İlham İsmayıl: “Bəzən 20 Dekabrda – Çekist günündə də təbriklər alıram”

Xəbər lenti

22:31 / 16-09-2025

Vardanyan Paşinyan, Minsk qrupu üzvləri və BQXK nümayəndələrinin dindirilməsini istəyir

21:03 / 16-09-2025

Sumqayıtda yaşayış binasında yanğın olub

19:49 / 16-09-2025

"Sonsuz qardaşlıq – IV" çoxmillətli birgə təlimi başa çatıb - Video

18:00 / 16-09-2025

Dövlətə məxsus 55 maşın hərracda satılıb

17:44 / 16-09-2025

Prezidentin Azərbaycana səfəri başa çatıb - Fotolar

17:39 / 16-09-2025

Ali Məhkəmənin hakimi təqaüdə göndərilib

17:36 / 16-09-2025

Azərbaycan və BƏƏ prezidentlərinin geniş tərkibdə görüşü olub - Fotolar

17:23 / 16-09-2025

ATƏT rəsmisi: "Minsk prosesinin bağlanması ilə bağlı qərarın icrasına başlanılıb"

17:08 / 16-09-2025

Sabah leysan yağacaq - Xəbərdarlıq

16:46 / 16-09-2025

Ağacın 1 qramı 10 min dollardır

16:41 / 16-09-2025

Prezidentlər güllələnmiş heykəllərə baxıblar - Fotolar

16:35 / 16-09-2025

Zaqatala sakini bağında döyülüb

16:25 / 16-09-2025

Azərbaycan və BƏƏ liderləri Şuşa qalasının önündə - Foto

16:09 / 16-09-2025

Prezidentlər Cıdır düzündə Qarabağ atlarının şousunu izləyiblər - Fotolar

16:07 / 16-09-2025

Deputat: Şərtimizi yerinə yetirsinlər, sülh sazişinə hazırlaşaq

15:55 / 16-09-2025

İlham Əliyev və BƏƏ prezidenti Yeni Şuşa məscidində - Fotolar

15:39 / 16-09-2025

Azərbaycan və BƏƏ prezidentləri Milli Xalça Muzeyinin Şuşa filialında olublar - Fotolar

15:20 / 16-09-2025

Bakıda Beynəlxalq Kitab Sərgisi keçiriləcək

15:11 / 16-09-2025

Cəlilabadda məktəbli bıçaqlanıb

15:07 / 16-09-2025

Nigar Köçərlinin kitabları müsadirə olunub? - Açıqlama

14:55 / 16-09-2025

Alla Puqaçovanın son müsahibəsi 16 milyondan çox baxış toplayıb

14:50 / 16-09-2025

Prezident iqamətgahı üzərindən uçan PUA ələ keçirilib

14:44 / 16-09-2025

İsrail iqtisadiyyatını ağır sınaqlar gözləyir

14:06 / 16-09-2025

Xalq artisti II Fəxri xiyabanda dəfn olunub - Yenilənib

13:39 / 16-09-2025

Prezidentlər Füzulidən sonra Şuşaya gediblər - Fotolar

13:31 / 16-09-2025

Zülfüqarov: Xankəndidə terror törətməklə bir neçə məqsədə çatmaq istəyiblər

13:27 / 16-09-2025

Sabah yağış yağacaq

12:57 / 16-09-2025

Əliyar Ağayev “Bayer”in oyununa təyinat alıb

12:53 / 16-09-2025

Əlisəmid Kür reanimasiyaya yerləşdirilib

12:45 / 16-09-2025

Deputat: “Əvvəlcə ingilis-rus, sonra Azərbaycan dilində yazırlar”

Xəbər lentinin davamı

Ən çox oxunanlar

22:57 / 14-09-2025

Xankəndidə terrora cəhd edən erməni saxlanılıb, yaralı var - Video - Yenilənib

20:48 / 13-09-2025

Deputat 120 şagirdə məktəb ləvazimatları verib - Fotolar

15:14 / 12-09-2025

Qarabağa daha iki köç karvanı gedib - (Yenilənib)

18:29 / 12-09-2025

Külək Yasamalda yaşayış binasında təhlükəli vəziyyət yaradıb - Video

10:50 / 12-09-2025

Zülfüqarov: Regiondankənar qüvvələr Ermənistana təzyiqlər göstərirlər

18:40 / 14-09-2025

İlham Əliyev Qırmızı Bazar, Hadrut qəsəbələri və Sos kəndinin sakinləri ilə görüşüb - (Yenilənib) - Fotolar

23:44 / 12-09-2025

Aİ Rusiyaya qarşı sanksiyaların müddətini uzadıb

22:10 / 12-09-2025

Salyanda 62 yaşlı kişi güllələnib

13:31 / 16-09-2025

Zülfüqarov: Xankəndidə terror törətməklə bir neçə məqsədə çatmaq istəyiblər

15:37 / 14-09-2025

İlham Əliyev Xocavəndin Qırmızı Bazar qəsəbəsində olub - Fotolar

09:10 / 12-09-2025

Güclü maqnit qasırğaları gözlənilir

13:50 / 14-09-2025

İlham Əliyev Hadrut qəsəbəsində olub - (Yenilənib) - Fotolar

İlham İsmayıl: “Bəzən 20 Dekabrda – Çekist günündə də təbriklər alıram” - Müsahibə
Tarix: 28-03-2018 08:00 | Bölmə: Müsahibə / Slayd

Şirift ölçüsü:

Ehtiyatda olan polkovnik deyir ki, dövlət təhlükəsizliyi orqanı keçmiş nüfuzunu bərpa etməklə yanaşı, təhlükəsizliyimizi təhdid edən hallara qarşısı xeyli işlər görülməlidir

Bu gün dövlət təhlükəsizliyi orqanının əməkdaşları peşə bayramlarını qeyd edirlər.

Təhlükəsizlik məsələləri üzrə tanınmış ekspert, keçmiş DTX zabiti, ehtiyatda olan polkovnik İlham İsmayıl Moderator.az-a müsahibəsində DTX-nın da fəaliyyətinə toxunub.

Reyting.az saytı həmin müsahibəni təqdim edir:

- 99 il əvvəl Azərbaycanın xüsusi xidmət orqanları yaranıb və 28 mart - təhlükəsizlik orqanlarının peşə bayramıdır. Bu həm də Sizin gününüz, peşə bayramınızdır, deyilmi?

- Sualınızda bir qədər şübhə çaları hiss etdim. Sanki mən bu günü qəbul etməyə də bilərəm.

Əlbəttə, mənim də peşə bayramımdır. Müstəqil dövlətimizin xüsusi xidmət orqanının yaranma günü bizim günümüz, bizim peşə bayramımızdır.

- SSRİ zamanında “KQB”-də xidmət edənlərin bəzən 20 Dekabrı - “çekist gününü” qeyd etdiklərini eşitmişəm, ona görə sualım belə səsləndi.

- Burda da bir qəbahət yoxdur, hətta xidmət illərinin hamısı SSRİ zamanına təsadüf edən keçmiş əməkdaşların 20 dekabrı yad etməsi, o demək deyil ki, vətəninə, müstəqilliyə sadiq deyil. Bu, ideoloji və ya sovet nostalgiyası yox, keçmiş əməkdaşların peşəsinə, keçdiyi yola sadiqliyi, öz şəxsi bioqrafiyasına normal münasibətidir. Keçmiş iş yoldaşlarımdan, çox nadir hallarda olsa da, 20 dekabrda da təbrik zəngləri gəlib, amma 28 mart bizim əsl peşə bayramımızdır, mənim üçün daha əlamətdardır.

- Təhlükəsizlik orqanlarının tarixindən soruşmayacam. Bunu internetdən də öyrənmək olar. 20 dekabrın verdikləri ilə 28 martın bəxş etdiklərini müqayisə etmisinizmi? Siz hansında özünüzü rahat hiss etmisiniz - 20 dekabrda, yoxsa 28 martda?

- Əvvələn deyim ki, bunlar heç müqayisəyə gəlməz. 28 mart Vətənimin müstəqilliyi, bir dövlət olaraq yaranması, imperiyadan qurtulmasının nəticəsidir. Müstəqil dövlətin yaranmasını, millətin azadlığını heç nə ilə müqayisə etmək olmaz, hətta fərdi qaydada məhrumiyyətlər yaşansa da.

O ki qaldı özünü rahat hiss etməyə, buna daha çox maddi və mənəvi prizmadan yanaşmaq olar. 14 ilə yaxın xidmətimin cəmi 4 ili müstəqillik illərinə düşür. 10 ilə yaxını Sizin dediyiniz kimi 20 dekabra - SSRİ zamanına aiddir. Müstəqilliyin ilk illərində və ondan əvvəlki dörd ildə-yəni 1988-ci ildən başlayaraq ölkədə faktiki olaraq müharibə gedirdi və xidmət illərimin yarısı gərgin siyasi, hərbi proseslərin, hadisələrin içində keçib.

İmtiyazlara qalsa, əlbəttə 20 dekabrın üstünlükləri çox idi. Mən birillik Minsk Ali Kursunu bitirib Gəncəyə gələndə şəhərin mərkəzində bir otaqlı mənzillə təmin olundum. Evlənən kimi, yenə şəhərin mərkəzində iki otaqlı mənzil verdilər. Şəhər kənarında kiçik də olsa, torpaq sahəsi də verildi. Maaşımız da o dövr üçün çox normal idi.

Başqa imtiyazlar da vardı. İstirahət evlərində məzuniyyət zamanı pulsuz dincəlmək, yol pulunun dövlət tərəfindən verilməsi, müalicə və sairə.

- Bəs, müstəqillik illərində - 28 martda nə əldə etdiniz?

- Azərbaycan Respublikasının vətəndaşı oldum. Bilirsiniz, bizim üçün, yəni 180 il Rusiya imperiyasının müstəmləkəsi olan Azərbaycan üçün müstəqilliyin qazanılması, dövlət olmamız heç bir maddiyatla ölçülə bilməz. Bundan ötrü can qurban vermək lazımdır.

- Anlayıram, bu mənim üçün də aydındır. Amma, yenə də...

- Onda belə deyək: 20 dekabrda əldə etdiyim bütün maddiyyatı müstəqillik dövründə satıb yaşamaqla məşğul olmuşam. 20 dekabrın verdiyi evləri satıb, kirayədə qalırıq.

- Yəni müstəqil dövlət - 28 mart Sizə heç nə vermədi.., maddi cəhətdən..

- Yox. 1994-cü ildə Bakıya xidmətə dəvət edən o vaxtkı nazir Namiq Abbasov paytaxtda evimin olmadığını bilirdi. Söz verdi ki, tezliklə ev verəcək, növbəyə götürdülər, amma bir ildən sonra mən istefa verdim. Vəssalam.

- Peşmansınız?

- Nəyə? İstefa verib ev ala bilmədiyimə? Siz nə danışırsınız? İmtina etməyi bacarmaq mənəviyyat məsələsidir, maddiyat yox.

- Amma, “ehtiyac qul edir qəhrəmanı da”, onsuz da olmur axı?

- Əlbəttə, olmur. Amma, minimumla da xoşbəxt olmaq mümkündür. O sözləri Səməd Vurğun bəlkə də özü üçün demişdi. O dövrün siyasi ab –havası o qədər sərt idi ki, böyük mənəviyyat və istedad sahibləri zülmün qarşısında geri çəkilməyə məcbur olublar. Görünür şair də dözə bilməyib, nəyəsə razılıq verəndə ürəyindən bu sətirlər keçib. Əslində qul oldunsa qəhrəman olmursan.

- Yaxşı, başqa müqayisə aparaq: 20 dekabrla müqayisədə bizim xüsusi xidmət orqanının peşəkarlığı, ümumi səviyyəsi necədir?

- Burda birmənalı cavab vermək çətindir. Nəzərə alın ki, Azərbaycan SSR DTK-sı SSRİ DTK-nın strukturu idi. Sovet DTK-nın adı dünya çapında olan bir təşkilat olub, bu gün də onun varisi FTX və XKX dünya səviyyəsində bir xüsusi xidmət orqanıdır. 70 il biz də o məktəbin üzvü olmuşuq. Deməli, məktəb qalır. Vəzifələr, metodlar, miqyas fərqli olsa da. Sadəcə, 11 il 3 aylıq “oboxeyis” idarəetməsi bu məktəbi darmadağın etdi. İndiki DTX, hesab edin ki, sıfırdan olmasa da, ona yaxın yerdən yenidənqurma ilə məşğuldur və özünüz də hiss edərsiniz ki, artıq bu təşkiatın adı çirkli məsələlərdə hallanmır. Keçmiş nüfuzunu bərpa etməklə yanaşı, islahatların aparılması, bütün istiqamətlər üzrə ölkənin təhlükəsizliyini təmin etmək, əməliyyat şəraitinə uğurla nəzarət etmək, beynəlxalq terrorizmin, radikal islamın, separatçılığın, ümumiyyətlə dövlət təhlükəsizliyini təhdid edən bütün halların qarşısını almaq istiqamətində hələ xeyli işlər görülməlidir və mənə də çatan məlumatlara görə bu yöndə iş aparılır.

Bildiyiniz kimi xüsusi xidmət orqanımız kataklizmlər yaşayıb. Siz deyən kimi keçmiş imperiya orqanı ilə təzə-təzə möhkəmlənməyə başlayan bir xidməti müqayisə etməyimiz doğru olmaz.

- Yəni biz kiçik dövlətik və təşkilatımız da iddialı ola bilməz?

- Xeyr. Bir tarixi faktı deyim. İsrail 1948-ci ildə yaranıb. İsrail xüsusi xidmət orqanları-istər Mossad, istər Şabak dövlətin yarandığı ilk illərdən dünya səviyyəli təşkilatlardır. Əsas məsələ dövlətin apardığı siyasət və xüsusi xidmət orqanı qarşısında qoyduğu vəzifədir. Təşkilat o vəzifələrə uyğun hərəkət etməklə formalaşır. Dövlətin tarixi, yaşı, böyük-kiçikliyi, professionallıq üçün vacib şərt deyil.

- Ermənistan düşmən dövlətdir. Sizcə düşmən dövlətlə, konkret olaraq işğal olunmuş Qarabağda bizim xüsusi xidmət orqanları lazım olan işləri görürmü? Siz bu sahədə tələb olunan işdən razısınızmı?

- Əgər o işlər görülürsə də, mən bunu bilmirəm, bilsəm də demərəm. Yox, görülmürsə də, yenə heç nə deyə bilmərəm. Sadəcə, mənim narazılığım o olub ki, bizim xüsusi xidmət orqanı və Müdafiə Nazirliyi birgə xüsusi təxribat dəstəsi yaradıb, işğal altında olan yerlərdə qanunsuz məskunlaşmanın qarşısını almaq məqsədilə, yeni yaradılan infrastrukturları məhv etməli idi.

- Bəs, əksinə, düşmənin, ümumiyyətlə xarici kəşfiyatın fəaliyyətinə qarşı, qısası, casuslara qarşı necə, fəaliyyət qənaətbəxşdirmi?

- Açığı, Sizin narahatlığınızı başa düşürəm, amma bu suala da birmənalı cavab vermək mümkün deyil. Siz hətta bu sualı orda işləyən rəsmi əməkdaşa versəniz də, konkret cavab ala bilməzsiniz. Əks-kəşfiyyat tədbirləri görülür və casus yaxalamaq, ifşa etmək asan iş deyil. Yadınızdadır, az qala hər ay mətbuatdan oxuyurduq ki, MTN neçə kiloqramsa narkotik tutub. Casusu ifşa etmək, yaxalamaq, belə asan məsələ deyil və uzun çəkən prosesdir. Axı qarşı tərəf də peşəkardır. Hər halda bu istiqamət təhlükəsizlik xidmətinin ən çox diqqət yetirdiyi sahədir.

- Keçmiş şöbə rəisi, Qarabağ müharibəsi veteranı, bugünkü təhlükəsizlik məsələləri üzrə ekspert kimi Sizi peşə bayramı münasibətilə təşkil olunmuş rəsmi tədbirlərə dəvət etsələr gedərsinizmi?

- İndiyədək belə bir hadisə baş verməyib. Açığı, gözləmirəm və heç kimi də qınamıram. Bu, önəmli deyil.

- O zaman peşə bayramı münasibətilə biz Sizi təbrik edirik.

- Təşəkkür edirəm. Mən də peşə bayramı münasibətilə Dövlət Təhlükəsizliyi Xidmətinin bütün əməkdaşlarını, eyni zamanda bu peşənin bütün keçmiş əməkdaşlarını təbrik edir, gələn il 100 illik yubileyi dövlətimizin təhlükəsizliyi adına uğurla qarşılamağı arzu edirəm.

Ana səhifəyə dön