Ermənistandakı hərbi bazada Rusiya hərbçisinin cəsədi tapılıb
Tarix: 26-11-2020 21:56 | Bölmə: Dünya
Ermənistandakı hərbi bazada Rusiya hərbçisinin cəsədi tapılıb

Ermənistanın Gümrü şəhərində Rusiyanın 102-ci hərbi bazasının hərbi qulluqçusu ölü tapılıb.

Bu barədə “Sputnik Ermənistan”a Cənub Hərbi Dairəsinin mətbuat xidmətindən bildirilib. Ermənistan İstintaq Komitəsinin Şirak Regional İstintaq İdarəsi hazırda hərbçinin ölümü ilə bağlı materialları toplayır.

Bildirilir ki, 36 yaşlı rus əsgərinin həyat əlamətləri olmayan cəsədi onun hərbçi yoldaşları tərəfindən aşkar edilib.

“Rusiya hərbi bazasının Ermənistandakı Cənub Hərbi Dairəsi üzrə komandanlığının komissiyası hüquq-mühafizə orqanları ilə birlikdə müqavilə əsasında hərbçinin ölümü ilə bağlı araşdırma aparır. Hərbçinin cəsədində zorakılıq əlamətlərinə rast gəlinməyib”, - məlumatda belə deyilir.

Hadisənin bütün təfərrüatları araşdırılır/APA.




Bölməyə aid digər xəbərlər
bütün xəbərlər
{sape_links}{sape_article}