Rasim Balayev: “Meymunluqla aktyorluq sənətini səhv salıblar”

Xəbər lenti

13:46 / 28-10-2025

Ən böyük dairəvi əl xalçasını toxuyurlar - Fotolar

13:42 / 28-10-2025

Fəzail Ağamalı nikahdankənar oğlu olduğunu təsdiqləyib

13:36 / 28-10-2025

Növbəti köç karvanı Xocalıya çatıb

13:01 / 28-10-2025

Həyatla bağlı yeni elmi model təqdim olunub

12:51 / 28-10-2025

Bir milyon manatdan artıq mənimsəmə: iki nəfərə hökm oxunub

12:45 / 28-10-2025

Şəhidlərlə vida mərasimi keçirilib - (Yenilənib) - Fotolar

12:44 / 28-10-2025

Prezident İmişlidə yeni müəssisənin açılışında iştirak edib - Fotolar

12:40 / 28-10-2025

Sabahın hava proqnozu açıqanıb

12:31 / 28-10-2025

Casuslardan bəhs edən ən yaxşı filmlərin adı açıqlanıb - Siyahı

12:15 / 28-10-2025

Etibar Məmmədov: “Cəfəng adamlara cavab vermirəm”

12:11 / 28-10-2025

Putinin qohumunun "Vikipediya" səhifəsi silinib

12:03 / 28-10-2025

İlham Əliyev istehsal müəssisəsinin fəaliyyəti ilə tanış olub - Foto

11:42 / 28-10-2025

Türk ordusu iki ölkədə hərbi əməliyyatların yeni formatını hazırlayır

11:24 / 28-10-2025

Monteneqroda saxlanılan azərbaycanlı kimdir? - Açıqlama

11:09 / 28-10-2025

İlham Əliyev Çex liderinə məktub ünvanlayıb

11:00 / 28-10-2025

Prezident İlham Əliyev Sabirabada gedib - (Yenilənib) - Fotolar

10:44 / 28-10-2025

Millimizin İslandiya və Fransa oyunları üçün biletlər satışa çıxarılıb

10:42 / 28-10-2025

Rusiyadan Türkiyəyə qaz tədarükü artıb

10:29 / 28-10-2025

13 universitet Türk Universitetlər Birliyinə üzv qəbul olunub

10:22 / 28-10-2025

Rumıniya Senatının sədri Azərbaycanda səfərdədir

10:18 / 28-10-2025

Aparıcı Nigar Fərhadın avtomobili oğurlanıb

10:13 / 28-10-2025

Deputat: Ukraynaya hərbi yardım 45 faiz azalıb

10:10 / 28-10-2025

Lisey və gimnaziyalara şagird qəbulu qaydası dəyişib

09:47 / 28-10-2025

Pakistan Senatının sədri Azərbaycana gəlib - Foto

09:41 / 28-10-2025

Yer kürəsində maqnit fırtınası başlayır

09:39 / 28-10-2025

Azərbaycan Kuboku: II təsnifat mərhələsinin oyunlarına start verilir

09:17 / 28-10-2025

Azərbaycan BMT-nin "Kibercinayətkarlığa qarşı" Konvensiyasını imzalayıb

08:58 / 28-10-2025

İtaliyada yoxsulluq ən yüksək həddə çatıb

08:50 / 28-10-2025

Pop-diva özünü alçaldılmış hiss edir

08:42 / 28-10-2025

Britaniya Türkiyəyə döyüş təyyarələri verəcək

Xəbər lentinin davamı

Ən çox oxunanlar

11:29 / 24-10-2025

Paşinyan Erməni Apostol Kilsəsini Azərbaycanla sülhə təhlükə görür

14:48 / 25-10-2025

Sədr postu uğrunda mübarizə ata-oğul qarşıdurmasına səbəb olub

12:35 / 24-10-2025

Sülh savaşı - Zahid Oruc yazır

17:50 / 23-10-2025

On yeddi mindən çox müəllimin maaşı artacaq

14:16 / 23-10-2025

Hərbi ekspert: Azərbaycan Cənubi Qafqazda sabitliyi təmin edən əsas aktordur

17:14 / 24-10-2025

Dövlət Agentliyinin rəisi vəzifədən azad olunub - Yeni təyinat - (Yenilənib)

15:34 / 23-10-2025

Ərdoğan və Netanyahunun yeni döyüş meydanı - Kipr

18:00 / 25-10-2025

Anar Əsədlidən 4 şikayətçi var

20:19 / 27-10-2025

Nazir məktəbin acınacaqlı vəziyyətinə biganə yanaşır - Müraciət

23:17 / 25-10-2025

Vəkil Zabil Qəhrəmanov həbs olunub

14:48 / 23-10-2025

Professor: Azərbaycan və Ermənistandakı partiyalar arasında da təmaslar olmalıdır

15:51 / 23-10-2025

Evini kirayə verənlərin gəlirindən 10 faiz vergi tutulacaq

Rasim Balayev: “Meymunluqla aktyorluq sənətini səhv salıblar” - Müsahibə
Tarix: 02-08-2019 16:50 | Bölmə: Müsahibə

Şirift ölçüsü:

Xalq artisti deyir ki, tamaşaçının zövqünü korlayıblar: “İndi qeyri-peşəkarlar seriallar və yaxud rejissorluqdan xəbəri olmayanlar film çəkir”

2 Avqust - Milli Kino Günüdür. Bu münasibətlə “Yeni Müsavat”ın əməkdaşı “Babək”, “Nəsimi”, “Dədə Qorqud” və digər filmlərdə yaratdığı obrazlarla xalqın böyük sevgisini qazanmış xalq artisti Rasim Balayevdən müsahibə alıb.

Reyting.az həmin müsahibəni təqdim edir:

- Rasim müəllim, milli kinomuzun bugünkü vəziyyətini necə dəyərləndirərdiniz və yaxud necə görmək istərdiniz?

- İstərdim, bu gün elə filmlər çəkilsin ki, tamaşaçı ona baxıb ibrət götürsün, ləzzət alsın. Lakin bu gün dediyim yoxdur. Bilmirəm, nə olacaq..

- Sizcə, səbəb nədir və nə etmək lazımdır?

- İndi əsas gəncləri yetişdirmək lazımdır. Qocalar öz işlərini görüb getdi. Gənclərin yetişdirilməsi məsələsi ilə ciddi məşğul olmaq lazımdır. Nə qədər ki, peşəkar rejissorlar, operatorlar olmayacaq, bu iş əmələ gəlməyəcək.

- Bildiyim qədər, “Babək” filmi dünyanın 138 ölkəsində nümayiş olunub. Bu gün elə bir filmimiz yoxdur ki, dünyanın heç olmasa 50-60 ölkəsində göstərilsin.

- Yaranmır və səbəbi də bilinmir. Bir daha qeyd edirəm ki, bunun üçün yüksək peşəkarlıq lazımdır, elə-belə söhbətlərlə alınan məsələ deyil. Vaxtilə Kinematoqrafiya İnstitutu yer verirdi, indi ora gedən yoxdur, çünki ora pulludur. Deyəndə də acıqları gəlir. Bizim institutun rejissor, operator hazırlamağa bazası yoxdur. Rejissorluğu bitirən şəxslər tutaq ki, ikihissəli film çəkmək istəyir, ona vəsait ayrılmır. İndi qeyri-peşəkarlar seriallar və yaxud rejissorluqdan xəbəri olmayanlar film çəkir. Hansı ki, bir müddət əvvələ qədər həmin adamlar toy çəkib. Bunların fərqi var axı.

- Tamaşaçılar da sanki artıq ciddi filmlərə maraq göstərmirlər.

- Çünki tamaşaçıların zövqünü korlayıblar. Boş-boş hır-hırla, söyüşlə, meymunluqla guya ki, film çəkirlər. Onlar meymunluqla aktyorluq sənətini səhv salıblar. Bu sənət deyil, ötəri şeylərdir.

Çox adamlarla söhbət edirəm, onlar bildirir ki, çəkilən yerli seriallara baxmırlar, çünki səviyyəsizlik var. Ona görə də deyirəm ki, peşəkarlıq lazımdır.

Bədahətən şeir deyən Aşıq Ələsgər, Əliağa Vahid olub. Amma bədahətən film çəkmək olmaz. Kinonu çəkməyə həm istedad, həm də məktəb lazımdır. Onun montajından tutmuş o qədər dərinlikləri, xırdalıqları var ki, mütləq buna görə məktəb keçməlisən. Yoxsa ki... bir dəfə səhv edib getdim seriala çəkildim. Onda gördüm ki, heç kəs öz işini bilmir. Düşünmüşdüm ki, evdə bekar oturmuşam, gedim çəkilim, mənəvi zövq alım, amma sonra çox peşman oldum . Çünki sənət deyilən bir şey yox idi, elə “basməmmədi”, “xaltura” çəkilişləri idi. Bununla da sənət inkişaf edə bilməz.

- Yəqin, elə buna görə sizi uzun illərdir ki, filmlərdə görə bilmirik...

- Bəli, bu məni daxildən çox incidir. Layiqli bir əsər oxuya bilmirəm ki, orada oynamaq, obraz yaratmaq istəyim. Neçə illərdir ki, arxasınca gözümün qaldığı rol olmayıb. Buna görə çox təəssüf hissi keçirirəm. Beləliklə, yazanlar da yoxdur. Bu gün qeyri-peşəkarlar ssenari yazır. Ssenari yazmaq hər adamın işi deyil, bunun üçün kinonu, bu sənəti dərindən bilmək lazımdır.

Kino teatrdan fərqli olaraq mətni sevmir. Kino təsviri sənətdir. Bəzən elə olur ki, heç mətn yazmaq lazım deyil, adi baxışlarla bir neçə dəqiqə tamaşanı ələ almaq olur. Bu gün bu yoxdur.

İndi kimlərsə gedib hansısa şirkətlərdən, sponsorlardan nəsə alırlar və filmin ssenarisinə həmin şirkətlərin mallarının tərifi ilə bağlı epizodlar salırlar. Belə olmaz! Biri var ki, hansısa məhsulun reklamı, biri də var ki, həmin məhsulu filmə salırlar. Məsələn, tez-tez belə bir ssenari ilə rastlaşırıq, bir gəlib deyir ki, “başım ağrıyır”, o birisi də deyir ki, “başın ağrıyırsa filan çayı iç, başının ağrısı kəsəcək”. Nə var ki, həmin çayın şirkəti 5-10 manat pul verib ki, məhsulu reklam olunsun. Yəni, dediyim budur ki, hər şeyi ucuzlaşdırıblar.

- Bir neçə xarici ölkədə də filmlərə çəkilmisiniz. Belə dəvətlər yenə də alırsızmı?

- Bəli, əvvəllər xarici ölkələrdə, o cümlədən Türkiyədə, Almaniyada, Orta Asiyada filmlərə çəkilmişəm. Amma təəssüf ki, bu gün dəvət yoxdur, əlaqələr qırıldı. Doğrudur, onlarda da bu sahədə bəzi problemlər var.

- Yadınızdadırsa, bu yaxınlarda müğənni Afət Fərmanqızı İmadəddin Nəsiminin “Məndə sığar iki cahan, mən bu cahana sığmazam” qəzəlini mahnı kimi ifa etdi. Onun bu addımına ictimai qınaqlar olsa da, dəstək verənlər də çıxdı. Sizin reaksiyanız da sərt oldu...

- Onda təqsir yoxdur ki, təqsir onu efirə buraxandadır. Elə adamları vaxtilə efirə buraxmırdılar. Toy edirsən, get toyda nə istəyirsən, et. Bu gün efirlər “proxodnoy” olub, kim istəyir, nə istəyir, ağzına gələni deyir, danışır, oxuyur. O qız televiziyaların hesabına özünü yaxşı reklam edə bildi. Axı ortalıqda sənət yoxdur, nə etsin? Bu gün özünə yalandan sənətkar deyənlərin sayı çoxalıb. İki mahnı oxuyub, deyir, sənətkaram.

O gün Yusif Eyvazov və xanımı Anna Netrobka ilə konsertinə baxdım. Bax sənət, korifey odur. Təsəvvür edin, İtaliyada verdikləri konsertdə bütün zal ayaq üstə ən azı 10 dəqiqə azərbaycanlı ifaçıya əl çalır, alqışlayırdı.

Mən opera sənətini dərindən bilmirəm, amma məşhur oxuyanlar var, məsələn, Pavarotti, düşünürdüm ki, o dünyasını dəyişdikdən sonra elə də oxuyan yoxdur. Amma Yusif Eyvazovun ifası möhtəşəm idi, görərdiz ki, o ifası ilə nələr edir.

Amma indi müğənnilər yığışır bir yerə, başlayırlar bir-birinə korifey, sənətkar deməyə. Hansısa yollarla gəlib çıxırlar efirə, sonra da ağzılarına gələni danışırlar. Artıq efiri bazara döndəriblər, hər şeyi ticari ediblər. Beləliklə də tamaşaçıların zövqünü korlayıblar. Həmin zövqləri təmizləmək, inkişaf etdirmək üçün, heç bilirsiz, neçə il lazım olacaq?

- Səhhətiniz, sağlamlığınız necədir?

- Yaşayırıq da... Doğrudur, adam yaşlaşanda hər xəstəlik ortaya çıxır. Hələ ki, dərmanla, müalicə ilə yaşayırıq, buna da çox şükür.

- 6 gün sonra sizin doğum gününüzdür. Bu münasibətlə indidən sizi təbrik edirik. Yeni doğum gününüzdə özünüzə nə arzulayardız?

- Vallah həmişə, cavanlığımda belə öz- özümə deyirəm ki, Allah heç vaxt məni heç kəsə möhtac etməsin, özüm-özümü idarə edə bilim. Nə zaman istəsə canımı alsın, amma bir kimsəyə möhtac olmayım, heç ailə üzvlərimə də. Ölən günə qədər özümü idarə edə bilim. Bir də arabir yaxşı əsər olsun, oynayım və bundan mənəvi zövq alım. Hətta epizod olsun, amma yaxşı rol olsun.

Ana səhifəyə dön