Türk ordusu PKK-ya ağır zərbə vurub
Tarix: 24-09-2022 18:52 | Bölmə: Dünya / Xəbər lenti
Türk ordusu PKK-ya ağır zərbə vurub

Türkiyə Daxili İşlər Nazirliyinin Diyarbəkirdə davam edən “Eren Blokada-34” əməliyyatı çərçivəsində zərərsizləşdirilən 3 terrorçunun şəxsiyyəti müəyyən edilib.

Reyting.az
xəbər verir ki, terrorçulardan ikisi “narıncı”, digəri isə “boz” kateqoriyada axtarışda olub.

“Eren Blokada-34” əməliyyatı çərçivəsində Diyarbəkirin Dəclə rayonunun Görese dağı çölündə zərərsizləşdirilən terroçular “Dicle Botan” kod adlı Həcər Güney və “Diren Van” kod adlı Aliye Kiyenin “narıncı” xətt, “Əhməd Ader” kod adlı Xədicə Ayın isə “boz” xətt üzrə axtarıldığı müəyyən edilib.

Daxili İşlər Nazirliyindən verilən açıqlamada “Eren Blokada-34” əməliyyatı çərçivəsində zərərsizləşdirilən şəxslər Türkiyəyə qarşı terror hazırlığında olublar.

Zərərsizləşdirilən terrorçulardan biri də terrora görə axtarılanlar siyahısında başına 1 milyon türk lirəsi mükafat qoyulan “Dicle Botan” kod adlı Həcər Güneydir. “Diren Van” kod adlı Aliye Kiye isə “narıncı” kateqoriyası üzrə axtarışda olub və başın 500 min türk lirəsi mükafat vəd olunub. Bu şəxs uzun illər “Orta Sahədə” fəaliyyət göstərib.

Bu arada türk ordusu Şimali İraqda davam edən “Pəncə Kilit” əməliyyatı çərçivəsində 7 PKK-çını zərərsizləşdirib.

Türkiyə Milli Müdafiə Nazirliyi bildirib ki, şəhidimizin qanını yerdə qoymamışıq, qoymayacağıq: “İraqın şimalında “Pəncə-Kilit” əməliyyatı zamanı aşkarlanan 7 PKK terrorçusu Türkiyə Silahlı Qüvvələrimiz tərəfindən zərərsizləşdirilib”.

Hazırda Daxili İşlər Nazirliyinin Diyarbəkirdə başlatdığı “Eren Blokada-34” Narko Terror Əməliyyatları ilə terror təşkilatının maliyyə qaynaqlarına zərbə endirilir.

“Eren Blokada-34” əməliyyatlarının 44-cü günündə daha əvvəl müəyyən olunan 62 fərqli nöqtədə ərazi axtarışları davam edir. İndiyə qədər 3 tona yaxın narkotik maddə məhv edilib. Beləliklə, terror təşkilatının maliyyələşdirilməsinin qarşısı alınıb.

Hazırda Türkiyə hüquq-mühafizə orqanları və ordusu ölkədə terroru tamamilə aradan qaldırmaq üçün əməliyyatları davam etdirir.




Bölməyə aid digər xəbərlər
{sape_links}{sape_article}