17:38 / 28-03-2024
Əməkdar artist vəfat edib
Altı ölkənin hərbçiləri Əfqanıstanla sərhəddə: aralarında erməni əsgərləri də var - Fotolar
Tarix: 23-10-2021 14:16 | Bölmə: Dünya
Altı ölkənin hərbçiləri Əfqanıstanla sərhəddə: aralarında erməni əsgərləri də var

Altı ölkədən ibarət 4 min hərbçi sərhəd bölgəsində raket, helikopter və artilleriyanın iştirakı ilə təlimlər keçir.

Reyting.az
xəbər verir ki, Rusiya ordu televiziyası müttəfiqlərin təlimlərinin keçirildiyi məkanı xüsusilə vurğulayıb. Bəlli olub ki, Rusiya Əfqanıstanda hakimiyyəti ələ keçirən “Taliban” hökuməti ilə Moskvada danışıqlar aparmaqla yanaşı bu ölkənin sərhədlərində yeni nəsil silahlarının da istifadə olunduğu “əzələ nümayişi”nə başlayıb.

Ruslar Kollektiv Təhlükəsizlik Müqaviləsi Təşkilatındakı (KTMT) müttəfilərini də Əfqanıstan sərhədlərinə gətiriblər. Bununla da Rusiya liderliyi ilə Ermənistan, Belarus, Qazaxıstan, Qırğızıstan və Tacikistandan ibarət KTMT-nin 4 minlik hərbi personalı təlimlərə cəlb olunub.



“İnteraktion-2021” adı verilən təlimlərdə “Mi-24” hücum raketləri, habelə havadan quruya atılan raketləri nümayiş etdirən “Zvezda” helikopterlərinin şərti düşmən mövqelərini bombardman etdiyini də bildirilib.

Təlimlərdə “Qrad” və “Katyuşa” sistemləri də yer alıb. Rus qırıcıları havaya qalxmaqla yanaşı “T-72” tankları qurudan hədəfləri vurub.

Təlimlərin keçirildiyi ərazi Əfqanıstan sərhədlərinə yaxın olması xüsusi diqqət çəkib.

Xüsusilə, rus mediası hər dəfə “Taliban”ın terrorçu təşkilat kimi tanındığına vurğu edir. Amma buna rəğmən ruslar Kabildəki səfirliyini bağlamır. Rusiya xarici işlər naziri Sergey Lavrov isə həftə içində “Taliban” heyəti və digər əfqan qrupları ilə Moskvda müzakirələr aparıb. Müzakirələrdə “Taliban”ın müvəqqəti keçid hökumətinin Baş naziri Abdulsalam Hənəfi də iştirak edib.



Aydındır ki, “Taliban” hakimiyyətə gəldikdən sonra ilk böhranı şimal qonşusu Tacikistan, dolayısı yolla Rusiya ilə yaşayıb. Ötən ay Tacikistan kəşfiyyatı “Taliban” cəbhəsində mövqe tutan taciklərin sərhədi keçərək Tacikistana sızmağı planlaşdırdığını açıqlayıb. Tacikistanla 1400 kilometrdən çox sərhədi olan Əfqanıstandakı tacik döyüşçülərin bir araya gəlməsi Rusiyanı da çətin vəziyyətlə üzləşdirib. Rus mediası, eyni zamanda “Taliban”ın Tacikistanla sərhədə minlərlə döyüşçü göndərdiyini, hətta tankların göründüyünü qeyd edir.

Məlumat üçün xatırladaq ki, “Camaat Ensarullah” qrupunun başında duran və kod adı Mehri Arslan olan Məhəmməd Şərifov Bedahşanda görünüb. Tacikistanda qadağan edilən və terror ittihamı ilə axtarışda olan qrupun keçmişi bilinmir, amma onun adına ilk dəfə 2010-cu ildə Tacikistanın Hucand bölgəsində intihar hücumu etməklə rast gəlinib. “Taliban” isə Tacikistanı Əfqanıstanın daxili işlərinə qarışmaqda ittiham edib.





Bölməyə aid digər xəbərlər
{sape_links}{sape_article}