilə də görüş keçirilib. “Nutanix” şirkətinin təsisçisi və prezidenti Sudhiş Nayer Yüksək Texnologiyalar Parkının və Azərbaycanda ali təhsil müəssisələrindən birinin tərəfdaş olaraq seçilib təhsil və elmi mübadilə proqramına cəlb olunmasını, akademiyanın yaradılmasını, yerli startapların Silikon Vadisinə mütəmadi səfərlərinin təşkil olunmasını təklif edib. ABŞ-ın beynəlxalq investisiya şirkəti olan OPIC-in kiçik və orta sahibkarlığın maliyyələşdirilməsi proqramının direktoru Tara Bleyk ikitərəfli görüşdə Azərbaycanda yüksək texnologiyalar sahəsində investisiya və maliyyələşdirmə layihələrində maraqlı olduqlarını bildirib. Görüşdə cari il ərzində Yüksək Texnologiyalar Parkında OPIC şirkəti ilə birlikdə yerli şirkətlər üçün investisiya imkanlarına dair informativ sessiyanın keçirilməsi ilə bağlı razılıq əldə olunub.
Daha bir görüş İnnovativ Texnologiyalar Mərkəzinin İnvestisiyalar üzrə direktoru Marko Rubin ilə keçirilib. Bu görüşdə Yüksək Texnologiyalar Parkı ilə birgə layihələrin həyata keçirilməsi, yerli startaplara investorların cəlb olunmasında konsultasiya xidmətlərinin göstərilməsi müzakirə olunub.

Məktəblilərimiz beynəlxalq müsabiqənin qalib olub

Müsbət məqamlardan biri də odur ki, artıq, azyaşlılarımız da beynəlxalq müsabiqələrə qatılaraq öz bilik və bacarıqlarını nümayiş etdirirlər. Belə ki, Ümumdünya Poçt İttifaqının elan etdiyi məktəblilər arasında 47-ci epistolyar inşa müsabiqəsinin qalibləri mükafatlandırılıb. Mayın 19-da qaliblərin mükafatlandırılması mərasimi keçirilib. Əvvəlcə məktəblilərin "Azərpoçt" MMC-nin mərkəzi binasına ekskursiyası təşkil olunub. "Azərpoçt" MMC-nin baş direktoru Emin Əfəndiyev Azərbaycan poçtunun yaranma tarixindən, MMC-nin fəaliyyətindən, həyata keçirdiyi layihələrdən danışıb.

Nəqliyyat, Rabitə və Yüksək Texnologiyalar Nazirliyinin daxili nəzarət və audit şöbəsinin müdiri Tahir Məmmədov müsabiqənin qaliblərini təbrik edib, onlara təhsildə uğurlar arzulayıb. “İnanırıq ki, gələcəkdə sizin sıralarınızdan poçt işçiləri, bu sahənin inkişafında rolu olacaq mütəxəssislər formalaşacaq. Siz Ümumdünya Poçt İttifaqının müsabiqəsində iştirak etməklə, bu sahədə artıq öz addımınızı atmısınız. Ümid edirik ki, qaliblərimiz bu müsabiqənin finalında yer tutacaqlar”, - deyə T. Məmmədov bildirib.

Qeyd olunub ki, Ümumdünya Poçt İttifaqı (ÜPİ) 47 ildir ki, təşkilata üzv ölkələrin poçt administrasiyaları ilə birgə ümumtəhsil məktəbliləri arasında epistolyar (məktub şəklində yazı) inşa müsabiqəsi keçirir. Ölkəmizdə Nəqliyyat, Rabitə və Yüksək Texnologiyalar Nazirliyinin “Azərpoçt” MMC və Təhsil Nazirliyinin birgə təşkilatçılığı ilə cari ilin fevral ayında start verilən növbəti epistolyar inşa müsabiqəsi yekunlaşıb, qaliblər müəyyən olunub.

Müsabiqə barədə məlumat verən Təhsil Nazirliyinin nümayəndəsi bildirib ki, müsabiqədə iştirak üçün 27 min 733 inşa yazısı təqdim olunsa da, ümumilikdə 30 şagird qalib seçilib. Müsabiqəyə “Təsəvvür edin ki, siz zaman üzrə səyahət edən bir məktubsunuz. Siz öz oxucularınıza hansı müraciəti çatdırardınız?”, “Azərbaycan ordusu: 100 illik inkişaf yolu”, “Azərbaycan Xalq Cümhuriyyətinin görkəmli şəxsiyyətləri” mövzuları üzrə yazılar təqdim edilib. Birinci mövzu Ümumdünya Poçt İttifaqı, ikinci "Azərpoçt" MMC, üçüncü mövzu isə Təhsil Nazirliyi tərəfindən təklif edilərək təsdiqlənib. Hər mövzu üzrə 1 qalib olmaqla 1-ci yer üzrə 3 nəfərin hər birinə 150 manat, hər mövzu üzrə 2 qalib olmaqla 2-ci yer üzrə 6 nəfərin hər birinə 100 manat, hər mövzu üzrə 3 qalib olmaqla 3-cü yer üzrə 9 nəfərin hər birinə 80 manat və hər mövzu üzrə 4 qalib olmaqla, həvəsləndirici yerlər üzrə 12 nəfərin hər birinə 80 manat məbləğində pul mükafatları, eyni zamanda, fəxri fərman və hədiyyələr təqdim olunub.

Məlumat verilib ki, Ümumdünya Poçt İttifaqının təklif etdiyi mövzu üzrə qalib elan edilən 9-cu sinif şagirdi Ləman Qələndərlinin inşa yazısı Azərbaycan Respublikası adından Ümumdünya Poçt İttifaqının İsveçrənin paytaxtı Bern şəhərində yerləşən mərkəzi ofisinə göndərilib. Müsabiqənin şərtlərinə görə, toplanan inşalar UNESCO-nun təşkil etdiyi münsiflər heyətinə təqdim olunacaq. Sonda 3 əsas qalib və 5 laureat müəyyən olunur. Qaliblər qızıl, gümüş, bürünc medallarla, laureatlar isə xüsusi hədiyyələrlə mükafatlandırılır. Qızıl medalın sahibi olan məktəbli Beynəlxalq Büronun mükafatını almaq üçün Bern şəhərinə dəvət olunur. Gümüş və bürünc medalların sahiblərinin adları, ən yaxşı inşa yazısı ilə birlikdə “Poçt İttifaqı” jurnalında çap olunur. Beynəlxalq Büro bu hadisənin mətbuatda hərtərəfli işıqlandırılmasını təmin etməklə, ictimaiyyətin diqqətini laureatların aid olduğu ölkələrə cəlb edir. Mükafatlandırma mərasimi hər il oktyabrın 9-da Ümumdünya Poçt Günü keçirilir.

Z.MƏMMƏDLİ

Yazı Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun maliyyə yardımı ilə "İnformasiya və kommunikasiya texnologiyalarının inkişaf etdirilməsi” layihəsi çərçivəsində hazırlanıb.

Ana səhifəyə dön