Baş nazirə terror etmək istəyiblər - Foto
Tarix: 04-12-2021 09:45 | Bölmə: Dünya / Xəbərlər
Baş nazirə terror etmək istəyiblər

Ötən həftə Çexiya Baş nazirinin ofisi önünə gələn şəxs Andrey Babişə hücum etmək istəyib.

Reyting.az
xəbər verir ki, məlumatı Baş nazir Andrey Babiş də təsdiqləyib.

Baş nazir A. Babiş sosial media hesabından video yayımlayaraq ötən həftə silahlı bir şəxsin ona sui-qəsd etmək məqsədilə ofisinə gəldiyini və təhlükəsizlik qüvvələri tərəfindən təsirsiz hala gətirildiyini bildirib.



Sui-qəsd niyyətində olan şəxsin üzərindən tapılan tapanca, bıçaq və qandalın fotolarını paylaşan Babiş qeyd edib ki, həmin şəxs ona hücum etmək istəyib: “Təhlükəsizlik qüvvələrimizə təşəkkür etmək istərdim. Planlı bir iş ortaya qoydular. Əlimdə gördükləriniz həmin şəxsin üzərindən çıxdı. Koronavirus tədbirləri səbəbindən hər gün təhdidlər alıram və bunu sizinlə paylaşmıram”.

Çexiya Daxili İşlər Nazirliyinin sözçüsü Yan Rıbanski hadisənin noyabrın 24-də günorta saatlarında baş verdiyini bildirib: “33 yaşlı bir kişi Baş nazirin ofisinə gələrək əlində olan məktubu Baş nazirə çatdırmaq istədiyini bildirib. Ona deyiblər ki, o, məktubu Baş nazirin özünə verə bilməz və onu sənədləşmə idarəsinə təqdim etməli olub. Bundan sonra aqressiv davranışlar sərgiləməyə başlayan şəxs oradakı təhlükəsizlik qüvvələri tərəfindən zərərsizləşdirilib. Üzərində axtarış zamanı çoxlu cinayət aləti, o cümlədən silah və bıçaqlar aşkar edilib”.

Babişə sui-qəsdə cəhd edən şəxs təhlükəsizlik qüvvələri tərəfindən zərərsizləşdirildikdən sonra ifadəsi alınmaq üçün polis bölməsinə aparılıb. İfadəsindəki ziddiyyətlər səbəbindən onun sağlamlığını yoxlamaq üçün Bohnicedəki ruhi xəstəxanaya aparıblar. Hələ də xəstəxanada olan şəxsin ruhi vəziyyətinin yaxşı olduğu aydınlaşarsa, məhkəmə qarşısına çıxarılacaq.

Bildirilir ki, təcavüzkar iğtişaş törətmək və dövlət məmuruna qarşı zorakılıq tətbiq etmək ittihamı ilə 6 ilə qədər həbs cəzası ala bilər.

Baş nazir Babişin əvvəllər də müxtəlif təhdidlərlə üzləşdiyi məlumdur. Fevral ayının sonunda onu və ailəsini güllələmək istəyən bir adamın olduğunu, evinin polis tərəfindən mühafizə altına alındığını bildirmişdi. Görülən işlər nəticəsində Babişi təhdid edən şəxs İspaniyada tutularaq Çexiyaya gətirilib. Təhdid və şantajda təqsirləndirilən şəxs 2 il müddətinə azadlıqdan məhrum edilib.




Bölməyə aid digər xəbərlər
27-03-2024, 09:47 Macarlar Orbana etiraz edir

{sape_links}{sape_article}