İran Türkiyəni terrorçuların hədəfinə çevirib
Tarix: 17-04-2021 13:23 | Bölmə: Dünya / Xəbər lenti
İran Türkiyəni terrorçuların hədəfinə çevirib

İran son zamanlar Türkiyənin səbr kasasını daşdıracaq addımları ilə diqqət çəkir.

Reyting.az
xatırladır ki, Türkiyə 6 ildir PKK işğalında olan Suriyanın şimal hissəsindəki Tel-Rifat qəsəbəsi və İraq-Suriya sərhədində yerləşən Sincar bölgəsini terrorçulardan təmizləməyə çalışır.

Rusiyanın dəstəyi ilə PKK-nın işğal etdiyi Tel-Rifatı rus ordusuna bağlı birliklər tərk edərkən yerlərinə İran İnqilab Keçikçiləri Korpusunun ünsürləri yerləşdirilib.

Digər terror bölgəsi olan Sincara Tehran meylli Haşdi-Şəb milisləri nəzarət edir. İrana bağlı milis qrupu Asaib Əhli Hak lideri Kays Ghazali, “Hizbulla” Hərəkatının lideri Hüseyn Hamdavi və Haşdi-Şəbin qurucularından olan Hadi əl-Amiri Sincar məsələsində Türkiyənin keçirə biləcəyi mümkün əməliyyatlarla bağlı təhdid xarakterli açıqlama veriblər.

“Firat Qalxanı” əməliyyat bölgəsində yüksək çinli hərbçi 2018-ci ildə Tel-Rifatla bağlı hərbi əməliyyatın hazırlıqlarının tamamlandığını, ancaq İranın əngəlləməsi səbəbindən əməliyyatın təxirə salındığını qeyd edib.



Suriya Milli Ordusunun Tel-Rifat Hərbi Məclisinin nümayəndəsi Yunis Dirbes deyib ki, rus əsgərləri Keştear, Um-Huş, Sicci və Tel-Rifat qəsəbəsi mərkəzindən çıxıb: “Rus əsgərlərinin çəkildiyinə dair konkret bilgimiz yoxdur. Birdəfəlik tərk ediblər, yoxsa yerlərinə yeni birliklərmi gələcək, bunu bilmirik. Bildiyimiz odur ki, rusların çəkilməsi PKK terrorçularını qorxudub. Onlar rusları avtomobillərindən endirib “Bizi Suriya Milli Ordusu və türklərlə baş-başa buraxmayın”,- deyə yalvardılar”.

Yunis Dirbes əlavə edib ki, ruslardan boşaldılan bütün nöqtələrə İran qüvvələri yerləşdirilib: “İran üçün bölgədə olan və heyəti şiələrdən təşkil edilən Mübbul və Zəhra qəsəbələri xüsusi əhəmiyyət daşıyır. PKK-nın Afrin, Ezez, Tel-Rifat bölgəsinə etdiyi hücumlar bu iki qəsəbədən idarə olunur. Tel-Rifat və ətrafının təmizlənməsi Nübbul və Zəhra qəsəbələrinin qismən boşaldılması demək olacaq. Bu vəziyyət İranı narahat edir”.

Türk ordusunun Mosul sərhədlərində yerləşən Başika hərbi bazası və Ərbil hava limanına aprelin 14-də hücum edilib.

İraq təhlükəsizlik mənbələri Başika hücumuna dair qərarın mart ayında Sincarda verildiyini düşünür. Qaynaqlar general Qasım Süleymaninin öldürülməsindən sonra İranın dini lideri Seyid Əli Xamneyi tərəfindən İraqdakı kürd-ərəb-şiə-yezidi koordinasiyasını saxlamaq üçün səlahiyyət verilən Məhəmməd Kevserani martın 17-də Sincarda olub. Burada Xamneyinin nümayəndəsi Abu el-Askeri, Əkrəm el-Qəssabi, Ziyan Senkali adlı Haşdi-Şəbi və PKK nümayəndələri ilə görüşüb. Başika hücum öncəsi Sincarda keçirilən bu toplantıda PKK tərəfindən ediləcək hücum və onun zamanının İran tərəfindən müəyyən ediləcəyi bildirilib. Ardınca Ərbildə rəsmi türk məmurlarının getdiyi restoran, alış-veriş mərkəzləri ilə birlikdə Türkiyəyə aid olan obyektlər izlənməyə başlanılıb. Buna bənzər fəaliyyət ABŞ missiyası ilə bağlı da həyata keçirilib. Ardınca PKK-ya verilən əmrlə Başikadakı türk hərbi bazasına raket hücumu olub. Atılan raketlərdən ikisi bazaya düşüb və bir əsgər həlak olub. Hücumda istifadə edilən 122 millimetrlik raketlər Bartella bölgəsindən atılıb və İran tərəfindən dəstəklənən milis qüvvələri tərəfindən tədarük edilərək PKK-ya çatdırılıb. Beləcə, Ərbildəki Başika bazasına hücumda PKK terror təşkilatları ilə İraq Hizbulları, şiə milli qrupu Hərakat en-Nuceb birlikdə hərəkət edib. Şimali İraq Muxtar Vilayətinin rəhbərliyi hər iki hücumun xarici ünsürlər tərəfindən həyata keçirildiyini bildirib.




Bölməyə aid digər xəbərlər
bütün xəbərlər
{sape_links}{sape_article}