Antalyadan Moskvaya uçan təyyarə qəza enişi edib
Tarix: 06-11-2021 13:11 | Bölmə: Dünya
Antalyadan Moskvaya uçan təyyarə qəza enişi edib

Türkiyə Hava Yollarına məxsus sərnişin təyyarəsinin pilotları mühərriki sıradan çıxmış hava gəmisini uğurla enmə zolağına endirməyi bacarıblar.

“Российская Газета”nın internet saytının yaydığı məlumatda deyilir ki, bu gün səhər “Antalya-Moskva” reysini həyata keçirən “Airbus A-330” sərnişin təyyarəsi Şeremetyevo hava limanına qəza enişi edib. Az sonra “Интерфакс” agentliyinin verdiyi xəbərə görə, enməyə yarım saat qalmış hava gəmisinin türkiyəli komandiri yaranmış problem barədə dispetçeri məlumatlandırıb. Kabinədə mühərriklərdən birinin dayandığını bildirən siqnalizasiya işə düşübmüş.

Amma, ciddi texniki nasazlığa baxmayaraq, uçuşu idarə edən heyət təyyarəni son məntəqəyə sağ-salamat endirməyi bacarıb. Sərnişinlər arasında xəsarət olan olmayıb.

Reyting.az




Bölməyə aid digər xəbərlər