11:09 / 02-04-2025
TKTA: "Xaricdə təhsil şirkətlərinin fəaliyyətinə nəzarət səlahiyyətlərimiz xaricindədir"
11:01 / 02-04-2025
Ruslar genişmiqyaslı hücuma hazırlaşır
10:57 / 02-04-2025
Azərbaycanın dövlət qurumlarına kiberhücumlar artıb
10:39 / 02-04-2025
Almaniya prezidenti Şəhidlər xiyabanını ziyarət edib - Fotolar
10:32 / 02-04-2025
"Kanal S"in aparıcısı atasız qızlardan üzr istəyib
10:20 / 02-04-2025
Mətbuat Şurası “Kanal S”də baş verənləri pisləyib
10:04 / 02-04-2025
Azərbaycan və Almaniya prezidentləri görüşüb - (Yenilənib)
09:58 / 02-04-2025
Neftçalada Salyan rayon sakini tutulub
09:52 / 02-04-2025
Putinin hərəkəti Trampı məyus edib
09:45 / 02-04-2025
Dövlət Agentliyində yoxlama davam edir
09:01 / 02-04-2025
Cinsi zorakılıqda ittiham olunan məşhur aktyor yenə Rusiyaya üz tutub
08:53 / 02-04-2025
Pozner yeni telelayihəsindən danışıb
08:47 / 02-04-2025
Malayziyada güclü partlayış baş verib
08:41 / 02-04-2025
MAQATE rəhbərinin Rusiyaya səfəri gözlənilir
08:35 / 02-04-2025
Nazirlər münaqişənin əsas səbəblərdən danışıblar
08:30 / 02-04-2025
Kanada ABŞ mallarına yeni tariflər tətbiq edəcək
07:30 / 02-04-2025
Qarabağa növbəti köç karvanı gedib
00:08 / 02-04-2025
Aprel döyüşlərindən 9 il ötür
00:03 / 02-04-2025
İran böyük təhlükə ilə üz-üzədir - Ekspert
23:25 / 01-04-2025
Sumqayıtda sexdə yanğın olub
21:30 / 01-04-2025
Almaniya prezidenti Azərbaycana rəsmi səfərə gəlib - Foto
20:21 / 01-04-2025
Pakistan prezidentinin vəziyyəti pisləşib
19:33 / 01-04-2025
Zərərçəkmiş şəxslər Vardanyanın məhkəməsində ifadə veriblər
19:29 / 01-04-2025
"Sözün bitdiyi an" verilişinin yayımı dayandırılıb
18:52 / 01-04-2025
Ceyhun Bayramov İran prezidentinin müşaviri ilə görüşüb
18:44 / 01-04-2025
Paşinyan: "Ermənistan sülh gündəliyinə sadiqdir"
18:21 / 01-04-2025
Casus trillerin dünya nümayişi başlayıb - Foto
18:01 / 01-04-2025
"Top Qapı" restoranının sahibi cəzalandırılıb
23:29 / 28-03-2025
Azərbaycan solçuları Türkiyə kommunistlərindən narazıdır
23:32 / 28-03-2025
Tramp: “Əgər Tehran bizimlə razılığa gəlməsə..."
21:35 / 28-03-2025
"Qarabağ" "Turan Tovuz"a qalib gəlib
20:19 / 29-03-2025
İlham Əliyev Ramazan paylaşımı edib
13:54 / 29-03-2025
Şirkət rəhbəri barəsində həbs qərarı verilib
00:03 / 30-03-2025
Bu gün Ramazan bayramıdır
13:54 / 01-04-2025
Professorun arzuları - Etibar Cəbrayıloğlu yazır
18:37 / 28-03-2025
Dünyada yeganə kristala qiymət qoya bilmirlər
16:59 / 28-03-2025
Gimnastlarımız finala vəsiqə qazanıb
18:21 / 28-03-2025
Ali Rada ABŞ-dan Ukraynaya təklif olunan sazişi rədd edə bilər
16:25 / 29-03-2025
Bakıda "Kolonializm: Dini-Milli Kimliyin Silinməsi" adlı beynəlxalq konfrans keçirilib - Yenilənib
23:39 / 30-03-2025
"Zirə" "Şamaxı"ya qalib gəlib
Boğazlara qurğuşun tökənlər…
Tarix: 01-10-2019 15:46 | Bölmə: Nadir QOCABƏYLİ
Mənim xatırladığım qədəriylə NTK (Nəzarət-Təftiş Komissiyası) üzvləri AXC-də ən düz adamlar idi. Yadımdadır, AXC MNTK-nın o vaxtlar mənə yaşlı görünən bir sədri vardı. Adını təəssüf ki, unutmuşam. AXC hakimiyyəti dövründə Heydər Əliyev adına respublika sarayında keçirilən qurultayda çıxış edərək o qədər nizamnamə, reqlament qüsurları sadaladı ki, axırda sədrlik edən Əbülfəz Elçibəy dözməyib, başladı zarafat eləməyə...
AXC Universitet şöbəsində olanlar Bəhruz Kərimovu xatırlamamış olmazlar. O, hüquq fakültəsində oxuyurdu və şöbə NTK-sının sədri idi. Son dərəcə dürüst, fanatikcəsinə qanunpərəst olan Bəhruz, demək olar ki, hər şeydə qüsur tapır və bununla şöbə rəhbərliyini "cin atına mindirirdi".
O məclis olmazdı ki, Bəhruzla məclis sədri Qulamhüseyn Əliyev arasında mübahisə, hətta dava-dalaş olmasın. Qulamhüseyn müəllim şöbədə tutduğu yüksək vəzifə ilə yanaşı, həm də müəllimlik statusundan, yaşca böyük olmasından istifadə edərək, nə qədər onun ağzını yummağa çalışsa da, Bəhruz əsəbindən rəngi qaralaraq, səbrlə, ədəb-ərkanla, özündən çıxmadan və savadlı şəkildə mövqeyindən geri çəkilmirdi.
Bir dəfə Qulamhüseyn Əliyev məclisin iclasına başlamaq istəyəndə Bəhruz Kərimov yetərsay olmadığını əsas gətirərək, bunun düzgün olmadığını bildirdi. Onu da deyim ki, əsasən intizamsız adamlardan ibarət AXC-də bu adi məsələydi. Yəni nizamnamə, reqlament, kvorum kimi məsələlərə, demək olar ki, əməl olunmur, əksəriyyət də buna göz yumur, ciddi yanaşmırdı.
Burada qısa bir haşiyə çıxaraq onu da deyim ki, AXC Universitet şöbəsinin aparıcı dayaq dəstəsi hüquq fakültəsi, AXC şöbəsinin sədri, “şəriksiz” lideri də Əli Kərimli idi. Doğrudur, orada bununla razılaşmayanların varlığı da hiss olunurdu, ancaq bu proses gizli gedirdi və mənim kimi sadəlövh cəbhəçilər çox şeyi başa düşmürdük. Biz rəhbərlərimizin hamısını çox sevirdik - Əli Kərimovu da, Tamerlan Qarayevi də, Fazil Mustafayevi də, Qulamhüseyn Əliyevi də, digərlələrini də və heç ağlımıza gətirməzdik ki, hansısa qruplaşmalar, gizli oyunlar, sazişlər, sövdələşmələr var.
Burada da bir haşiyə çıxmaq zorundayam, bunu da yazım, Bəhruz və NTK məsələsinə qayıdacağam...
Saatlının Azadkənd kəndində Əli Kərimlinin toyu idi və biz də təbii ki, çox sevdiyimiz sədrimizin nikah mərasiminə toplaşmışdıq. Bakıya yola düşməzdən qabaq həyətdə qurulmuş ikinci, musiqiçilərin olmadığı bir çadırın altında oturub çay içirdik. Xaliq Bahadır danışır, hamı qulaq asırdı. O, Tamerlan Qarayev haqqında elə dəhşətli, nifrətli sözlər söylədi ki, mənim əsəblərim dözmədi və qəfil irad tutub dedim ki, sizin danışdıqlarınız həqiqətə oxşamır və aramıza nifaq salır. Siz təşkilatı parçalayırsınız. AXC-nin ağır toplarından sayılan, mənim kimilərin kandarına belə ayaq basa bilmədiyi “Azadlıq” qəzetində hər gün palaz-palaz yazılar yazan Xaliq Bahadır tanınmayan gənc bir insandan bu sözləri gözləmirdi. Onu elə bil ilan çaldı və heç bir söz tapa bilməyib ikrahla dedi: “Sən Tamerlanın vəkilisən?!”
Mən, əlbəttə, Tamerlanın heç nəyi deyildim – nə vəziri, nə vəkili, nə tələbəsi, nə qohumu, nə də yerlisi. Sadəcə, onu rəhbərlərdən biri hesab edirdim (o vaxt səhv etmirəmsə, universitet ali məclisinin sədri idi, parlamentdə sədr müavini olduqdan sonra istefa verdi) və Əli Kərimli qədər olmasa da, ona da rəğbətim vardı.
Çox sonralar başa düşəcəkdim ki, bunlar - xaliqbahadırlar, qulamhüseynlər, qənimətlər və bir çox digərləri Əli Kərimovun yolunu təmizləmək üçün altdan-altdan iş aparır, bütün maneələri aradan götürməyə çalışırmışlar. Elə bu söhbətdən az sonra Muğan gecəsinin cücülü-mığmığalı qaranlığında Bakıya gedən avtobusun böyründə dayanan bir qrupun həvəslə dinlədiyi və o zaman “Azadlığın” digər bir məşhuri-cahan yazarı olan İsrail Musayev (onun adı və soyadı necə də maraqlı bir duetdir) müdrik görkəm alaraq vüqarla dedi: “Əli Kərimov Azərbaycanın gələcək prezidentidir!” O vaxt Əli Kərimli hələ tələbə idi, ya da yenicə məzun olmuşdu və cəmi 25-26 yaşı vardı.
Bunlar hamısı, əlbəttə, gənclərə, əhalinin digər təbəqəsinə hesablanmış təbliğat idi, ancaq o zaman biz bunu o qədər də anlamırdıq. Bizim üçün sadəcə ideallar vardı – müstəqil, azad, demokratik, xoşbəxt, hüquqi Azərbaycan! Bir də bizə doğru yol göstərən, bir yerdə görmək istədiyimiz liderlərimiz...
...Nə isə, qayıdıram NTK və Bəhruz Kərimovun məclisin sessiyasına başlamaq üçün yetərli sayda məclis üzvü olmadığını xatırlatmasına. Neçə vaxtdır Bəhruzun bu qanunpərəstliyindən boğaza yığılmış Qulamhüseyn müəllim möhkəm əsəbləşdi və qəfil dedi: “Mən təklif edirəm, Bəhruz Kərimovun AXC üzvülüyündən çıxarılması məsələsi gündəliyə daxil edilsin”. Bunu eşidən Bəhruz ayağa qalxıb, zənlə ona və iştirakçılara baxdı, sonra heç nə demədən otağı tərk etdi. Ondan sonra onu iclaslarda görmədim. Deyəsən, doğrudan da AXC-dən çıxmışdı.
Onu da bildirim ki, “Qulamhüseyn müəllim” kimi tanıdığımız məclis sədri də AXC BDU şöbəsində Əli Kərimovun rəhbərliyi altında hegemonluq edən (bu bəzən məndə təbii qısqanclıq doğururdu və bir dəfə iclası aparan Əli Kərimova hüquq fakültəsinə üstünlük verdiyini irad tutdum və o, adəti üzrə gülümsəyib, nəzərə alacağını bildirdi) qruplaşmanın fəal üzvlərindən və funksionerlərindən idi. Sonradan onun da bir çoxları kimi Əli Kərimli ilə yolu ayrılacaq və bu şəxsən məni bərk təəccübləndirəcəkdi.
İndi Aydın Əliyevin çıxışını dinləyərək düşünürəm. Axı onun söylədiklərində təəccüblənəcək nə var? Bu məsələləri siyasətlə az-çox maraqlanan hamı bilir. AXCP-nin MNTK sədri Aydın bəy hələ xeyli gecikib. Görünür, ona vurulan doza yaman güclü olub və illüziyalardan çox gec ayılıb.
Mən Aydın Əliyevi şəxsən tanımıram, ancaq onu bilirəm ki, AXC-də tarixən ən dürüst və düzgün, qanuna, nizamnaməyə hörmət edən adamlar məhz nəzarət-təftiş komissiya təmsilçiləri olub. Odur ki, gec də olsa, Aydın Əliyev ictimaiyyətə düzgün olaraq müraciət edib və düzgün məlumatlar çatdırıb.
İnanıram ki, Aydın Əliyev bu tənqidi fikirləri AXCP daxilində də dəfələrlə, vaxtaşırı bəyan edib, lakin səsini eşidən olmayıb. Ona görə də, dözməyib və nəhayət, geniş ictimaiyyətə, xalqa səslənməyə məcbur olub.
Nadir QOCABƏYLİ
Bölməyə aid digər xəbərlər
Tarix: 01-10-2019 15:46 | Bölmə: Nadir QOCABƏYLİ
Mənim xatırladığım qədəriylə NTK (Nəzarət-Təftiş Komissiyası) üzvləri AXC-də ən düz adamlar idi. Yadımdadır, AXC MNTK-nın o vaxtlar mənə yaşlı görünən bir sədri vardı. Adını təəssüf ki, unutmuşam. AXC hakimiyyəti dövründə Heydər Əliyev adına respublika sarayında keçirilən qurultayda çıxış edərək o qədər nizamnamə, reqlament qüsurları sadaladı ki, axırda sədrlik edən Əbülfəz Elçibəy dözməyib, başladı zarafat eləməyə...
AXC Universitet şöbəsində olanlar Bəhruz Kərimovu xatırlamamış olmazlar. O, hüquq fakültəsində oxuyurdu və şöbə NTK-sının sədri idi. Son dərəcə dürüst, fanatikcəsinə qanunpərəst olan Bəhruz, demək olar ki, hər şeydə qüsur tapır və bununla şöbə rəhbərliyini "cin atına mindirirdi".
O məclis olmazdı ki, Bəhruzla məclis sədri Qulamhüseyn Əliyev arasında mübahisə, hətta dava-dalaş olmasın. Qulamhüseyn müəllim şöbədə tutduğu yüksək vəzifə ilə yanaşı, həm də müəllimlik statusundan, yaşca böyük olmasından istifadə edərək, nə qədər onun ağzını yummağa çalışsa da, Bəhruz əsəbindən rəngi qaralaraq, səbrlə, ədəb-ərkanla, özündən çıxmadan və savadlı şəkildə mövqeyindən geri çəkilmirdi.
Bir dəfə Qulamhüseyn Əliyev məclisin iclasına başlamaq istəyəndə Bəhruz Kərimov yetərsay olmadığını əsas gətirərək, bunun düzgün olmadığını bildirdi. Onu da deyim ki, əsasən intizamsız adamlardan ibarət AXC-də bu adi məsələydi. Yəni nizamnamə, reqlament, kvorum kimi məsələlərə, demək olar ki, əməl olunmur, əksəriyyət də buna göz yumur, ciddi yanaşmırdı.
Burada qısa bir haşiyə çıxaraq onu da deyim ki, AXC Universitet şöbəsinin aparıcı dayaq dəstəsi hüquq fakültəsi, AXC şöbəsinin sədri, “şəriksiz” lideri də Əli Kərimli idi. Doğrudur, orada bununla razılaşmayanların varlığı da hiss olunurdu, ancaq bu proses gizli gedirdi və mənim kimi sadəlövh cəbhəçilər çox şeyi başa düşmürdük. Biz rəhbərlərimizin hamısını çox sevirdik - Əli Kərimovu da, Tamerlan Qarayevi də, Fazil Mustafayevi də, Qulamhüseyn Əliyevi də, digərlələrini də və heç ağlımıza gətirməzdik ki, hansısa qruplaşmalar, gizli oyunlar, sazişlər, sövdələşmələr var.
Burada da bir haşiyə çıxmaq zorundayam, bunu da yazım, Bəhruz və NTK məsələsinə qayıdacağam...
Saatlının Azadkənd kəndində Əli Kərimlinin toyu idi və biz də təbii ki, çox sevdiyimiz sədrimizin nikah mərasiminə toplaşmışdıq. Bakıya yola düşməzdən qabaq həyətdə qurulmuş ikinci, musiqiçilərin olmadığı bir çadırın altında oturub çay içirdik. Xaliq Bahadır danışır, hamı qulaq asırdı. O, Tamerlan Qarayev haqqında elə dəhşətli, nifrətli sözlər söylədi ki, mənim əsəblərim dözmədi və qəfil irad tutub dedim ki, sizin danışdıqlarınız həqiqətə oxşamır və aramıza nifaq salır. Siz təşkilatı parçalayırsınız. AXC-nin ağır toplarından sayılan, mənim kimilərin kandarına belə ayaq basa bilmədiyi “Azadlıq” qəzetində hər gün palaz-palaz yazılar yazan Xaliq Bahadır tanınmayan gənc bir insandan bu sözləri gözləmirdi. Onu elə bil ilan çaldı və heç bir söz tapa bilməyib ikrahla dedi: “Sən Tamerlanın vəkilisən?!”
Mən, əlbəttə, Tamerlanın heç nəyi deyildim – nə vəziri, nə vəkili, nə tələbəsi, nə qohumu, nə də yerlisi. Sadəcə, onu rəhbərlərdən biri hesab edirdim (o vaxt səhv etmirəmsə, universitet ali məclisinin sədri idi, parlamentdə sədr müavini olduqdan sonra istefa verdi) və Əli Kərimli qədər olmasa da, ona da rəğbətim vardı.
Çox sonralar başa düşəcəkdim ki, bunlar - xaliqbahadırlar, qulamhüseynlər, qənimətlər və bir çox digərləri Əli Kərimovun yolunu təmizləmək üçün altdan-altdan iş aparır, bütün maneələri aradan götürməyə çalışırmışlar. Elə bu söhbətdən az sonra Muğan gecəsinin cücülü-mığmığalı qaranlığında Bakıya gedən avtobusun böyründə dayanan bir qrupun həvəslə dinlədiyi və o zaman “Azadlığın” digər bir məşhuri-cahan yazarı olan İsrail Musayev (onun adı və soyadı necə də maraqlı bir duetdir) müdrik görkəm alaraq vüqarla dedi: “Əli Kərimov Azərbaycanın gələcək prezidentidir!” O vaxt Əli Kərimli hələ tələbə idi, ya da yenicə məzun olmuşdu və cəmi 25-26 yaşı vardı.
Bunlar hamısı, əlbəttə, gənclərə, əhalinin digər təbəqəsinə hesablanmış təbliğat idi, ancaq o zaman biz bunu o qədər də anlamırdıq. Bizim üçün sadəcə ideallar vardı – müstəqil, azad, demokratik, xoşbəxt, hüquqi Azərbaycan! Bir də bizə doğru yol göstərən, bir yerdə görmək istədiyimiz liderlərimiz...
...Nə isə, qayıdıram NTK və Bəhruz Kərimovun məclisin sessiyasına başlamaq üçün yetərli sayda məclis üzvü olmadığını xatırlatmasına. Neçə vaxtdır Bəhruzun bu qanunpərəstliyindən boğaza yığılmış Qulamhüseyn müəllim möhkəm əsəbləşdi və qəfil dedi: “Mən təklif edirəm, Bəhruz Kərimovun AXC üzvülüyündən çıxarılması məsələsi gündəliyə daxil edilsin”. Bunu eşidən Bəhruz ayağa qalxıb, zənlə ona və iştirakçılara baxdı, sonra heç nə demədən otağı tərk etdi. Ondan sonra onu iclaslarda görmədim. Deyəsən, doğrudan da AXC-dən çıxmışdı.
Onu da bildirim ki, “Qulamhüseyn müəllim” kimi tanıdığımız məclis sədri də AXC BDU şöbəsində Əli Kərimovun rəhbərliyi altında hegemonluq edən (bu bəzən məndə təbii qısqanclıq doğururdu və bir dəfə iclası aparan Əli Kərimova hüquq fakültəsinə üstünlük verdiyini irad tutdum və o, adəti üzrə gülümsəyib, nəzərə alacağını bildirdi) qruplaşmanın fəal üzvlərindən və funksionerlərindən idi. Sonradan onun da bir çoxları kimi Əli Kərimli ilə yolu ayrılacaq və bu şəxsən məni bərk təəccübləndirəcəkdi.
İndi Aydın Əliyevin çıxışını dinləyərək düşünürəm. Axı onun söylədiklərində təəccüblənəcək nə var? Bu məsələləri siyasətlə az-çox maraqlanan hamı bilir. AXCP-nin MNTK sədri Aydın bəy hələ xeyli gecikib. Görünür, ona vurulan doza yaman güclü olub və illüziyalardan çox gec ayılıb.
Mən Aydın Əliyevi şəxsən tanımıram, ancaq onu bilirəm ki, AXC-də tarixən ən dürüst və düzgün, qanuna, nizamnaməyə hörmət edən adamlar məhz nəzarət-təftiş komissiya təmsilçiləri olub. Odur ki, gec də olsa, Aydın Əliyev ictimaiyyətə düzgün olaraq müraciət edib və düzgün məlumatlar çatdırıb.
İnanıram ki, Aydın Əliyev bu tənqidi fikirləri AXCP daxilində də dəfələrlə, vaxtaşırı bəyan edib, lakin səsini eşidən olmayıb. Ona görə də, dözməyib və nəhayət, geniş ictimaiyyətə, xalqa səslənməyə məcbur olub.
Nadir QOCABƏYLİ
Müəllifin bütün yazıları - Nadir QOCABƏYLİ
Bölməyə aid digər xəbərlər
28-02-2021, 14:55
Xalq adamı ilə xalqın arasına girənlər…
16-01-2021, 23:01
Solovyovdan üzr istəyirəm - Nadir Qocabəyli yazır
3-11-2019, 12:44
Nadir QOCABƏYLİ - Yel qayadan nə aparar, yaxud Prezidentin köməkçisindən nə istəyirlər?
Qüdrət Həsənquliyevin fikrincə, Tramp görsə ki, Ukrayna qalib gəlir, Rusiyaya təkcə siyasi yox, hərbi dəstək də verəcək
"Xalq qəzeti"nin şöbə müdiri deyir ki, ömrü boyu özünü axtaran, dəfələrlə yanından ötüb keçən o qədər insan var ki
Nadir Azməmmədov: “Təəssüf ki, indi rejissor olmaq, kino və serial çəkmək adiləşib, bəzən bunun məsuliyyətini dərk etmirlər”
Türkiyədə yaşayan Əməkdar artist deyir ki, siyasilərin illərlə həllinə çalışdığı hansısa bir məsələni bəzən uğurlu bir musiqi əsəri həll edə bilər
Qüdrət Həsənquliyev: “Düşmənçiliyə son qoymaq üçün ədalətli sülhə nail olmaq gərəkdir. Bunun üçün ya tərəflər 1991-ci ilin sərhədləri çərçivəsində bir-birinin ərazi bütövlüyünü tanıyır, ya da ərazi mübadiləsinə gedirlər. Amma indiki mərhələdə bu, az inandırıcı görünür”
