14:08 / 19-04-2025
“Horadiz” sərhədində əməliyyat: saxlanılanlar var
12:27 / 19-04-2025
Bakıdakı toyda kütləvi zəhərlənmə olub - (Yenilənib)
12:24 / 19-04-2025
Dövlət Nəzarəti Xidmətinin ştat vahidi artırılıb
12:21 / 19-04-2025
“Kredit büroları haqqında” qanun dəyişib
11:49 / 19-04-2025
Prezident Qarabağ zonası üzrə yeni qanunu təsdiqləyib
11:40 / 19-04-2025
General "Bakı Korpusu"nun komandiri təyin olunub
11:17 / 19-04-2025
DİN: "Bank məlumatlarını naməlum şəxslərə verməyin"
09:12 / 19-04-2025
Azərbaycan Ordusunun mövqelərini atəşə tutulub
00:06 / 19-04-2025
"Qalatasaray" 32-ci turu qələbə ilə başa vurub
23:47 / 18-04-2025
Məhkəmədə Ermənistanın törətdiyi Xocalı soyqırımı ilə bağlı faktlar nümayiş olunub - Fotolar
20:35 / 18-04-2025
Rusiyaya qarşı sanksiyaları ləğv etmək istəyirlər
19:21 / 18-04-2025
ABŞ əsgərləri üç məntəqədən geri çəkilib
19:18 / 18-04-2025
İlham Əliyev və Mehriban Əliyeva “Sea Breeze”də - (Yenilənib) - Fotolar
19:08 / 18-04-2025
ABŞ-dan sonra ikinci müttəfiq: İsraili Bakı ilə nə birləşdirir?
18:45 / 18-04-2025
Bakı Şəhər İcra Hakimiyyəti 105 milyonluq tender elan edib
18:00 / 18-04-2025
Oleq Bakinskinin məhkəməsi: barışıq üçün danışıqlar aparılır
17:57 / 18-04-2025
ƏƏSMN: "Müavinət və təqaüdlər artırılacaq"
17:45 / 18-04-2025
Aktyor teatr direktorunu korrupsiyada ittiham edir
17:33 / 18-04-2025
Azərbaycanın dövlət borcu nə qədərdir? - Açıqlama
17:09 / 18-04-2025
AFFA “Turan Tovuz”un şikayətini təmin etməyib
17:03 / 18-04-2025
Qanunsuz ağac kəsimi ilə bağlı prokurorluğa müraciət olunacaq
16:35 / 18-04-2025
"Sevimli dad"ın kolbasası zay çıxıb - Foto
16:31 / 18-04-2025
Üzeyir Cəfərov: "Tanınmış şəxslərin çoxu hərbi xidmətdə olmayıblar
16:27 / 18-04-2025
İlham Əliyev Azərbaycanın xristian icmasını təbrik edib
16:06 / 18-04-2025
Azərbaycanda yeni fırıldaq növü yayılıb: "Kabus toxunuşu"
15:41 / 18-04-2025
Sabahdan bu yollar bağlancaq
15:14 / 18-04-2025
Marketdə saxta spirtli içkilər aşkarlanıb
14:36 / 18-04-2025
Ukraynada azərbaycanlı hərbçi itkin düşüb
14:21 / 18-04-2025
Nazirlik adı siyahıda olmayan plastik cərrahlarla bağlı izahat yayıb
21:48 / 14-04-2025
Əvəz Zeynallı ilə bağlı prezidentə müraciət ünvanlanıb
17:56 / 16-04-2025
Deputat: Vəziyyət ağırdır, hökumət ciddi bir iş görmür
09:26 / 15-04-2025
ABŞ Konqresi Rusiyaya təzyiqə başlayır
15:52 / 14-04-2025
"Kimyagər" romanı ekranlaşdırılacaq
18:09 / 15-04-2025
Maliyyə nazirinə birinci müavin təyin olunub
15:58 / 15-04-2025
Prezident məhkəmələrə sədr və hakimlər təyin edib - Siyahı
00:07 / 16-04-2025
Gözəllik müsabiqəsinin qalibləri bəlli olub - Foto
15:57 / 14-04-2025
Ermənilər Azərbaycan Ordusu ilə bağlı yalan məlumat yayıb
08:26 / 16-04-2025
Bakının bəzi yollarında nəqliyyatın hərəkətinə məhdudiyyətlər tətbiq edilib
13:41 / 16-04-2025
Mərkəzi Asiya respublikalarının xəyanəti: Kipr dilemması
16:40 / 15-04-2025
Gürcüstan prezidenti Azərbaycana gəlib - (Yenilənib)
17:08 / 15-04-2025
Müğənni Nura “Azercell”i qınayıb
Yay gününün unudulmaz ad günü...
Tarix: 12-11-2023 09:00 | Bölmə: Kənan HACI
Kənan HACI
Dəyərli alimimiz Əliheydər Ağakişiyevin əziz xatirəsinə
Həyatımızdan çox insanlar keçir, bəzisi unudulur, bəzisini kölgə kimi xatırlayırıq, bəziləri və həm də çox az bir qismi isə yaddaşımızda, xatirələrimizdə silinməz iz buraxır. Biz taleyimizdə önəmli rol oynamış insanları, güclü emosiyalar doğuran hisləri yadda saxlayırıq. Bizim düşüncə tərzimizi dəyişən insanlar var, onlar bizə rəngarəng və canlı xəyallar bəxş edirlər. Sadəcə, ona görə ki, onların daxili aləmi o qədər zəngin, o qədər nüfuzedicidir ki, onlar daxilən duyduqlarını bölüşməyə böyük ehtiyac duyurlar. Onlar səmimiyyəti ilə, nikbin əhval-ruhiyyəsi ilə, müsbət enerjisi ilə qəlbimizə yol açırlar.
Bu günlərdə aramızdan əbədi ayrılmış dəyərli alim, Bakı Dövlət Universitetinin dosenti, filologiya üzrə fəlsəfə doktoru, Azərbaycan dilinin tətbiqi məsələləri elmi-tədqiqat laboratoriyasının müdiri, respublikanın əməkdar müəllimi Əliheydər Ağakişiyev məhz belə insanlardan idi. Onunla uzun illər idi ki, dostluq, tanışlıq münasibətlərimiz vardı. Bəzən həyatdan küsəndə, yorğun vaxtlarımda ərkyana məni danlayırdı, “bu nə yorğunluqdur belə, yaşamaq, yazmaq-yaratmaq lazımdır”,- deyib əlini kürəyimə vururdu. Həmişə kitablarımı oxuyub görüşəndə fikirlərini bildirirdi. Həyata son dərəcə bağlı idi, həyatdan zövq almağı bacarırdı. Son dərəcə zəhmətkeş alim və tərcüməçi idi. Böyük türkoloq Lev Qumilyovun “Etnogenez və yerin biosferi” əsərini dilimizə tərcümə etmişdi. BDU-nun dosenti Fikrət Əlizadə deyir ki, Əliheydər müəllim bu əsəri o qədər məharətlə dilimizə tərcümə etmişdi ki, Kamil Vəli Nərimanoğlu onun tərcüməsi barədə demişdi: "Elə bil, Qumilyov əsəri rusca deyil, azərbaycanca yazıb".
Fikrət müəllim daha bir məqamı da xatırlayır: “Dostum Əliheydər böyük ürək yiyəsi idi. Ona əlimə gizli keçmiş "Müqəddəs Kitab"a - "Bibliya"ya daxil olmayan xeyli sahifəli "Barnaba İncili"nin rus variantını göstərdim. O bunu çox tez və deyərdim ki, böyük həvəslə tərcümə etdi. Cünki burada 12 həvaridən biri olan Barnabanın İsa peyğəmbərin özü və onun dilindən eşitdiyi kimi, dünyanı xilas edəcək peyğəmbərin gələcəyi barədə məlumat verilir. Elə buna görə Orta əsrlərdə "Barnaba İncil"i "Müqəddəs kitab"dan qəsdən çıxarılmış və hazırkı vaxta qədər qadağan olunmuşdur.
Əliheydər müəllimin hesabına bu nadir variant ilk dəfə olaraq azərbaycanca çap olundu. Həmin İncil daha sonra - 2007-ci ildə Rusiyada tam variantda nəşr edidi. Ona zəhmətinə görə pul təklif edəndə qəti şəkildə etiraz etdi və dedi ki, bunu yaymaq mənəvi borcumuzdur. Qoy məndən də bir pay olsun!”
O, belə təmənnasız insan idi. Onunla üzbəüz əyləşib söhbət etmək, bir məclisdə iştirak etmək, yol yoldaşı olmaq maraqlı idi. Mədəni, nəzakətli, geniş erudisiyaya malik ziyalı idi. Əliheydər müəllim təkcə öz sahəsini deyil, elmin müxtəlif sahələrinə dərindən bələd idi, maraq dairəsi son dərəcə geniş idi. Onunla beş-on dəqiqəlik söhbət kifayət edirdi ki, arada doğmalıq yaransın. Elə zənn edirdin ki, ən məhrəm bir insanla dərdləşirsən. Hər insana müyəssər olmayan nadir xüsusiyyətlərə malik idi... İnsanı dinləməyi bacarırdı, o dəqiqə həmsöhbətində yüksək əhval-ruhiyyə yaratmağı bacarırdı. Şux zarafatlarıyla, şirin danışığı ilə, yeri gələndə qeyri-rəsmi davranışıyla...
Yaza-yaza fərqinə varıram ki, onun haqqında keçmiş zamanda danışıram. Bu müdhiş həqiqətə inanana bilmirəm...
Cəmi bir il bundan öncə, ötən ilin yayında Əliheydər müəllimin ad gününü ailəsiylə birlikdə İsmayıllıda, səfalı bir guşədə qeyd etmişdik. Bilirdim ki, ağır xəstəliklə çarpışır. Amma həmin gün o qədər şux, qıvraq görünürdü ki, ölümün onun həndəvərində dolaşdığına heç kəs inanmazdı. Hamımızın içində bir arxayınlıq yaranmışdı ki, Əliyehdər müəllim möhkəm adamdır, artıq xəstəliyə qalib gəlib. Dedik-güldük, şənləndik... İş yoldaşları da bu məclisə şirinlik qatdılar. Həyatımızın unudulmaz günlərindən birini yaşadıq. İndi həmin gün çəkdirdiyimiz fotolara baxıram, qəlbimə həzin bir qüssə dolur. Sən demə, xəstəlik gizlində öz işini görürmüş...
Hamımız bilirdik... Bilirdik ki, o, sağalmaz bir mərəzlə döyüşür və bütün iradəsini səfərbər edib, məğlub olmaq istəmir. O ad günündə heç nədən şikayətlənmədi, “hər şey yaxşıdır, sağalıram”,- dedi. Biz isə özümüzü inandırmağa çalışdıq. İnanmışdıq da...
Heyhat... Tanrının ona ayırdığı ömür möhləti bitdi... Dəyərli bir alimi, ziyalını itirdik. Əliheydər müəllim ömür payını elmə sərf etdi, elm fədailərindən oldu. İnsanların ən xasından, ən yaxşısından oldu, işığını hər kəslə bölüşdü, qəlbinin sevgisini heç kəsdən əsirgəmədi... Elmi və zəkası ilə insanlığa nümunə oldu.
İsmayıllıda keçirdiyimiz o yay axşamını xatırlayıram. Onun duzlu-məzəli söhbətləri yadıma düşür. Evdəkilərdən xəlvəti həyətə düşüb siqaret çəkməyi gözümün önünə gəlir... Yaddaşın kamerası o günə yönəlib... Mən xatırlayıram. İnnən belə yalnız xatırlaya biləcəyik... Əliheydər müəllim yaddaşımızda işıqlı xatirələriylə qalacaq...
Həyatımızdan çox insanlar keçir, bəzisi unudulur, bəzisini kölgə kimi xatırlayırıq, bəziləri və həm də çox az bir qismi isə yaddaşımızda, xatirələrimizdə silinməz iz buraxır. Əliheydər Ağakişiyev məhz o insanlardan idi.
Ruhu şad olsun!
11 noyabr, 2023
Bölməyə aid digər xəbərlər
Tarix: 12-11-2023 09:00 | Bölmə: Kənan HACI
Kənan HACI
Dəyərli alimimiz Əliheydər Ağakişiyevin əziz xatirəsinə
Həyatımızdan çox insanlar keçir, bəzisi unudulur, bəzisini kölgə kimi xatırlayırıq, bəziləri və həm də çox az bir qismi isə yaddaşımızda, xatirələrimizdə silinməz iz buraxır. Biz taleyimizdə önəmli rol oynamış insanları, güclü emosiyalar doğuran hisləri yadda saxlayırıq. Bizim düşüncə tərzimizi dəyişən insanlar var, onlar bizə rəngarəng və canlı xəyallar bəxş edirlər. Sadəcə, ona görə ki, onların daxili aləmi o qədər zəngin, o qədər nüfuzedicidir ki, onlar daxilən duyduqlarını bölüşməyə böyük ehtiyac duyurlar. Onlar səmimiyyəti ilə, nikbin əhval-ruhiyyəsi ilə, müsbət enerjisi ilə qəlbimizə yol açırlar.
Bu günlərdə aramızdan əbədi ayrılmış dəyərli alim, Bakı Dövlət Universitetinin dosenti, filologiya üzrə fəlsəfə doktoru, Azərbaycan dilinin tətbiqi məsələləri elmi-tədqiqat laboratoriyasının müdiri, respublikanın əməkdar müəllimi Əliheydər Ağakişiyev məhz belə insanlardan idi. Onunla uzun illər idi ki, dostluq, tanışlıq münasibətlərimiz vardı. Bəzən həyatdan küsəndə, yorğun vaxtlarımda ərkyana məni danlayırdı, “bu nə yorğunluqdur belə, yaşamaq, yazmaq-yaratmaq lazımdır”,- deyib əlini kürəyimə vururdu. Həmişə kitablarımı oxuyub görüşəndə fikirlərini bildirirdi. Həyata son dərəcə bağlı idi, həyatdan zövq almağı bacarırdı. Son dərəcə zəhmətkeş alim və tərcüməçi idi. Böyük türkoloq Lev Qumilyovun “Etnogenez və yerin biosferi” əsərini dilimizə tərcümə etmişdi. BDU-nun dosenti Fikrət Əlizadə deyir ki, Əliheydər müəllim bu əsəri o qədər məharətlə dilimizə tərcümə etmişdi ki, Kamil Vəli Nərimanoğlu onun tərcüməsi barədə demişdi: "Elə bil, Qumilyov əsəri rusca deyil, azərbaycanca yazıb".
Fikrət müəllim daha bir məqamı da xatırlayır: “Dostum Əliheydər böyük ürək yiyəsi idi. Ona əlimə gizli keçmiş "Müqəddəs Kitab"a - "Bibliya"ya daxil olmayan xeyli sahifəli "Barnaba İncili"nin rus variantını göstərdim. O bunu çox tez və deyərdim ki, böyük həvəslə tərcümə etdi. Cünki burada 12 həvaridən biri olan Barnabanın İsa peyğəmbərin özü və onun dilindən eşitdiyi kimi, dünyanı xilas edəcək peyğəmbərin gələcəyi barədə məlumat verilir. Elə buna görə Orta əsrlərdə "Barnaba İncil"i "Müqəddəs kitab"dan qəsdən çıxarılmış və hazırkı vaxta qədər qadağan olunmuşdur.
Əliheydər müəllimin hesabına bu nadir variant ilk dəfə olaraq azərbaycanca çap olundu. Həmin İncil daha sonra - 2007-ci ildə Rusiyada tam variantda nəşr edidi. Ona zəhmətinə görə pul təklif edəndə qəti şəkildə etiraz etdi və dedi ki, bunu yaymaq mənəvi borcumuzdur. Qoy məndən də bir pay olsun!”
O, belə təmənnasız insan idi. Onunla üzbəüz əyləşib söhbət etmək, bir məclisdə iştirak etmək, yol yoldaşı olmaq maraqlı idi. Mədəni, nəzakətli, geniş erudisiyaya malik ziyalı idi. Əliheydər müəllim təkcə öz sahəsini deyil, elmin müxtəlif sahələrinə dərindən bələd idi, maraq dairəsi son dərəcə geniş idi. Onunla beş-on dəqiqəlik söhbət kifayət edirdi ki, arada doğmalıq yaransın. Elə zənn edirdin ki, ən məhrəm bir insanla dərdləşirsən. Hər insana müyəssər olmayan nadir xüsusiyyətlərə malik idi... İnsanı dinləməyi bacarırdı, o dəqiqə həmsöhbətində yüksək əhval-ruhiyyə yaratmağı bacarırdı. Şux zarafatlarıyla, şirin danışığı ilə, yeri gələndə qeyri-rəsmi davranışıyla...
Yaza-yaza fərqinə varıram ki, onun haqqında keçmiş zamanda danışıram. Bu müdhiş həqiqətə inanana bilmirəm...
Cəmi bir il bundan öncə, ötən ilin yayında Əliheydər müəllimin ad gününü ailəsiylə birlikdə İsmayıllıda, səfalı bir guşədə qeyd etmişdik. Bilirdim ki, ağır xəstəliklə çarpışır. Amma həmin gün o qədər şux, qıvraq görünürdü ki, ölümün onun həndəvərində dolaşdığına heç kəs inanmazdı. Hamımızın içində bir arxayınlıq yaranmışdı ki, Əliyehdər müəllim möhkəm adamdır, artıq xəstəliyə qalib gəlib. Dedik-güldük, şənləndik... İş yoldaşları da bu məclisə şirinlik qatdılar. Həyatımızın unudulmaz günlərindən birini yaşadıq. İndi həmin gün çəkdirdiyimiz fotolara baxıram, qəlbimə həzin bir qüssə dolur. Sən demə, xəstəlik gizlində öz işini görürmüş...
Hamımız bilirdik... Bilirdik ki, o, sağalmaz bir mərəzlə döyüşür və bütün iradəsini səfərbər edib, məğlub olmaq istəmir. O ad günündə heç nədən şikayətlənmədi, “hər şey yaxşıdır, sağalıram”,- dedi. Biz isə özümüzü inandırmağa çalışdıq. İnanmışdıq da...
Heyhat... Tanrının ona ayırdığı ömür möhləti bitdi... Dəyərli bir alimi, ziyalını itirdik. Əliheydər müəllim ömür payını elmə sərf etdi, elm fədailərindən oldu. İnsanların ən xasından, ən yaxşısından oldu, işığını hər kəslə bölüşdü, qəlbinin sevgisini heç kəsdən əsirgəmədi... Elmi və zəkası ilə insanlığa nümunə oldu.
İsmayıllıda keçirdiyimiz o yay axşamını xatırlayıram. Onun duzlu-məzəli söhbətləri yadıma düşür. Evdəkilərdən xəlvəti həyətə düşüb siqaret çəkməyi gözümün önünə gəlir... Yaddaşın kamerası o günə yönəlib... Mən xatırlayıram. İnnən belə yalnız xatırlaya biləcəyik... Əliheydər müəllim yaddaşımızda işıqlı xatirələriylə qalacaq...
Həyatımızdan çox insanlar keçir, bəzisi unudulur, bəzisini kölgə kimi xatırlayırıq, bəziləri və həm də çox az bir qismi isə yaddaşımızda, xatirələrimizdə silinməz iz buraxır. Əliheydər Ağakişiyev məhz o insanlardan idi.
Ruhu şad olsun!
11 noyabr, 2023
Müəllifin bütün yazıları - Kənan HACI
Bölməyə aid digər xəbərlər
9-03-2023, 16:34
Kənan HACI - Əzizə Cəfərzadənin oxuculara tanış olmayan romanı - “Qobustan çökəklərində”
26-12-2022, 17:30
Kənan HACI - Azərbaycanın dünya ədəbiyyatındakı boş qalmış yeri - Kənan Hacı yazır
15-08-2022, 17:31
“Hamı yoldan yarısın...” - Kənan Hacı yazır
4-07-2022, 12:08
Yazıçının son əsəri - “Eşq sultanı” - Kənan Hacı yazır
31-01-2022, 10:43
Epifaniya və ya “Omikron” mövsümü - Kənan Hacı yazır
3-04-2020, 17:50
Kənan HACI - Virussuz dünya və ya Hararinin görə bilmədiyi fəlakət - Kənan Hacı yazır
Qüdrət Həsənquliyevin fikrincə, Tramp görsə ki, Ukrayna qalib gəlir, Rusiyaya təkcə siyasi yox, hərbi dəstək də verəcək
"Xalq qəzeti"nin şöbə müdiri deyir ki, ömrü boyu özünü axtaran, dəfələrlə yanından ötüb keçən o qədər insan var ki
Nadir Azməmmədov: “Təəssüf ki, indi rejissor olmaq, kino və serial çəkmək adiləşib, bəzən bunun məsuliyyətini dərk etmirlər”
Türkiyədə yaşayan Əməkdar artist deyir ki, siyasilərin illərlə həllinə çalışdığı hansısa bir məsələni bəzən uğurlu bir musiqi əsəri həll edə bilər
Qüdrət Həsənquliyev: “Düşmənçiliyə son qoymaq üçün ədalətli sülhə nail olmaq gərəkdir. Bunun üçün ya tərəflər 1991-ci ilin sərhədləri çərçivəsində bir-birinin ərazi bütövlüyünü tanıyır, ya da ərazi mübadiləsinə gedirlər. Amma indiki mərhələdə bu, az inandırıcı görünür”
