23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Putini Çinə nə üçün dəvət ediblər?
Tarix: 22-03-2023 14:29 | Bölmə: Dünya / Xəbərlər
Putini Çinə nə üçün dəvət ediblər?

"Çin liderinin Rusiya paytaxtında olduğu ikinci gündə gözlənilməz hadisə baş verib. Yaponiyanın baş naziri Fumio Kişida tələsik Ukraynaya gəlib. Onun Ukraynaya planlaşdırılmamış səfəri birbaşa Si Cinpinin Moskvaya səfəri ilə bağlıdır. Beləliklə, Asiya ölkələrinin liderləri kiminlə əməkdaşlıq etmək niyyətində olduqlarını göstərirlər".

Bunu Reyting.az-a Azərbaycan Kommunist Partiyasının rəhbəri Ədalət Abdinov deyib.

Onun sözlərinə görə, Tokionun Vaşinqtonun göstərişi ilə Qərb düşərgəsində olması heç kimə sirr deyil, ona görə də Kişidanın Kiyevə tələsik səfərini başa düşmək olar.

Ə. Abdinov əlavə edib ki, S. Cinpin Rusiya prezidenti V. Putini “Bir kəmər, bir yol” forumunda iştirak etmək üçün Çinə gəlməyə dəvət edib: “Ümumiyyətlə, bu təəccüblü deyil, çünki Putin bu formatın əvvəlki iki forumunda iştirak edib. Bununla belə, hələ də bəzi qəribəliklər var. Məsələ burasındadır ki, Putinlə Çin lideri martın 20 və 21-də görüşüblər. Lakin birinci gün Cinpin Çinə gəlmək dəvəti ilə bağlı heç nə deməyib və bunu yalnız ikinci görüşdə qeyd edib. Bu, çox güman ki, Kişidanın Ukraynaya səfəri ilə bağlı olub.

O da maraqlıdır ki, Çin tərəfi Tokionu təxribat xarakterli addımına görə tənqid edib. Çin Xarici İşlər Nazirliyi qeyd edib ki, Yaponiya gərgin vəziyyəti daha da qızışdırmamalı, onu aradan qaldırmağa çalışmalıdır”.

Ə. Abdinov qeyd edib ki, Moskvada S. Cinpin avtomobilinə minərkən nadir hallarda protokol qaydalarını pozan V. Putin xudafizləşmək üçün ona əl yelləyib. Bu jest yüksək səviyyəli görüşlərdə ciddi diplomatik protokol qaydalarından kənara çıxmaqdır.

E. KAMAL
Reyting.az




Bölməyə aid digər xəbərlər
15-03-2024, 01:00 Hakan Fidan Bakıya gəlib
14-03-2024, 21:31 Anar - Fəxri Uğurlu yazır

{sape_links}{sape_article}