23:52 / 09-07-2025
10 israilli girov azad olunacaq
22:19 / 09-07-2025
Dağıstanda 270-dən çox adam sudan zəhərlənib
20:50 / 09-07-2025
Gələcəyin yol xəritəsi - Sadiq Qurbanov yazır
19:19 / 09-07-2025
Sabah bəzi bölgələrə dolu düşəcək - Xəbərdarlıq
18:52 / 09-07-2025
Etiraz aksiyalarına reaksiya sərt olub
18:48 / 09-07-2025
Pərviz Şahbazov: "OPEC-lə əməkdaşlığa dair müzakirələr apardıq"
18:39 / 09-07-2025
Putin Rusiyaya bir milyon hindistanlı gətirəcək
18:30 / 09-07-2025
İsrailə silah daşıyan gəminin qarşısı kəsiləcək
18:23 / 09-07-2025
Kreml Trampın Moskvanı bombalamaq hədəsinə münasibət bildirib
18:05 / 09-07-2025
Prezident İlham Əliyev BƏƏ-də: yeni saziş imzalanıb - (Yenilənib) - Fotolar
18:03 / 09-07-2025
Şikayətçi: “Gecə arvadımın meyitini mənə verdilər”
17:50 / 09-07-2025
Sabiq məhkəmə hakimi kassasiya şikayəti verib
17:42 / 09-07-2025
Daha 24 maşın hərraca çıxarılıb
17:36 / 09-07-2025
Daşınmaz abidələrin pasportlaşdırılması qaydaları təsdiqlənib
17:36 / 09-07-2025
Özünü təyyarənin mühərrikinə atan şəxs ölüb
17:29 / 09-07-2025
Ermənistanda Rusiya əleyhinə etiraz aksiyası keçirilib
17:23 / 09-07-2025
Qaradağda səkiyə çıxan maşın iki nəfəri vurub - Ölən var
17:21 / 09-07-2025
Kremlin planı Rusiyanı xilas edə bilməyəcək
17:18 / 09-07-2025
Səbayıl Bağırovla müqaviləyə xitam verilib
17:10 / 09-07-2025
Tələbələrin köçürülməsinə başlanılır
16:41 / 09-07-2025
Hindistanda körpü çöküb, maşınlar suya düşüb
16:06 / 09-07-2025
Sabiq rəis və sektor müdiri hakim qarşısına çıxarılıblar
15:49 / 09-07-2025
Professor: Azərbaycanla bağlı reallığı Rusiyada da yaxşı dərk edirlər
15:29 / 09-07-2025
Mərkəzi Bank: "Manatın ucuzlaşması uzunmüddətli deyil"
15:02 / 09-07-2025
“Gəncə” klubu argentinalı mütəxəssislə anlaşıb
14:27 / 09-07-2025
Azərbaycan-Ermənistan sərhədində təxribatlar ola bilər - Ekspert
13:59 / 09-07-2025
Rusiya 728 dronla hücuma keçib
13:54 / 09-07-2025
Azərbaycan vətəndaşı Gürcüstandan deportasiya edilib
12:16 / 08-07-2025
Azad edilmiş ərazilərə səfər üçün icazənin müddəti artırılıb
15:10 / 07-07-2025
Əl əli yudu, əl də qayıtdı... - Etibar Cəbrayıloğlu yazır
20:15 / 06-07-2025
Portuqaliyalı futbolçu “Şamaxı”da oynayacaq
09:26 / 05-07-2025
Aşura günü ilə bağlı qanvermə aksiyası başlayıb
13:32 / 06-07-2025
Ali məktəblərə qəbul imtahanı keçirilib - (Yenilənib)
10:35 / 05-07-2025
Türkiyəyə güclü qar yağıb
09:47 / 06-07-2025
Azərbaycan ilə Ermənistan arasında sülh sazişinə mane olan səbəblər açıqlanıb - Foto
11:01 / 07-07-2025
Paşinyanın əleyhdarları ona yumruq silkələyir
17:43 / 07-07-2025
Türkiyə hərbi büdcəni böyüdür
12:19 / 05-07-2025
“AzerGold”-un qiymətli metal satışından gəlirləri artıb
22:09 / 06-07-2025
XİN Xankəndi Kommunikesi barədə məlumat yayıb
18:33 / 07-07-2025
Bu il sülh sazişi imzalana bilər
Qayğanaq, sonra da çolpa çığırtması - Akif Cabbarlı yazır
Tarix: 02-07-2019 12:01 | Bölmə: Akif CABBARLI
Həyat etüdləri
Bu əhvalat sovet dönəmində dağətəyi kəndlərimizin birində baş verib. Həyat yoldaşı Bakıya, nəvələrinə baş çəkməyə getdiyindən bütün işlər Qafar kişinin özünün boynuna düşmüşdü. Mal-qaraya baxmaq, həyət-bacanı səliqəyə salmaq, özünə də qulluq eləmək təklikdə ləzzət eləməsə də, bir təhər yola verirdi. Üstəlik, təsərrüfat briqadirinin ara-sıra verdiyi tapşırıqları da şərəflə, əsl kommunist kimi yerinə yetirirdi.
Günlərin birində Qafar kişi işlərini başa çatdırıb iri bir tavada, özünün də dediyi kimi vicdanlı bir qayğanaq bişirdi. Çil toyuğun yumurtası, sarı inəyin yağı ola, indi gör qayğanaq necə olur da. Ürəyindən keçdi ki, çıxsın darvazanın ağzına, tay-tuşlarından hansı girinə keçsə, dəvət eləsin nahara. İllər boyu tək-tənha yeməyə o qədər də alışmamışdı. Çıxdı. Elə bu vaxt kənd sovetinin sabiq katibi Əmralı kişi yoldan keçirdi. O da elə bil himə bənd imiş, həyətə keçib tut ağacının kölgəsində buğlanan samovarın böyründəcə əyləşdi. Qayğanağı yedilər, üstündən də pürrəngi bir çay içdilər. Sağollaşanda darvazanın tuşunda kəndirlə bağlanıb qarşısına qarışıq yem qoyulmuş iri bir cöngə Əmralının sual obyekti oldu.
- Yaxşı heyvandır, quruya bağlamısan, hə?
- Hə, ay Əmralı kişi, gədənin əsgərlikdən gəlməyinə bir şey qalmayıb axı, ayağının altında kəsəcəyəm, İnşallah.
- İnşallah, kəsərsən – deyə Əmralı cöngəyə iştahla baxa-baxa həyətdən çıxdı və kolxoz idarəsi tərəfə addımladı.
İdarənin qənşərində xeyli adam yığışmışdı. Tanımadıqları da vardı. Rayon mərkəzindən gələn zəhmli bir kişi kolxoz sədrini sözün əsl mənasında divara dirəmişdi.
- Mən bilmirəm, katibə özün cavab verərsən. Ət planınız xeyli geri qalıb. Gör neynirsən.
Sədr də gözlərini döyür, cavab tapmırdı. Belə vaxtlarda camaat köməyinə çatır, həyətdə bəslədikləri mal-qaradan planı doldurmağa heyvan ayırırdılar. İndi də kiminsə qapısına getməyə üzü qalmamışdı.
Məsələdən agah olan Əmralı sədri kənara çəkib qulağına nə isə pıçıldadı. Sonra sədr və rayon mərkəzindən gələn qonaq, arxalarınca da Əmralı üz tutdular düz Qafar kişigilə. Sədr əlini Qafarın çiyninə şappıldadıb cöngəni ətliyə göndərməyi xahiş elədi. Amma bu xahişin mayasında bir təpinmək havası da vardı.
- Aparın, bir halda ki, gərəyinizdir, qurbandır sizə - dedi Qafar kişi. Sonra üzünü Əmralıya tutub asta-asta dilləndi:
- Hə, deməli belə, çuğul qardaşım. Sabah günortaya yaxşı bir çolpa çığırtması bişirəcəm. Gələrsən bizə, başının dəstəsi ilə...
***
Axırıncı xəbərdarlıq
Əslən Ağdamdan olan qələm dostlarımızdan birinin danışdığı maraqlı əhvalatı yazı mövzusu hesab elədim. Deməli, dostumun doğulub boya-başa çatdığı kənddə sovet dövrünün termini ilə desək, zəhmətkeş bir ailənin üç yeniyetmə oğlan uşağı el adəti üzrə qoyun-quzunu növbə ilə (çox yerdə bu qayda “nobat” adlanır) otlağa aparır, axşam da hər kəsinkini həyətlərinə ötürüb geri qayıdırmış.
Bu uşaqlardan biri qardaşlarından fərqli olaraq çox cığal imiş. Hər şeyi bəyənməz, bütün deyilənləri tərsinə yozarmış. Valideynləri də Vəlişin xasiyyətini yaxşı bildiklərindən üstünə çox getməzlərmiş. Qardaş da axşam-səhər dava salmağa, səs-küy qaldırmağa bir bəhanə gəzərmiş. Hər dəfə nobatdan qayıdanda süfrə başında mütləq mərəkə qopardarmış. Qarşısına qoyulan yemək dolu boşqabı kənara itələyib qışqırarmış:
- Bu nədir, hərəniz iki boşqab yemək yeyib, mənə cəmi bir qab saxlamısınız? Daha güdüyə-zada gedən deyiləm.
Növbəti dəfə ana ərköyün oğlunun qarşısına iki boşqab yemək qoyur. Bu dəfə də qaqaş möhkəm çığırır:
- Hə, özünüz üç boşqab yeyib, mənə cəmi iki tarelka verirsiniz? Olmaz belə, daha məndən gözünüzü yığın.
Dinmirlər, oğlanı bir təhər sakitləşdirirlər. Günlərin birində güdükdən qayıdan dostumuzun qənşərinə bir qazan qoyurlar ki, bax, hamısı buradadır. Ye, nə qədər istəyirsən, qalsa, biz də dadarıq.
Cığal qardaş bu dəfə də qazanı geri itələyib ucadan qışqırır:
- Hə, deməli, iki qazanı özünüz boşaltmısınız, mənə birini saxlamısınız? Olmaz, axırıncı dəfə deyirəm, bir də belə eləsəniz, nobata-zada gedən deyiləm, dədə canı.
Bölməyə aid digər xəbərlər
Tarix: 02-07-2019 12:01 | Bölmə: Akif CABBARLI
Həyat etüdləri
Bu əhvalat sovet dönəmində dağətəyi kəndlərimizin birində baş verib. Həyat yoldaşı Bakıya, nəvələrinə baş çəkməyə getdiyindən bütün işlər Qafar kişinin özünün boynuna düşmüşdü. Mal-qaraya baxmaq, həyət-bacanı səliqəyə salmaq, özünə də qulluq eləmək təklikdə ləzzət eləməsə də, bir təhər yola verirdi. Üstəlik, təsərrüfat briqadirinin ara-sıra verdiyi tapşırıqları da şərəflə, əsl kommunist kimi yerinə yetirirdi.
Günlərin birində Qafar kişi işlərini başa çatdırıb iri bir tavada, özünün də dediyi kimi vicdanlı bir qayğanaq bişirdi. Çil toyuğun yumurtası, sarı inəyin yağı ola, indi gör qayğanaq necə olur da. Ürəyindən keçdi ki, çıxsın darvazanın ağzına, tay-tuşlarından hansı girinə keçsə, dəvət eləsin nahara. İllər boyu tək-tənha yeməyə o qədər də alışmamışdı. Çıxdı. Elə bu vaxt kənd sovetinin sabiq katibi Əmralı kişi yoldan keçirdi. O da elə bil himə bənd imiş, həyətə keçib tut ağacının kölgəsində buğlanan samovarın böyründəcə əyləşdi. Qayğanağı yedilər, üstündən də pürrəngi bir çay içdilər. Sağollaşanda darvazanın tuşunda kəndirlə bağlanıb qarşısına qarışıq yem qoyulmuş iri bir cöngə Əmralının sual obyekti oldu.
- Yaxşı heyvandır, quruya bağlamısan, hə?
- Hə, ay Əmralı kişi, gədənin əsgərlikdən gəlməyinə bir şey qalmayıb axı, ayağının altında kəsəcəyəm, İnşallah.
- İnşallah, kəsərsən – deyə Əmralı cöngəyə iştahla baxa-baxa həyətdən çıxdı və kolxoz idarəsi tərəfə addımladı.
İdarənin qənşərində xeyli adam yığışmışdı. Tanımadıqları da vardı. Rayon mərkəzindən gələn zəhmli bir kişi kolxoz sədrini sözün əsl mənasında divara dirəmişdi.
- Mən bilmirəm, katibə özün cavab verərsən. Ət planınız xeyli geri qalıb. Gör neynirsən.
Sədr də gözlərini döyür, cavab tapmırdı. Belə vaxtlarda camaat köməyinə çatır, həyətdə bəslədikləri mal-qaradan planı doldurmağa heyvan ayırırdılar. İndi də kiminsə qapısına getməyə üzü qalmamışdı.
Məsələdən agah olan Əmralı sədri kənara çəkib qulağına nə isə pıçıldadı. Sonra sədr və rayon mərkəzindən gələn qonaq, arxalarınca da Əmralı üz tutdular düz Qafar kişigilə. Sədr əlini Qafarın çiyninə şappıldadıb cöngəni ətliyə göndərməyi xahiş elədi. Amma bu xahişin mayasında bir təpinmək havası da vardı.
- Aparın, bir halda ki, gərəyinizdir, qurbandır sizə - dedi Qafar kişi. Sonra üzünü Əmralıya tutub asta-asta dilləndi:
- Hə, deməli belə, çuğul qardaşım. Sabah günortaya yaxşı bir çolpa çığırtması bişirəcəm. Gələrsən bizə, başının dəstəsi ilə...
***
Axırıncı xəbərdarlıq
Əslən Ağdamdan olan qələm dostlarımızdan birinin danışdığı maraqlı əhvalatı yazı mövzusu hesab elədim. Deməli, dostumun doğulub boya-başa çatdığı kənddə sovet dövrünün termini ilə desək, zəhmətkeş bir ailənin üç yeniyetmə oğlan uşağı el adəti üzrə qoyun-quzunu növbə ilə (çox yerdə bu qayda “nobat” adlanır) otlağa aparır, axşam da hər kəsinkini həyətlərinə ötürüb geri qayıdırmış.
Bu uşaqlardan biri qardaşlarından fərqli olaraq çox cığal imiş. Hər şeyi bəyənməz, bütün deyilənləri tərsinə yozarmış. Valideynləri də Vəlişin xasiyyətini yaxşı bildiklərindən üstünə çox getməzlərmiş. Qardaş da axşam-səhər dava salmağa, səs-küy qaldırmağa bir bəhanə gəzərmiş. Hər dəfə nobatdan qayıdanda süfrə başında mütləq mərəkə qopardarmış. Qarşısına qoyulan yemək dolu boşqabı kənara itələyib qışqırarmış:
- Bu nədir, hərəniz iki boşqab yemək yeyib, mənə cəmi bir qab saxlamısınız? Daha güdüyə-zada gedən deyiləm.
Növbəti dəfə ana ərköyün oğlunun qarşısına iki boşqab yemək qoyur. Bu dəfə də qaqaş möhkəm çığırır:
- Hə, özünüz üç boşqab yeyib, mənə cəmi iki tarelka verirsiniz? Olmaz belə, daha məndən gözünüzü yığın.
Dinmirlər, oğlanı bir təhər sakitləşdirirlər. Günlərin birində güdükdən qayıdan dostumuzun qənşərinə bir qazan qoyurlar ki, bax, hamısı buradadır. Ye, nə qədər istəyirsən, qalsa, biz də dadarıq.
Cığal qardaş bu dəfə də qazanı geri itələyib ucadan qışqırır:
- Hə, deməli, iki qazanı özünüz boşaltmısınız, mənə birini saxlamısınız? Olmaz, axırıncı dəfə deyirəm, bir də belə eləsəniz, nobata-zada gedən deyiləm, dədə canı.
Müəllifin bütün yazıları - Akif CABBARLI
Bölməyə aid digər xəbərlər
9-09-2024, 12:18
Akif CABBARLI - Kəlbəcərə gedə bilmədi, doğmalarının qəlbində yuva qurdu - Akif Cabbarlı yazır
14-07-2022, 10:47
Akif CABBARLI - Səfərin uğurlu olsun, yollarına günəş doğsun - Akif Cabbarlı yazır
26-11-2021, 11:35
Akif CABBARLI - Vicdan borcu - Kənan Hacı yeni romanında məhz bu prinsipi önə çəkir
15-07-2020, 13:02
Akif CABBARLI - Şəhid general-mayor Polad Həşimova açıq məktub - Akif Cabbarlı yazır
Qüdrət Həsənquliyevin fikrincə, Tramp görsə ki, Ukrayna qalib gəlir, Rusiyaya təkcə siyasi yox, hərbi dəstək də verəcək
"Xalq qəzeti"nin şöbə müdiri deyir ki, ömrü boyu özünü axtaran, dəfələrlə yanından ötüb keçən o qədər insan var ki
Nadir Azməmmədov: “Təəssüf ki, indi rejissor olmaq, kino və serial çəkmək adiləşib, bəzən bunun məsuliyyətini dərk etmirlər”
Türkiyədə yaşayan Əməkdar artist deyir ki, siyasilərin illərlə həllinə çalışdığı hansısa bir məsələni bəzən uğurlu bir musiqi əsəri həll edə bilər
Qüdrət Həsənquliyev: “Düşmənçiliyə son qoymaq üçün ədalətli sülhə nail olmaq gərəkdir. Bunun üçün ya tərəflər 1991-ci ilin sərhədləri çərçivəsində bir-birinin ərazi bütövlüyünü tanıyır, ya da ərazi mübadiləsinə gedirlər. Amma indiki mərhələdə bu, az inandırıcı görünür”
