“Qaynar xətt” vətəndaşların işini asanlaşdırıb

Xəbər lenti

22:31 / 16-09-2025

Vardanyan Paşinyan, Minsk qrupu üzvləri və BQXK nümayəndələrinin dindirilməsini istəyir

21:03 / 16-09-2025

Sumqayıtda yaşayış binasında yanğın olub

19:49 / 16-09-2025

"Sonsuz qardaşlıq – IV" çoxmillətli birgə təlimi başa çatıb - Video

18:00 / 16-09-2025

Dövlətə məxsus 55 maşın hərracda satılıb

17:44 / 16-09-2025

Prezidentin Azərbaycana səfəri başa çatıb - Fotolar

17:39 / 16-09-2025

Ali Məhkəmənin hakimi təqaüdə göndərilib

17:36 / 16-09-2025

Azərbaycan və BƏƏ prezidentlərinin geniş tərkibdə görüşü olub - Fotolar

17:23 / 16-09-2025

ATƏT rəsmisi: "Minsk prosesinin bağlanması ilə bağlı qərarın icrasına başlanılıb"

17:08 / 16-09-2025

Sabah leysan yağacaq - Xəbərdarlıq

16:46 / 16-09-2025

Ağacın 1 qramı 10 min dollardır

16:41 / 16-09-2025

Prezidentlər güllələnmiş heykəllərə baxıblar - Fotolar

16:35 / 16-09-2025

Zaqatala sakini bağında döyülüb

16:25 / 16-09-2025

Azərbaycan və BƏƏ liderləri Şuşa qalasının önündə - Foto

16:09 / 16-09-2025

Prezidentlər Cıdır düzündə Qarabağ atlarının şousunu izləyiblər - Fotolar

16:07 / 16-09-2025

Deputat: Şərtimizi yerinə yetirsinlər, sülh sazişinə hazırlaşaq

15:55 / 16-09-2025

İlham Əliyev və BƏƏ prezidenti Yeni Şuşa məscidində - Fotolar

15:39 / 16-09-2025

Azərbaycan və BƏƏ prezidentləri Milli Xalça Muzeyinin Şuşa filialında olublar - Fotolar

15:20 / 16-09-2025

Bakıda Beynəlxalq Kitab Sərgisi keçiriləcək

15:11 / 16-09-2025

Cəlilabadda məktəbli bıçaqlanıb

15:07 / 16-09-2025

Nigar Köçərlinin kitabları müsadirə olunub? - Açıqlama

14:55 / 16-09-2025

Alla Puqaçovanın son müsahibəsi 16 milyondan çox baxış toplayıb

14:50 / 16-09-2025

Prezident iqamətgahı üzərindən uçan PUA ələ keçirilib

14:44 / 16-09-2025

İsrail iqtisadiyyatını ağır sınaqlar gözləyir

14:06 / 16-09-2025

Xalq artisti II Fəxri xiyabanda dəfn olunub - Yenilənib

13:39 / 16-09-2025

Prezidentlər Füzulidən sonra Şuşaya gediblər - Fotolar

13:31 / 16-09-2025

Zülfüqarov: Xankəndidə terror törətməklə bir neçə məqsədə çatmaq istəyiblər

13:27 / 16-09-2025

Sabah yağış yağacaq

12:57 / 16-09-2025

Əliyar Ağayev “Bayer”in oyununa təyinat alıb

12:53 / 16-09-2025

Əlisəmid Kür reanimasiyaya yerləşdirilib

12:45 / 16-09-2025

Deputat: “Əvvəlcə ingilis-rus, sonra Azərbaycan dilində yazırlar”

Xəbər lentinin davamı

Ən çox oxunanlar

22:57 / 14-09-2025

Xankəndidə terrora cəhd edən erməni saxlanılıb, yaralı var - Video - Yenilənib

20:48 / 13-09-2025

Deputat 120 şagirdə məktəb ləvazimatları verib - Fotolar

15:14 / 12-09-2025

Qarabağa daha iki köç karvanı gedib - (Yenilənib)

18:29 / 12-09-2025

Külək Yasamalda yaşayış binasında təhlükəli vəziyyət yaradıb - Video

10:50 / 12-09-2025

Zülfüqarov: Regiondankənar qüvvələr Ermənistana təzyiqlər göstərirlər

18:40 / 14-09-2025

İlham Əliyev Qırmızı Bazar, Hadrut qəsəbələri və Sos kəndinin sakinləri ilə görüşüb - (Yenilənib) - Fotolar

23:44 / 12-09-2025

Aİ Rusiyaya qarşı sanksiyaların müddətini uzadıb

22:10 / 12-09-2025

Salyanda 62 yaşlı kişi güllələnib

13:31 / 16-09-2025

Zülfüqarov: Xankəndidə terror törətməklə bir neçə məqsədə çatmaq istəyiblər

15:37 / 14-09-2025

İlham Əliyev Xocavəndin Qırmızı Bazar qəsəbəsində olub - Fotolar

09:10 / 12-09-2025

Güclü maqnit qasırğaları gözlənilir

13:50 / 14-09-2025

İlham Əliyev Hadrut qəsəbəsində olub - (Yenilənib) - Fotolar

“Qaynar xətt” vətəndaşların işini asanlaşdırıb
Tarix: 12-01-2019 18:12 | Bölmə: Layihə

Şirift ölçüsü:

Vətəndaşlarla daha rahat və çevik formada əlaqə saxlamaq, yaranmış problemlərlə bağlı onları maraqlandıran sualları dərhal cavablandırmaq məqsədilə dövlət orqanlarında “Qaynar xətt” fəaliyyət göstərir.

“Qaynar xətt” xidmətinin həm də əsas əhəmiyyəti ondan ibarətdir ki, Nəqliyyat, Rabitə və Yüksək Texnologiyalar Nazirliyi tərəfindən qurumlara qısa nömrələr təqdim olunur. Qısa nömrələri yadda saxlamaq çətin deyil və vətəndaşlar həmin nömrələrə müraciət etməklə birbaşa “Qaynar xətt”ə qoşulur. Bunun vasitəsiylə vətəndaşlar hər hansı dövlət qurumuna müraciət etmək üçün onların müvafiq “Qaynar xətt”inə zəng edə bilir. Bu texnologiyanın inkişafı nəticəsində eyni anda yüzlərlə vətəndaşın müraciətini cavablandırmaq mümkündür.

Oxucularımız məlumatlandırmaq üçün dövlət orqanlarının “Qaynar xətt”lərini nəzərə çatdırırıq:

Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsi – 161,

Daxili İşlər Nazirliyi – 102,

Dövlət Gömrük Komitəsi – 192,

Dövlət Miqrasiya Xidməti – 919,

Dövlət Sosial Müdafiə Fondu – 190,

Ədliyyə Nazirliyi - 539 76 75,

Əmlak Məsələləri Dövlət Komitəsi – 193,

Fövqəladə Hallar Nazirliyi – 112,

İqtisadiyyat və Sənaye Nazirliyi - 195-2,

Mərkəzi Bank - 493 11 22 (daxili nömrə 3-87),

Prezdent yanında Dövlət Qulluğu Məsələləri üzrə Komissiya - 465 34 71,

Rabitə və Yüksək Texnologiyalar Nazirliyi – 1655,

Səhiyyə Nazirliyi – 9103,

Təhsil Nazirliyi – 146,

Vergilər Nazirliyi – 195,

Əmək və Əhalinin Sosial Müdafiəsi Nazirliyi – 142,

Baş Dövlət Yol Polisi İdarəsi – 902,

Daşınmaz Əmlakın Dövlət Reyestri Xidməti – 148.

“Reytinq” xəbər verir ki, vergi ödəyicilərinin, habelə əhalinin vergi qanunvericiliyi və onun tətbiqi, Vergilər Nazirliyinin təqdim etdiyi elektron xidmətlər barədə operativ, düzgün, vergi orqanlarına gəlmədən məlumat almalarını, eyni zamanda vergi qanunvericiliyinin pozulması halları barədə müraciətlərin qəbulunu təmin etmək məqsədilə Vergilər Nazirliyinin 195 nömrəli Çağrı Mərkəzi fəaliyyət göstərir. 195 nömrəli Çağrı Mərkəzi 2003-cü ilin sonunda Bakı şəhərini əhatə etməklə fəaliyyətə başlasa da, 2006-cı ilin may ayının əvvəlindən etibarən əhatə dairəsi genişləndirilərək respublikanın bütün regionlarından olan sual və müraciətlərin qəbul edilməsini həyata keçirir.

2011-ci ildə “Beynəlxalq Sertifikatlaşdırma və Sorğu Mərkəzləri İnstitutu” tərəfindən keçirilmiş auditin nəticəsinə əsasən Vergilər Nazirliyinin Çağrı Mərkəzinə Standartlaşma üzrə Avropa Komissiyası (“Austrian Standards plus”) tərəfindən EN-15838 Standartlarına uyğunluğu barədə “Nr.S 2011 043” nömrəli 15.10.2011-ci il tarixli keyfiyyət Sertifikatı verilib. 2012 və 2014-cü illərdə keçirilmiş növbəti audit hesabatına əsasən Standartlaşma üzrə Avropa Komissiyası Vergilər Nazirliyinin Çağrı Mərkəzinin fəaliyyətinin standartın tələblərinə cavab verdiyini təsdiq edib.

Nazirlər Kabinetinin 28 oktyabr 2013-cü il tarixli 306 s nömrəli Sərəncamı ilə yaradılması nəzərdə tutulmuş universal Çağrı Mərkəzi layihəsinə uyğun olaraq 2015-ci ilin fevral ayından Maliyyə Nazirliyi, Ədliyyə Nazirliyi, Əmək və Əhalinin Sosial Müdafiəsi Nazirliyi, Dövlət Gömrük Komitəsi və Dövlət Sosial Müdafiə Fondu da 195 nömrəsi vasitəsilə xidmət göstərməyə başlayıblar. Respublikanın istənilən regionundan stasionar (kənd, şəhər) nömrələrdən birbaşa «195» nömrəsinə edilən zəng və danışıq, habelə bu zaman Çağrı Mərkəzi tərəfindən göstərilən xidmətlər ödənişsizdir.

Ekologiya və Təbii Sərvətlər Nazirliyinin 2002-ci il 02 sentyabr tarixli 2089/ü nömrəli Əmri ilə ətraf mühitin mühafizəsi sahəsində həyata keçirilən fəaliyyətin taşkilati-hüquqi formasından asılı olmayaraq aidiyyəti idarə, müəssisə və təşkilatlarla, ayrı-ayrı vətəndaşlarla operativ qaydada əlaqələndirilməsini təmin etmək məqsədilə Mərkəzi Aparatda “Qaynar xətt” – rabitə əlaqəsi yaradılıb.

Qeyd edək ki, “Qaynar xətt” sisteminin yaradılması və bu barədə ictimaiyyətin məlumatlandırılması məqsədilə həmin dövrdə dövlət qəzetlərində elan dərc olunub və televiziyada yayımlanıb. Hazırda Nazirliyin www.eco.gov.az İnternet səhifəsində “Qaynar xətt”in nömrəsi (168) öz əksini tapıb. Nazirlik “Qaynar xətt” vasitəsilə Azərbaycan Respublikasının ərazisində, o cümlədən Xəzər dənizinin Azərbaycana mənsub olan bölməsində baş verən ekoloji fəlakətlər, ətraf mühitin mühafizəsi ilə əlaqədar hüquq pozuntuları və digər narahatedici hallar barədə məlumatları qəbul edir. “Qaynar xətt” 24 saat ərzində fəaliyyət göstərir.

Bəzi nazirliklər “Qaynar xətt”ə daxil olan zənglərlə bağlı mütəmadi olaraq ictimaiyyətə məlumat verirlər. Belə ki, Təhsil Nazirliyinin Telefon Məlumat Mərkəzinə (“Qaynar xətt” xidməti, telefon: 146) bu ilin oktyabr ayında daxil olan zənglər və Vətəndaşların Qəbulu Mərkəzində göstərilən xidmətlərlə bağlı statistika açıqlanıb. Nazirliyin məlumatına görə, qeyd olunan ay ərzində həmin mərkəzlərə ümumilikdə 9 min 341 müraciət daxil olub. Statistikaya əsasən, Telefon Məlumat Mərkəzində 5 min 344 zəng qəbul edilib. Vətəndaşların Qəbulu Mərkəzində isə bu dövrdə 3 min 997 vətəndaşa xidmət göstərilib.

Telefon Məlumat Mərkəzinə və Vətəndaşların Qəbulu Mərkəzinə daxil olmuş müraciətlərin (əsasən sorğu xarakterli olub) əksəriyyəti dərhal cavablandırılıb və operativ həll olunub. Vətəndaşların Qəbulu Mərkəzində 2 min 122 sənəd (854 ərizə, 1268 məktub) qəbul edilib və qeydiyyata alınıb. Daxil olan müraciətlər daha çox müəllimlərin işə qəbulu və yerdəyişməsi, dərs saatlarının verilməsi və ali təhsil sənədlərinin (diplomların) tanınması (nostrifikasiya) ilə bağlı məsələləri əhatə edib.

2018-ci ildə Əmək və Əhalinin Sosial Müdafiəsi Nazirliyinin 142 - Çağrı Mərkəzinə 160 374 müraciət daxil olub. Müraciətlərin 96 faizi əsasən sosial təminat növləri, əmək qanunvericiliyinin tətbiqi, sosial sığorta münasibətləri, aktiv məşğulluq tədbirlərinə, özünüməşğulluq proqramına cəlb olunma qaydaları, tibbi-sosial ekspertiza və reabilitasiya, əmək və sosial müdafiə sahəsində elektron xidmətlərdən istifadə və s. ilə bağlı sorğulardan ibarət olub. Müraciətlərlə bağlı vətəndaşlara qanunvericiliyin müvafiq maddələri üzrə hüquqi izahatlar verilib.

Digər müraciətlərdə əksini tapan məsələlər isə nazirliyin aidiyyəti struktur bölmələrində araşdırılaraq müvafiq tədbirlər görülüb və nəticəsi barədə vətəndaşlar məlumatlandırılıb.

2010-cu ildə "Azercell Telekom" MMC-nin dəstəyi ilə uşaqların müdafiəsi və hüquqlarının qorunması üçün yaradılan "Azərbaycan Uşaq Qaynar Xətt" xidməti ötən ilin yekunları ilə bağlı hesabatını açıqlayıb. 2018-ci il ərzində quruma 3581 müraciət daxil olub. Onlardan 1909-u təhsil, 426-sı psixoloji, 235-i sosial, 497-si hüquqi, 177-si səhiyyə, 337-si isə digər sahələrdə yaranan sualları əhatə edib. Daxil olan müraciətlərin 1432-si şəhərdaxili, 1995-i mobil telefon, 54-ü isə mobil SMS-lə qeydə alınıb. Zənglər üzrə aparılan təhlillərdən çıxan nəticələrə əsasən uşaqlarda baş verən narahatlıqların, psixoloji problemlərin əsas səbəbi valideynlərin bu istiqamətdə maariflənməsinin zəif olmasıdır. Xüsusilə də uşaqların məktəb həyatının başladığı dövrlərdə onlarda izlənilən həyəcan, özünəqapanıqlıq, qorxu, aqressiya valideynlər tərəfindən böyük narahatlıq və təlaşla qarşılanır, uşaqlara qarşı məhz bu səbəbdən kobud davranılır. Eyni zamanda, müraciət edənlər arasında şəxsiyyətlərarası münaqişələrdən əziyyət çəkən yeniyetmələr də üstünlük təşkil edir. Problemin səbəbi isə uşaqların valideyn və yaşıdları ilə münasibətdə yaşadıqları fikir ayrılıqları və buna qarşı özünümüdafiə mexanizmi kimi istifadə etdikləri aqressiya görünür.

Qeyd edək ki, "Azərbaycan Uşaq Qaynar Xətt" xidmətinin əsas iş prinsipi – məxfilikdir. "Azərbaycan Uşaq Qaynar Xətti" xidmətinə daxil olan bütün məlumat məxfi saxlanılır.

"Azərbaycan Uşaq Qaynar Xətt" xidmətinin əsas məqsədi problemlə üzləşmiş hər bir uşağa sosial xidmət, psixoloji və hüquqi yardım, emosional dəstək, onun qarşılaşdığı çətinliklərin həllinə dair məsləhətlər vermək, ehtiyac olduğu zaman müraciətlərin digər müvafiq xidmətlərə yönləndirilməsini təmin etmək və təxirəsalınmaz kömək göstərməkdir.

Təklif edilən xidmət dövlət uşaq müəssisələrində olan, küçədə yaşayan və işləyən, istismara və zorakılığa məruz qalan, psixoloji və emosional problemlərlə üzləşən, fiziki və əqli imkanları məhdud olan, habelə sosial çətinliklər yaşayan ailələrdən olan, hüquqları pozulmuş, qanunla münaqişədə olan, xüsusi qayğıya və müdafiəyə ehtiyacı olan hər bir uşağın probleminin həll edilməsi üçün nəzərdə tutulub. Onu da qeyd edək ki, fəaliyyət göstərdiyi 8 il ərzində "Azərbaycan Uşaq Qaynar Xətt" xidmətinə 36 min 289 müraciət daxil olub.

Daha ətraflı məlumat üçün [email protected] ünvanına müraciət edə bilərsiniz.

Xatırladaq ki, Azərbaycanın mobil rabitə sektorunun lideri və qeyri-neft sektorunun ən böyük vergi ödəyicisi və sərmayəçisi "Azercell Telekom" MMC 1996-cı ildə təsis edilib. Azərbaycanın mobil rabitə sektorunda 48 faiz bazar payına malik olan "Azercell"in şəbəkəsi ölkə ərazisinin 80 faizini (işğal altında olan 20 faiz ərazi istisna olmaqla), əhalinin isə 99,8 faizini əhatə edir. Hazırda 4,5 milyon abunəçi "Azercell"in xidmətlərindən istifadə edir. Ölkəyə bir sıra yenilikləri ilk dəfə olaraq məhz "Azercell" gətirib: GSM texnologiyası, öncədən ödəmə sistemi, mobil internet xidmətləri, metropoliten ərazisində şəbəkənin qurulması, 24/7 Telefon Mərkəzi, həftənin 7 günü fasiləsiz ön ofis xidmətləri, M2M xidmətləri, 1 nöqtədə 3 xidmət göstərən "Azercell Ekspres" ofisləri, mobil müştəri xidmətləri, onlayn müştəri xidmətləri və sosial media üzərindən müştəri xidmətləri, mobil elektron imza xidməti "Asan İmza" və s. 2012-ci ildə "Azercell" ölkədə ilk dəfə 4G xidmətini təqdim edib. Radiosiqnalların şəbəkə keyfiyyətini ölçən və simsiz rabitənin əhatə dairəsi üzrə ixtisaslaşan beynəlxalq sistemlər tərəfindən aparılmış araşdırmaların nəticələrinə əsasən, "Azercell" şəbəkəsi Azərbaycanın mobil operatorları arasında ən yüksək göstəricilər nümayiş etdirib. "Azercell" ölkədə və MDB məkanında beynəlxalq "Investors In People" İnsana Sərmayə Qızıl Sertifikatına layiq görülən yeganə şirkətdir.

Onu da nəzərə çatdıraq ki, lazım olan bütün infrastruktur qurulsa da, “Qaynar xətt”lərin fəaliyyətindən narazılıqlar da var. Belə ki, Milli Məclisin deputatı Fazil Mustafa bildirib ki, hazırda müvafiq icra hakimiyyəti orqanları tərəfindən yaradılan “Qaynar xətt” xidmətləri çox gülünc vəziyyətdədir. F. Mustafa qeyd edib ki, ümumilikdə sözlərin mahiyyətinə uyğun işlədilməməsi problemi var:

“Ölkədə əksər qurumda "Qaynar xətt" var. Daxili İşlər Nazirliyinin (DİN) 102, təcili tibbi yardımın 103, Fövqəladə Hallar Nazirliyinin 101, 112 habelə daha bir neçə qurumun “Qaynar xətt”indən başqa ölkədəki əksər “Qaynar xətt”lər formal fəaliyyət göstərir”.

Deputatın sözlərinə görə, əslində bu durum məsuliyyətsizlikdən daha çox, elə "qaynar" sözündən qaynaqlanır: “Çünki istənilən qaynar mayeni nə zamansa soyutma məcburiyyəti yaranır. Bu xətlərin də həmişə qaynar qalması praktik olaraq mümkünsüzdür. Odur ki, harada müraciətə operativ cavab verilir, burada ad da olduğu kimi qalır. Harada cavab almaq mümkün olmursa, o zaman "soyumuş xətt" ifadəsi daha çox yerinə düşür. “Qaynar xətt” və “Soyumuş xətt” tanıtımından sonra artıq vətəndaş da müraciətinə operativ cavab ala bilməyəndə, əsəbindən qaynayıb-coşmayacaq, qaynasa da düşdüyü xəttin təsiri ilə dərhal soyuyacaq”.

Z. MƏMMƏDLİ

Yazı Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun maliyyə yardımı ilə "İnformasiya və kommunikasiya texnologiyalarının inkişaf etdirilməsi” layihəsi çərçivəsində hazırlanıb.

Ana səhifəyə dön