Klinton prezidentliyə iddiasından vaz keçib: "Qəti belə bir planım yoxdur"
Tarix: 13-11-2019 10:18 | Bölmə: Dünya
Klinton prezidentliyə iddiasından vaz keçib: "Qəti belə bir planım yoxdur"

ABŞ-ın keçmiş dövlət katibi, 2016-cı ildə Demokrat Partiyasının prezidentliyə namizədi olmuş Hillari Klinton bildirib ki, onun 2020-ci ildə keçiriləcək növbəti prezident seçkilərində namizədliyini irəli sürmək planı yoxdur.

H.Klinton bununla belə qeyd edib ki, ona planlarını dəyişməsi ilə bağlı təzyiqlər edilir.

"Dediyim kimi, heç vaxt, heç vaxt, heç vaxt" , - deyə o, BBC-yə verdiyi müsahibədə 2016-cı ilin prezident seçkilərindəki məğlubiyyətdən sonra yenidən prezidentliyə namizəd olmaq imkanı haqqında suala cavab verib.

"Sizə deyə bilərəm ki, çox insanlar mənə güclü təzyiq göstərirlər ki, bu haqda düşünüm", - Klinton deyib.

"Amma hələ ki, bu studiyada oturaraq və sizinlə danışaraq eyə bilərəm ki, bu, mənim planlarıma qətiyyən daxil deyil", - deyə o, əlavə edib.

Qeyd edək ki, Hillari Klinton 2016-cı ilin prezident seçkilərində Demokrat Partiyasının namizədi kimi çıxış edib. O, seçki marafonunda favorit hesab edilirdi, ancaq Klintonun opponenti - respublikaçı Donald Tramp gözlənilməz qələbə qazanıb.




Bölməyə aid digər xəbərlər
27-02-2024, 10:15 Patruşev Kubaya gedib

{sape_links}{sape_article}