00:44 / 01-06-2020
1 iyun uşaqların günüdür
Sülhəddin Əkbər: “Biz məsələlərə seçici prizmasından yanaşırıq” - Müsahibə
Tarix: 21-04-2020 14:37 | Bölmə: Müsahibə
Sülhəddin Əkbər: “Biz məsələlərə seçici prizmasından yanaşırıq”

Yeni qeydiyyatdan keçən partiyanın sədri deyir ki, cəmiyyətdə siyasi fikri və ictimai rəyi formalaşdıranlarla işləməyə üstünlük verəcəklər

Bir neçə gün əvvəl dövlət qeydiyyatına alınan Azad Demokratlar Partiyasının sədri Sülhəddin Əkbər Reyting.az-ın suallarını cavablandırıb.

S. Əkbər sədrlik etdiyi partiyanın hansı mövqedən çıxış edəcəyini və yaxın dövr üçün hədəflərini açıqlayıb:

- Partiya sağ mərkəzçi müxalifət təşkilatıdır. Biz liberal demokratik görüşə sahib siyasi təşkilatıq. Əsas hədəf kütləsi orta təbəqədir. Yəni cəmiyyətin orta dirəyi olan, sosial mobilliyi təşkil edən, normal cəmiyyətlərdə əhalinin 60 faizini təşkil edən orta təbəqə. Çalışacağıq ki, bu təbəqə ilə işləyək, onların maraqlarını ifadə edək.

Məqsədlərimizə gəldikdə, bu, Azərbaycanda liberal dəyərlərə, insan hüquq və azadlıqlarına, azad rəqabətə dayanan bazar iqtisadiyyatına, sosial ədalətə dayanan hüquqi sosial dövlətdir. Beynəlxalq münasibətlər sistemində layiqli yer tutmaqdır. Başqa sözlə, biz müasir, milli Azərbaycan dövlətini qurmaq üçün mübarizə aparacağıq. Bizim üçün ilk növbədə dövlətin müstəqilliyi, azad, demokratik və hüquqi dövlət olması vacibdir. Bunun üçün mübarizə aparacağıq.

- Buna necə nail olmağı düşünürsünüz?

- Əlbəttə, söhbət sadəcə, bu hədəflərimizi elan etməkdən getmir. Bu hədəflərə çatmaq üçün imkan və gücümüz daxilində mübarizə aparacağıq. Hələlik daha çox təşkilatlanma işlərinə diqqət yetirəcəyik, strukturları gücləndirəcəyik. Formalaşma prosesini başa çatdıracağıq…

- Siz demək istəyirsiniz ki, kəmiyyət deyil, keyfiyyətə üstünlük verəcəksiniz?

- Əslində mənim şəxsi siyasi baxışım belədir ki, cəmiyyətdə siyasi fikri və ictimai rəyi formalaşdıran ayrı-ayrı insanlar, qruplar, kollektiv və birliklərdir. Bu baxımdan biz məsələlərə seçici prizmasından yanaşırıq və onlarla işləməyə üstünlük verəcəyik.

- Azad Demokratlar Partiyası hansı təşkilatlarla əməkdaşlıq və müttəfiqlik edəcək?

- Bu məsələ partiyanın Siyasi Şurasının verəcəyi qərardan asılıdır. Mənim şəxsi fikrim belədir ki, biz partiya olaraq bu məsələdə tələsməməliyik. Dediyim kimi, bütün gücümüzü ilk növbədə partiyanın təşkilatlanması, formalaşması işini başa çatdırmağa yönəltmişik və siyasi gücə çevrilmək istəyirik. Yaxın dövr üçün əsas hədəfimiz budur.

- Partiyanın qərargahı varmı, yoxsa daha çox səyyar fəaliyyətə üstünlük verirsiniz?

- Bəli, biz yəqin ki, bu məsələni də həll edəcəyik. Fikrimcə, bu, bizim həll etməli əsas texniki məsələlərdən biri olmalıdır.скачать dle 10.5фильмы бесплатно




Bölməyə aid digər xəbərlər
{sape_links}{sape_article}